Mata 18:3 - Wakità Zəzagəla Wakità Aŋa Makəs Vok Slawda Mawga (Cameroun)

³ agòɗ à atà: “Gəpəh à akul la dziriga: Baŋa kapakaw bokuba bəzi ŋuv gà uwanay aw kà, kadàdaw à makoray Zəzagəla aw.

Mata 18:3 Referans Kwoze

1 Piyer 2:2

Pakàw bokuba azlabəza vərna, uwana tawoya awà koksi­koksi la slaka azlaiyà aŋatà, uwaga akul babay, kà akul aŋa mazigənay. Kawoyaw gay Zəzagəla koksi­koksi tsəràh à kaslà uwana Zəzagəla adàfətala à ama ala, kà masla adàɓəl akul ndzer.

Mata 19:14

Yesu agòɗ à atà: “Sàkàw azlabəza ŋuv ŋuvga tasa à waŋ à slaka gulo, kavəraw atà gay aw, kà uwana makoray Zəzagəla kà aŋa azlatsəhay gà uwaga”, agòɗ à atà.

1 Korintiya 14:20

Azla­deda, kadzugwaw bokuba akul azlabəza aw, à uwana dzùgwàw bokuba akul azla­magol dza. Kà maɗàh mawi­siga kà, gàw bokuba azlabəza uwana tasəl maɗàh mawi­siga aw.

Yuhana 3:5

Yesu agòɗal: “La dziriga gəpəh à ka: Dza aslala vok aŋa mad à makoray Zəzagəla aw, say baŋa adayyi vok, la iyaw ŋgaha la Masasəɗok.

Yuhana 3:3

Yesu agòɗal: “Haɗay, gəgoɗ à ka la dziriga: Dza aslala vok manəŋ makoray Zəzagəla aw, say baŋa adayyi vok mawga dàŋ.”

Luka 13:24

“Wàɗàw vok à uda kà mad à gày la gamagày slərkuts­kutsga uwaga; la paraka gəpəh à akul kà, azladza aŋuvaw tadàyah aŋa mad à gày la abatà, ama tadàslay aw.”

Sləray 3:19

La kità kà, pə̀hàw gay la ləv ala, gòla vok à slaka Zəzagəla, kà masla aŋa mama­tsa­kulla tsakana aŋkul ala.

Sləray 28:27

Azladza uwanay tadza­dzàŋàh gəl aŋatà ala. Tanakàh à sləm aŋatà à ama. Tatsakàh à yewdi aŋatà à ama. Tsa baŋa kità kà, atà aŋa manəŋla la yewdi, atà aŋa matsən la sləm aw. Ŋgaha kà ləv aŋatà aŋa masəl tatak aw. Ŋgaha kà atà aŋa mawul à slaka gulo kà gi gədàwur atà ala aya aw.ˈ Zəzagəla agòɗ.”

Yuhana 1:51

Yesu agòɗal aya: “La dziriga gəpəh à akul, kadànəŋaw zagəla mapəzl à ama ala gà. Tsaɗ tsatsaɗ, azla­ma­lika aŋa Zəzagəla tadàda à afik, ŋgaha tatsa à ahəŋ à gəl aŋa Kona aŋa dza.”

Mata 5:20

Ndzer, gəgoɗ à akul: Baŋa dziriga aŋkul aɗuw aŋa azlaməna mapàhla wakità seriya ala, ŋgaha la azla Farisəya aw kà, kadaw à makoray Zəzagəla aw.”

Luka 22:32

Ama gi kà gədəv kuɗa kà aŋak Piyer, kà madiŋal gəl à vok aŋak aŋa maruw vok à ahəŋ aw, ŋgaha kà pəra aŋa kadàwul à tetəvi à tsəh kà, ɗadzərə̀ɗàhà azla­deda aŋak ala gesina!”

Mark 4:12

Kà uwaga à uwana: ˈTanərzay la yewdi aŋatà babay, ama tanəŋaŋ la dziriga aw, Tatsəɓal sləm la sləm aŋatà babay, ama tatsənaŋ la dziriga aw, Kiya uwaga kà atà aŋa mawul à slaka Zəzagəla aw, ŋgaha Zəzagəla aŋa amatsa à atà tsakana aŋatà ala aw!ˈ”

2 Piyer 1:11

Kiya uwanay la kokuɗa matsigay, Zəzagəla adàpəzlla akul gamagày, kà akul aŋa mad à makoray aŋa Sufəl gami Yesu Kristu à abà, uwana aɓə̀l anu. Makoray uwatà adà­dze­həŋ aŋa koksi­koksi.

Sləray 14:22

Kəla gudəŋ uwana tadàhà à abà kà, tadzərə̀ɗàhà azlaməna madiŋal gəl à vok ala, kà matsizl à madiŋal gəl à vok à afik. “Haɗay kà, mad à makoray Zəzagəla kà, say maguw à uda kà la azla­magol ŋgərpa la abà dadàŋ.”

Mata 19:23

Kiya uwaga Yesu agòɗ à azlaməna matapla la slaka aŋha: “Gəpəh à akul la dziriga, zla­zlaɗa kà aŋa galepi kà mad à makoray Zəzagəla.

Mata 13:15

Kà uwana tsəhay uwanay kà adà­dzadza gəl aŋha ala, Danakàh à sləm à ama. Tatsakàh à yewdi aŋatà à ama Kà yewdi aŋatà aŋa manəŋ aw Kà sləm aŋatà aŋa matsənəŋ aw, Ŋgaha kà atà aŋa masəl tatak la ləv aŋatà la tsəh aw, Kà atà aŋa mawul à waŋ à slaka gulo, kà gi aŋa mawuratàla aya aw, Zəzagəla agòɗ.ˈ

Mata 6:16

“Baŋa kakəsaw nəlay kà, pə̀hàwla huɗ adi aŋkul ala, ùzlə̀ɗaw kà kiya aŋa azlaməna magolla dza uwanay taɗehəŋ aw: Atà kà, taɓəɗla huɗ adi, kà azladza gesina aŋa masəlay kà atà la nəlay la abà.

Mata 6:5

“Baŋa kadəvaw kuɗa kà, kaɗa­hawwaŋ bokuba aŋa azlaməna magolla dza aw: Kà uwana atà kà, asa à atà madəv kuɗa kà la slaka matsizlla ala la azlagày madəv kuɗa la aku, ŋgaha la azla­ma­ka­lapa tetəvi la ama kà azladza gesina aŋa manəŋ atà. La dziriga gəpəh à akul: Atà kà, taɓə̀z masik aŋatà, tsewwa adagay.

Mata 6:2

“Baŋa asa à ka mav sili à masla kuɗa anik kà, kahama kà dza à ahəŋ dàŋ kà mavàl aw, bokuba uwana azlaməna magolla dza taɗehəŋ la azlagày madəv kuɗa la aku, ŋgaha la azla­ma­ka­lapa tetəvi la ama aw. Taɗehəŋ kiya uwaga kà, kà azladza aŋa mazləɓ atà. La dziriga gəpəh à akul, atà kà taɓəz masik aŋatà tsewwa adagay.

Mata 5:18

Haɗay, gəpəh à akul la dziriga: Tsəràh à uwana zagəla la kutso adàdəv à gay, amiyaka bà bəzi manəhay aŋa mapəhay uwanay adàkəɗ vok aw, ŋgaha tsəràh à makəɗ gəl à ahəŋ aŋa tatak gesina.

Mata 18:2

Yesu azàla bəzi ŋuv gà, atsìzl­latàŋ à huma à gay,

Mata 18:4

Dza uwana tələmmaga bokuba bəzi uwanay kà, masla la uwana dza məŋga gà la makoray Zəzagəla.