Leeter masa Jak ma wuzlala 2:12 - Mofu-Gudur

¹² Maja ŋgene, ya fa ləvkwar, wam vaw fa mey masa akwar ma daa guzldamara, asaya, wam vaw fa menjey akwar da bəla, maja akwar na, ndəhay masa Gazlavay ma da katar sariya ta fa mewey aŋga, mewey masa ma gwa ŋga badakurwa daa mebərey.

Leeter masa Jak ma wuzlala 2:12 Referans Kwoze

Leeter masa Jak ma wuzlala 1:25

Ama da ndaw a saŋgala kwakwas ŋga Gazlavay ta dək-vaw, asaya, da ndaw aha a jəkey sləmay fa kwakwas a, a sərfada, a səpa na, ŋgene Gazlavay a kar maaya la maja. Fara fara, Gazlavay a kar maaya la maja kwakwas a, aŋga maaya kalah, a gwa ŋga ləhda ndaw daa mebərey.

Leeter masa Jak ma wuzlala 2:8

Mawuzlalakaya daa ɗerewel ŋga Gazlavay, a ləvey: «Si ka wuɗa meseembew akah anda kah ma wuɗa ray akah.» Da akwar fa namar ray ŋgada *mewey ŋga Bay Gazlavay a keɗe na, ŋgene ara cek maaya.

Leeter masa Pawl ma wuzlalatara a Kwalaws hay 3:17

Daa cek hay cəpa masa akwar ma kamara ta mey hay cəpa masa akwar maa guzlam na, kamara ta mezəley ŋga Bay Mahura Yesu. Kamara ta mekey suse a Gazlavay, Papa aləkwa, maja Yesu.

Leeter masa Pawl ma wuzlalatara a Fəlepi hay 4:8

Məlma aɗaw hay, ya wuɗey ya ndəvda mey aɗaw dəɓa. Ya ləvkwar, pamara leŋgesl akwar a ray cek hay maaya, masa ndəhay maa səmam da ray a. Anda meləvey, mey masa fara fara, cek masa ndəhay maa həmdamara, cek masa ta cəveɗ e, cek manjar ŋga zləɓey, cek ma mbafatar a ndəhay, leŋ cek masa ndəhay maa guzlam da ray a maaya.

Mey-maaya-mawiya masa Luk ma wuzlala 4:18

«Mesəfney ŋga Bay Gazlavay aa da ray aɗaw, Bay Gazlavay ta walaya la amba ya wuzdatara *Mey-maaya-mawiya ŋgada masa-viya hay. A slərdiwa amba ya ləvtar a ndəhay majəwtakaya dasi har ŋga bay-malula na, Gazlavay ta pəskata sem. A slərdiwa ŋga wurey dey ŋga wulaf hay, ŋga ləhey ndəhay dasi har ŋga masa-gəra ata hay.

Mey-maaya-mawiya masa Jaŋ ma wuzlala 8:32

Anda keɗe, ka sərmara mey masa fara fara la, mey a, a da pəskakurwa daa beke.»

Leeter masa Pawl ma wuzlalatara a Galat hay 6:2

Da banay da wuzlah akwar daha na, jənam vaw. Da masa akwar fa kamara kəne na, a key ŋgene, ka namar ray a mewey ŋga *Kəriste.