Luka 21:19 - Wakità Zəzagəla Wakità Aŋa Makəs Vok Slawda Mawga (Cameroun)

¹⁹ La matsizlla à ahəŋ lela aŋkul la uwana kadàɓəzaw à sifa aŋkul.”

Luka 21:19 Referans Kwoze

Ibəranəŋkowen 10:36

Delga kà mabasiŋ aŋkul agay la ahəŋ, kà akul aŋa maɗàh uwana akəs à Zəzagəla à gəl, kiya uwaga la uwana kà, kadàɓəzaw tatak uwana apə̀h à akul à ahəŋ.

Mata 10:22

Azladza gesina tadà­pəsew akul kà uwana kawoyaw gi. Ama dza uwana adàgəɗ dziriga à afik tsəràh à makəɗ gəl à ahəŋ kà adàɓəlay.

Yakuba 1:3

Kà uwana kasəlaw lela, kà baŋa tagur madiŋal gəl à vok aŋkul, ŋgaha atsizlla à afik lela kà, madiŋal gəl à vok aŋkul adàvà mabasiŋ.

Mafətàla 3:10

Kak kafà sləm à gay gulo! Kabasaŋ, kà uwaga gi babay gədàfa à ka sləm, kà kak aŋa madà­diya à matərəɓay uwana à abà, adàsiya azladza gudəŋ à vok à gəl gesina aw.

WAKITÀ UWANA POL ATSETSÈR À AZLA ROM Lettre de Paul aux Romains 5:3

Mərabay la mavalàh à zagəla kà aŋa uwaga pəra aw, məvalàh à zagəla babay kà baməraka anu la mas ŋgərpa la abà, kà uwana ndzer məsəl kà ŋgərpa azlaka anu kà aŋa magur mabasiŋ.

WAKITÀ UWANA POL ATSETSÈR À AZLA ROM Lettre de Paul aux Romains 2:7

Azladza tawàɗàh vok à uda, asa à atà kà Zəzagəla adala atà à mazləɓay aŋha à abà, ŋgaha Zəzagəla aŋa masəl atà, la masəl atà kà, masla avà à atà sifa adəv à gay aw. Sifa adəv à gay aw uwaga kà, Zəzagəla adàvày kà à tsəhay atà uwaga.

Mafətàla 13:10

Kiya uwaga agòɗ: “Dza uwana mokfak aŋa makəs à daŋay la vok, ndzer kà tadàkəs à daŋay, tadàkəɗay la katsakar aya dza uwana la mokfak aŋa katsakar la vok. Kay, tsa baŋa kiya uwanay kà, ŋuləm azladza aŋa Zəzagəla tabasəŋ la maday à huma à gay la madiŋ gəl à Zəzagəla à vok, kà atà aŋa madz à ahəŋ la adi.”

Mafətàla 14:12

Kà uwaga akul, uwana kakə̀sàw gay aŋa Zəzagəla, dìŋàw gəl à Yesu à vok, akul uwana kaba­sàwwàŋ à vok kà uwana akul, akul azladza aŋa Zəzagəla.

Ibəranəŋkowen 6:11

Uwana mətuwal à tsəh kaykay kà, kawaɗaw vok à uda, kà kadaw à huma à gay kà akul aŋa maɓəzal tatak uwana kaɗu­wawwal yewdi.

1Tesaloniki 1:3

Baŋa mədəv kuɗa à Zəzagəla Baba gami, mədzugw à maɗàh sləray aŋkul, uwana kaɗa­hàwwàŋ, kà uwana kadiŋaw gəl à Yesu Kristu à vok la sləray dzaŋ­d­zaŋga, kà uwana kawoyaw masla la mawaɗ vok à uda aŋkul la abà lela la Sufəl Yesu Kristu.

Mata 24:13

Ama dza uwana adà­basiŋ tsəràh à makəɗ gəl à ahəŋ la tetəvi aŋa Zəzagəla à ama kà, adàɓəlay.

Mafətàla 1:9

Gi Yuhana, deda aŋkul la uwana gətsetser wakità uwanay. Anina gesina gami mədahama gay à vok la Yesu la abà. Kiya uwaga məhama à ŋgərpa uwaga à abà, ŋgaha à makoray aŋha, uwana à abà məbasaŋ gami. Kà aŋa gulo te­ke­ɗika tadùw à matəku­kurùh uwana à afik, la tataka dərəv la abà, uwana sləm aŋha Patmos, kà uwana gəpə̀h gay Zəzagəla la magəɗəŋ à afik kà Yesu la uwana dziriga, gəgòɗ.

Ibəranəŋkowen 6:15

Abəraham awaɗà ləv ala la tsetsi dadàŋ aŋa Zəzagəla, ŋgaha la mabasiŋ. Kiya uwaga akudà azla­tatak uwana Zəzagəla apə̀hal à ahəŋ.

2Tesaloniki 3:5

Awoyaŋ kà Sufəl Zəzagəla, azlaka akul, kà akul aŋa mawoyəŋ kaykay, kà akul aŋa mabas matərəɓay bokuba uwana Yesu Kristu abasàŋ.

WAKITÀ UWANA POL ATSETSÈR À AZLA ROM Lettre de Paul aux Romains 8:25

Haɗay gà, mənaw tatak uwana mədanəŋiŋ dadàŋ aw. Kità məkuday la tsetsi dadàŋ kiya uwanay.

Luka 8:15

Fofulo uwana anìs à kutso delga à abà kà, apəhla azla­uwana ala tatsəɓ sləm à gay, ŋgaha takəs uwaga la ahàl səla ŋgaha la ləv tekula, ŋgaha tatsizlla gay uwaga à afik, kiya uwaga tahən lela.”

WAKITÀ UWANA POL ATSETSÈR À AZLA ROM Lettre de Paul aux Romains 15:4

Tekeɗik, kəla tatak uwana tatsetsèr à wakità Zəzagəla à abà kà, tatsetsèr uwaga kà matapanula dziriga, kà anu aŋa makəɗ yewdi à uwana à abà, Zəzagəla apə̀h à ahəŋ kà maɗehəŋ kà uwana la wakità Zəzagəla la abà adzərəɗàh anu ala, ŋgaha kà anu aŋa matsizlla à ahəŋ lela.

WAKITÀ UWANA POL ATSETSÈR À AZLA ROM Lettre de Paul aux Romains 5:4

Baŋa məsla mabasiŋ, mədàhənay, baŋa mədàhənay kà, mədàfa manəwəŋ gami à gay Zəzagəla à afik, adàvà anu bokuba uwana agòɗ.

Yakuba 1:4

Tsìzllàw à ahəŋ lela kà mabasiŋ aŋkul aŋa mapəhla vok ala tsəràh à makəɗ gəl à ahəŋ, kà akul aŋa mapak sətaka aŋa tetuwa, ŋgaha ləv aŋkul aŋa magay kokuɗa mawi­siga.

2 Piyer 1:6

Kà uwana kasəlaw azla­tatak uwanay, dzàw à ahəŋ titi babay, kà uwana kada­fahaw akur à vok aŋkul à lig, tsìzllàw à ahəŋ la ndzəɗa la azla­matərəɓay la abà la mawaɗàh vok à uda. Nəfàw bokuba uwana ahəɗ à Zəzagəla à adi.