1 Kɔrèn 1:1 - Meta’

¹ À yɨə mɔ̌ Pɔ̂l mbɨ wa aŋgɔb Sòstenès ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ɨchî nɨ wɨ̀ nyaʼa kə̀b ni mə yeʼ wə̀d tom Kristo Yeso.

Ikan feg

¹ À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

1 Kɔrèn 1:1 Referans Kwoze

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

Kòlosè 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso nɨ Ŋwìə̀ chɔʼɔ, mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂.

Ɨ̀fàʼì 18:17

Mɨ̀Jû mbe mɨjìm nyaʼa gywɨ̀ ə Sòstenès, nɨ nyaʼə ətu ɨŋga nəb ə̀kàtɨ̀ ze, som əməd ɨfě nəb ɨsaʼi ze. Àyɨə chəi Galiò nyaʼa nɨŋ əze ənɨ ənû ə mɔʼɔ.

2 Timotì 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ɨchî nɨ Ŋwìə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tom əmɨ ni mə̀ gha ɨmbə̀ʼ ɨ̀tènɨ̀ we nɨ wɨ̀ nyaʼa kaʼi ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Gàlesìyà 1:1

À yɨə mɔ̌ Pɔ̂l, nɨ mə yeʼ wə̀d tom Kristo, ŋwaʼnɨ ə̀ŋwàʼnɨ̀ zɔ̂. Kaʼi bə̂d nyaʼa chɔʼ əmɨ tom. Ka ɨka we nɨ chɔʼ əmɨ yɨ i rɨ əmbɨ ə bə̂d. Ɨka we yɨ rɨ əmbɨ Yeso Kristo bə̀ fɔrɨ rɨ əmbɨ Ŋwìə̀ Mbǎʼ we nɨ nyaʼa zwemnɨ əməd.

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

2 Kɔrèn 12:12

Mə nyaʼa nɨŋ ɨyim fîŋ nɨ kaanɨ ghɨ̀ ɨnweenɨ-ɨnû, ghɨ̀ ɨnû yiirɨ bə̀ ghɨ̀ ɨnû kyeŋ kyeŋ əkaʼ nən ɨ chwi ni mə yɨə wə̀d tom Kristo rəsìʼ.

2 Kɔrèn 11:5

Chəi mə̀ kɔndɨ ni mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

1 Kɔrèn 15:9

À yɨ əne ɨmbə̀ʼ ɨghəm nɨ rəbɔʼ bə̂d tom Kristo mɨ̀jìm, mɔ̌ yɨə we nɨ kə chè. Chəi mə̀ kuʼ nɨ tɨ̀ mbɨ tɔŋ əmɨ ənɨ ə wə̀d tom, ɨmbə̀ʼ ɨghəm nɨ mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀.

1 Kɔrèn 3:9

Tɨ̀ yɨə bə̂d nɨə fàʼ ɨnɔ̂n əmbɨ ə Ŋwiə̀. Mbə yɨə mbeŋ Ŋwìə̀, bə̀ yeʼ nəb nɨ Ŋwìə̀ korɨ.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Lk 6:13

Ənɨ ɨtuʼ nyaʼa chɨgɨ, wɨ̀ nyaʼa tɔŋ mbi mə̀mə̀ə̀nɨ̀-ɨnû, chɔʼ mbɨ wum chɔ̀b rɨ̀be rəkaʼ mɨ̀mə̌d. Wɨ̀ nyaʼa tɔŋ mbe ənɨ ə bə̂d tom. Mbe nɨ wɨ̀ nyaʼa chɔʼɔ yɨə:

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Rm 1:10

Mə wɨə kɔ̀ŋgɨ̀ə̀ nɔnə ni, wɨ̀ mɨ benɨ, mə we tɨ̀ mə yeʼe əsɨ nən.

2 Kɔrèn 8:5

Mbɨ nyaʼa ghɨ̀ ənû zɔ̂ chè ɨchî nɨ tɨ̀ nyaʼa kɔndɨ. Mbɨ nyaʼa bè nàʼ ə ɨnyod əmbɨ Ə̀nùŋɨ̀sɨg. Mbɨ nyaʼa beenɨ nàʼ ə ɨnyod ɨ na ɨchî nɨ Ŋwìə̀ nyaʼa kəb ni mbɨ ghɨ əne.