Mark 12:36 - Wakità Zəzagəla Wakità Aŋa Makəs Vok Slawda Mawga (Cameroun)

³⁶ Kà uwana Masasəɗok Zəzagəla la uwana aguwà la David la abà, à uwana apə̀h la gəl aŋha: ˈSufəl agòɗ à Sufəl gulo: ‘Dzà madzay la ahàl kaf gulo lakəl, ŋgaha gədàɓək azlaməna məzam aŋak à tsəh asik aŋak.’ˈ

Mark 12:36 Referans Kwoze

Ibəranəŋkowen 1:13

Aga la ahəŋ amiyaka tekula aŋa azla­ma­lika à uwana Zəzagəla apə̀hal gay kiya uwanay aw: ˈ‘Dzà madzay la ahàl kaf gulo lakəl, tsəràh à uwana gəɗuw azlaməna məzam aŋak! Gəpaka azlaməna məzam aŋak bokuba azla­tatak maf asik à afik aŋak.’ˈ

1 Korintiya 15:25

kà uwana leri Kristu adà­koray kà say baŋa Zəzagəla adàɓək azlaməna məzam à tsəh aŋha dàŋ.

Sləray 1:16

“Azla­deda, Yudas kà agà la tataka gami la abà. Masla kà tavàl sləray bokuba anu bay. Ama la mok uwana azladza tayàh makəɗ Yesu kà, aguwà azladza à huma, kà makəs Yesu. Dagay uwarà la matse­tseray la abà, David apə̀h à ahəŋ lakəl aŋa Yudas uwana naka aɗehəŋ. Ndzer, say gay uwanay agəɗ à afik bokuba uwana apə̀h à vok.”

2 Piyer 1:21

Gay aŋa azlaməna mapəh à atà gay à ahàl uwaga kà matsi­hila aŋa azladza aw, Masasəɗok tsi­ka­slaga la uwana avà à atà maslay, kà atà aŋa mapàh paŋaw aŋa Zəzagəla, uwana apə̀h à atà.

1 Piyer 1:11

Bokuba uwana Masasəɗok Kristu agà la atà la abà, apə̀h à atà à vok à abà kà, Kristu adàsa ŋgərpa, la uwana masla aŋa maɓəzal mazləɓay. Azlaməna mapəh à atà gay ahàl uwaga tayàh masəlay la məlo, ma uwala à uwana naka azla­tatak uwanay tapaka vok, ŋgaha la magay la ahəŋ aŋha zlà.

Ibəranəŋkowen 4:7

Gay gà la uwaga, Zəzagəla aɗahà zamana anik uwana anu la abà lakana. Uwaga aɗahà mavay dəŋ la lig la ahəŋ, mok uwana apə̀h azlagay uwanay à David à ahàl kà, azlagay uwana məda­tse­tseray adagay kà: ˈ‘Lakana baŋa kada­tsənawwaŋ kuda aŋha kà, fàwwal sləm, kadza­dzaŋaw gəl aŋkul ala aw.’ˈ

2Timotawus 3:16

Dèwdèw uwana tatsetsèr à wakità Zəzagəla à abà kà, uwaga kà afaɗ gay aŋa Zəzagəla, kà mapəhla dziriga ala, kà madukwla mawsiga la vok ala kà matsizlla anu ala, ŋgaha kà mapəhanula maday dziriga uwana akəs à Zəzagəla à gəl.

Sləray 28:25

Uwana tavàh vok ala kokuɗa matsən vok gay la tataka aŋatà la abà, Pol apə̀h à atà kà gay tekula pəra: “Tatak uwana Masasəɗok Zəzagəla apə̀h à azla­baba aŋkul la ahàl aŋa masla mapəhal gay à ahàl Yesayya kà, agə̀ɗ à afik haɗay!

Mata 5:35

Baməraka la kutso aw, kà uwana uwaga kà slaka maf asik à ahəŋ aŋha, adagay la Uru­sa­lima bay aw, kà uwana uwaga kà məŋ gudəŋ aŋa Sufəl.