Ef 3:14 - Mofu-Gudur

¹⁴ Ara maja ŋgene, yah ma regedey fa mey ŋga Gazlavay Papaŋ, ŋga dərar daŋgay maja akwar.

Ef 3:14 Referans Kwoze

Leeter masa Pawl ma wuzlalatara a Fəlepi hay 2:10

Da ray ŋgene, cek hay tabiya kwa da vaɗ, kwa da bəla keɗe, kwa ndəhay maməctakaya hay, a da həslmar ray a Yesu a, a da ragadamata mereŋgwez ata hay fa mey aŋga.

Sləra ŋga Ndəhay Meslərey ŋga Yesu 21:5

Ama masa ala ma kam luma pal la ta ata na, ta’, ya sləkɗam, ya diyam a pəkey. Ata tabiya ta ŋgwas ata hay, ta bəz ata hay, a ləgdamandərwa daa berney a haa a palah. Ya wusam a mey-bəlay na, ta’, ya ragadam, ya dəram daŋgay a Gazlavay.

Ef 1:3

Həlmakwa Gazlavay, Papaŋ ŋga Bay aləkwa Mahura Yesu *Kəriste. Mepəsey-mey aŋga kwa wura wura ma sawa ta da vaɗ, aa da ray aləkwa. Ya hətkwa mepəsey-mey a na, maja aləkwa macəmkaya ta Kəriste.

Sləra ŋga Ndəhay Meslərey ŋga Yesu 20:36

Masa Pawl ma ndəvda meeguzley la na, ndəhay tabiya a ragadam. Pawl ta’, a dərey daŋgay a Gazlavay ta ndəhay a daa slam a.

Mey-maaya-mawiya masa Luk ma wuzlala 22:41

Fa dəɓa ha, ta’, a daw ta cakay, dəreŋ nekəɗey. Da ndaw aa zekey aŋgwa na, a wusey aa slam aha. Ta’, a regedey, a dərey daŋgay,

Sləra ŋga Ndəhay Meslərey ŋga Yesu 9:40

Fa dəɓa ha Piyer a badatərwa ndəhay tabiya aa ambaw, a regedey, a dərey daŋgay a Gazlavay. Ta’, a mbəɗey dey fa vagay a, a ləvar: «Tabita, sləkɗey.» Tabita a wura dey. Masa aŋga ma hətar Piyer na, ta’, a sləkɗey, a njey.

Sləra ŋga Ndəhay Meslərey ŋga Yesu 7:60

Ta’, a regedey, a wudey ta gədaŋ, a ləvey: «Bay Gazlavay, mbəkdatara mebərey ata ha keɗe.» Aŋga ma ləvey anda keɗe la na, pam! a məcey.

Ef 3:15

Ara aŋga ma patar mezəley a səkway hay da gazlavay da vaɗ ta da bəla cəpa, maja aŋga Papa aləkwa.