2 Piyer 2:1 - Wakità Zəzagəla Wakità Aŋa Makəs Vok Slawda Mawga (Cameroun)

¹ Kiya uwaga à uwana azlaməna mapəh à atà gay ahàl fida gà tasa à uda la tataka aŋa azla Isərayel la abà. Kiya uwaga babay, azla­ma­tapla fida gà tadàsah à uda la tataka aŋkul la abà bay. Tadà­tapla à azladza gay mazàhatàla, tadà­dzedzin Sufəl masla maɓəl atà tetuwa. La maɗehəŋ kiya uwanay kà, magol seriya adàtəɗ à atà à gəl katskats.

2 Piyer 2:1 Referans Kwoze

Mata 7:15

“Ɗahàw haŋkəli kà azlaməna mapəh à atà gay à ahàl fida gà. Kà uwana tatsa à waŋ à slaka aŋkul la mapəhla vok aŋatà ala bokuba azla­tuwaŋ, ama la huɗ gà kà azlakəda fəta.

Yahuda 1:4

Gəpəh uwanay kà, kà uwana azladza uwana tasəl Zəzagəla aw, taguɓ akul à tsəh la maham gay à vok aŋkul la abà. Atà tagor mawis gay ala lakəl aŋa tatak uwana Zəzagəla avà deyday, la magoɗay kà Zəzagəla avà à tetəvi kà maɗàh mawi­siga uwana asà à anu gesina, tagoɗ. La maɗehəŋ kiya uwaga kà, takweska Yesu, uwana madza­haga, ŋgaha Sufəl gami. Dagay uwarà la wakità Zəzagəla la abà tatsetsèr kà: Zəzagəla adàdukw seriya à azlatsəhay dza uwaga à gəl.

2 Piyer 2:3

Azlaməna matapla fida à azladza uwaga, tadàkaɗ yewdi à tatak aŋa azladza anik à abà, tadàpah fida kà mava­varla akul, kà aŋa maɓəz tatak. Dagay uwarà Zəzagəla apə̀h à ahəŋ kà maɗaha à atà seriya à gəl. Masla seriya adàzahatàla gesina, adzehal aw!

2Timotawus 4:3

Kà uwana kaslà adàsa à waŋ à uwana azladza tadàdiŋ gəl à dziriga uwana à vok, uwana tatàpatàla aw, kà tadà­wo­yəŋ kà maɗàh mawi­siga, kiya uwaga kà, tadàkəsa azlaməna matapla fida aŋuvaw, tadà­tsən uwana asal ləv aŋatà.

Mata 24:11

Azlaməna mapəh à atà gay à ahàl fida gà tadà­pahla vok ala la tataka aŋkul la abà, tadà­va­varah azladza anik aŋkul aŋuvaw.

Galatiya 2:4

Ama azlaməna magolla dza la ahəŋ tasà à tataka gami à abà la dabaray la magoɗay: ‘Masla mama­kədəv à uda gà takay?’ Asà à atà masəl madz à ahəŋ gami, uwana anu la makor gəl la abà, kà uwana mədagay tekula la Kristu. Asà à atà aŋa mawulla anu à mayà aŋa mapəhay aŋatà à abà.

1 Korintiya 11:19

(Duli matsakla agay la tataka aŋkul la abà, ŋgaha kà masəlla ala azla­uwana azlaaŋa Sufəl Yesu dziriga)

1Yuhana 4:1

Azlaməna gay ləv gulo, kafaw madzugway aŋkul à azladza uwana à afik gesina: ‘Anu la Masasəɗok uwana atsà à waŋ la slaka Zəzagəla’, tagoɗ aw. Ama nərə̀zàw atà dadàŋ, kà akul aŋa masəl: atà la Masasəɗok aŋa Zəzagəla ndzer. Haɗay ndzer, azlaməna mapəh à atà gay ahàl fidaga la ahəŋ, uwana tadàsa à waŋ à gudəŋ à vok, tasləh gəl à ahəŋ gesina.

Kolosəya 2:8

Ɗahàw haŋkəli kà dza aŋa mavavar akul la matsi­hila dey­dayga aw. Matsi­hila uwaga kà, asa à uda kà la madzugway aŋa dza la abà, ŋgaha la azla­ma­sasəɗok mawi­siga, uwana atà la vəɗah la gudəŋ uwanay à vok. Asa à waŋ kà la slaka Kristu aw.

Titus 3:10

Baŋa dza atsalla mavàhla à tataka azlaməna gay Zəzagəla à abà kà, slə̀hal ala vok asik tekula, baŋa atsənà aw kà, kafal sləm aya aw, gòlla à lig à gay.

Titus 1:11

Delga kà, azla­ma­siga aŋa azlaməna gay Zəzagəla taɗə̀ɗ à atà gay à ahəŋ, kà aŋa matapla azla­tatak uwaga à azladza aw, kà uwaga la uwana tawis huɗ gày aŋa azladza anik ala, la tatak uwana tatapla à azladza, tasla nəma aw, ama asa à atà maɓəz sili la tsəhay matapla ziruwi gà uwaga.

Filipiya 3:19

Baŋa kaslà aŋatà adàdəv à gay kà, tadàda à akàl à abà, kà uwana tanəfà tatak ziruwi gà, ama tarabay lakəl aŋa uwaga, tadzugway kà azla­tatak aŋa gudəŋ à vok uwanay pəra.

1 Korintiya 6:20

Zəzagəla apə̀l tatak kà məŋga aŋa mava­varla akul. Kiya uwaga ɗahàw sləray la vok aŋkul kà mazləɓla Zəzagəla pəra.

Mark 13:22

Kà uwana azlaməna mapəh à atà gay à ahàl fidaga tadà­saha à waŋ, tadà­pahla azla­na­dzipo anik anik ala, kà maz azladza uwana ala Zəzagəla ada­tsa­tsamni atà, à baŋa taslala vok.

Mafətàla 5:9

Atà tahàb mahabay mawga. Tagòɗ: ˈKak azlayla kà aŋa mazəɓ wakità uwanay aŋa mapəzlay, kà uwana takə̀ɗ ka, ŋgaha kapəzl gəl à azladza à ahəŋ. La aŋiz gəl aŋak kà awùlla atà à slaka Zəzagəla. Azladza uwaga tasà à uda la azlatsəhay la azlagay anik anik gesina. Ŋgaha tasà à waŋ la makəɗ gəl à ahəŋ gudəŋ à vok gesina.

Mafətàla 2:9

Gəsəl matərəɓay uwana katərəɓay, gəsəl kà kak masla kuɗa aŋa gudəŋ à vok. Ama la slaka gulo kà kak gorobu. Gəsəl mawi­siga uwana azladza tapə̀h à kak à vok babay. Məna mapəh à ka uwaga à vok kà: ‘Anu azla Yahu­diya’, tagoɗ. Ama tsa, azla Yahu­diya kà aŋa gay gà pəra, maham à ahəŋ aŋatà kà aŋa seteni.

Ibəranəŋkowen 10:29

Tsa kiya uwanay la mapəhay aŋa Musa la abà ma, aməraka dza uwana akweska Kona aŋa Zəzagəla la uwana as ŋgərpa aw ay? Baŋa ada­kweska kà Baba, akweska aŋiz aŋa Zəzagəla uwana akəsa­tàla vok slawda la mapakəŋla tsiɗaŋa babay, uwaga kà ada­goɗah à Masasəɗok Zəzagəla uwana av mapəs gay à dza à vok, dzəɓa dza uwaga kà, adàsa ŋgərpa kaykay.

Kolosəya 2:18

Kavàw tetəvi à azladza kà maɗukw akul à uda la masik aŋkul la abà aw. Azladza uwaga tagòɗ kà, say mawoy mas ŋgərpa, ŋgaha la masləkaw azla­ma­lika. Atà tapəhay kà azla­tatak uwana tanəŋàŋ la masa­siŋay la abà. Azlatsəhay dza uwaga kà azla­zlapay deyday, tadzugw lakəl aŋa azla­tatak aŋa gudəŋ à vok uwanay pəra.

Efedəya 4:14

Kità kà, la kaslà uwaga mədàgay azlabəza aya aw. Azlaməna mapa­patàh dza uwana tapa­patàh à azladza la ɗemɗem aŋatà kà, la azlagay aŋatà uwana tapapatanula, tadàza anu à tetəvi à tsəh la matapanula aŋatà aw, bokuba uwana afaɗ aɓəlak kəslah iyaw, wùlà à abanay, wùlà à abanay lakəl iyaw aw.

Mata 24:24

Kà uwana azlak­ristu fidaga, la azlaməna mapəh à atà gay à ahàl fida gà tadà­pa­hahla vok ala. Tadàɗah azla­magol nadzipo kà mava­varla azladza amiyaka bà azla­uwana Zəzagəla atsa­tsà­mànì atà.

Mata 10:33

Ama baŋa dza agəɗəŋ à afik kà asəl gi aw la dazu­waya la huma azladza kà, gi babay gədà­gəɗəŋ à afik la dazu­waya la huma Baba gulo kà: Gəsəl masla aw, gədà­goɗay bay, suwaŋ.”

Mafətàla 13:14

Masla aɓəzàl tetəvi kà maɗàh azla­na­dzipo la huma aŋa tatagà matera gà uwatà, ava­và­ràhà azladza gudəŋ à vok à bada à abà la magoɗ à atà: “Ŋàlàw mazlazlay la maftsa vok aŋa tatagà uwaga awurà ala la amik aŋa katsakar la abà, aŋa masləkaw masla.”

Mafətàla 2:13

Gəsəl gudəŋ uwana kadza à ahəŋ la abà, uwaga makoray aŋa seteni. Ama la kaslà uwana azladza takə̀ɗ magamza gulo dziriga gà Antipas kà, kaɓə̀ɗla gay aw, kawa­slàhà gi à ahəŋ la madiŋal gəl à vok la abà, takə̀ɗ masla à gudəŋ aŋkul à abà, kay kà, kak kaɗàh sayda gulo la dazu­waya, kà gi Sufəl aŋak.

Yahuda 1:18

Tagò­ɗàhà à akul kà la madəv à gay gudəŋ à vok kà, adà­gahay la ahəŋ azladza uwana tadà­kəɗaslah azladza uwana tanəfa Zəzagəla. Atà kà, tasəl masla aw, taɗehəŋ kà azla­tatak mawi­siga uwana asa à ləv aŋatà pəra.

1Yuhana 2:26

Gətsetser à akul tatak uwanay, kà lakəl aŋa azladza uwana tayàh mavavar akul.

1 Piyer 1:8

Baməraka kanəŋaw masla dadàŋ aw kà kawo­yawwaŋ. Kadiŋaw gəl à masla à vok kà uwaga à uwana katsekaw kaykay, matsəkay uwana aɗuwaŋ uwana tapəhay la paŋaw.

Efedəya 1:7

Kà uwana adapalla anu la aŋiz aŋa Kona aŋha uwaga, ada­matsan tsakana gami ala, ŋgaha apə̀hanula məŋ vok mahamay aŋha.

Galatiya 5:20

tasləkaw azla­ma­zlazlay, tasàh nalko­kodzi, fàh vok guvəl à adi, tagazlay, azla­maŋor, azlaməna ləv, tadzugw kà à gəl aŋatà pəra, tatsakla, tatsəna vok à gay aw.

Galatiya 4:17

Azladza uwaga kà, asa à atà kà akul aŋa manəf maɗehəŋ aŋatà. Ama madzugway aŋatà kà delga aw. Asa à atà kà mavàhanula anina, kà akul aŋa makəs gay aŋatà.

WAKITÀ UWANA POL ATSETSÈR À AZLA ROM Lettre de Paul aux Romains 16:18

Kà uwana tsəhay dza uwaga kà, taɗàh sləray aŋa Sufəl gami Yesu Kristu aw, tatuway kà vok aŋatà pəra. Tapapat azladza la azlagay namnamga, uwana atsa à waŋ la paŋaw aŋatà la awtày. Kità à uwana tavavar azladza uwana kokuɗa masəl godega aŋa gay uwaga.

Luka 21:8

Kiya uwaga Yesu agòɗ à atà: “Ɗahàw haŋkəli, dza apapat akul aw, kà uwana azladza aŋuvaw tadàsaha à waŋ la sləm gulo, à uwana ‘Anu azlak­ristu. Lagwa kà, kaslà aŋha la uwanay adàsa à waŋ lagwa’, tadà­goɗay. Ama kadànəfaw atà aw.

Luka 6:26

Ŋgərpa agay la akul à baŋa azladza gesina tasləkaw akul, kà uwana kiya uwaga la uwana, azla­baba aŋkul madzi­dziga taɗa­hàhàŋ la azlaməna mapəh à atà gay à ahàl fidaga.”

Mata 24:5

Kà uwana azladza aŋuvaw tadàsa à waŋ la sləm gulo, ŋgaha: ‘Gi Kristu!’, tadà­goɗay, ŋgaha tadà­va­varah azladza aŋuvaw à bada à abà.

Galatiya 3:13

Kiya uwaga kà, Zəzagəla adukwaŋ seriya à gəl, kà uwana məkəs gay aŋa mapəhay tetuwa aw. Ama Kristu asà à ahəŋ, aɓə̀ɗ à slaka gami à abà, kà Zəzagəla aŋa madukw ala seriya à gəl. La maɗehəŋ kiya uwanay, avavàrà anu la seriya uwaga la abà. Uwaga bokuba uwana tatsetsèr à wakità Zəzagəla à abà: ˈDza uwana tata­tàsl à ahàf à adi kà, matsafla gà.ˈ

1 Korintiya 7:23

Zəzagəla avavarà akul la tatak məŋga, kità kà, kagaw azla­mayà aŋa azladza aya aw.

Mafətàla 3:8

Gəsəl maɗehəŋ aŋak. Gəsəl kà kak la ahəŋ la ndzəɗa aw. Te­ke­ɗika kakəs gi gay la ahàl ala la dazu­waya, kà kak aŋulo. Nə̀ŋàŋ gədà­pəzl gamagày kà kak, dza la ahəŋ aslala vok kà matsakal à ama aw.

Luka 12:9

Ama baŋa dza apəhay mawi­siga lakəl kà aŋa Kona aŋa dza, Kona aŋa dza adàpəh mawi­siga lakəl aŋha suwaŋ, la huma aŋa azla­ma­lika aŋa Zəzagəla.”

1Timotawus 5:8

Baŋa dza afa à sləm à mayyi à tsəh ala aŋa baba aŋha aw, ŋgaha kaykay gà à məna huɗ gày aŋha aw kà, masla kà akweska madiŋal gəl à vok, masla kà ŋuləm dza uwana aləg madiŋal gəl à vok.

Mafətàla 6:10

Mok uwana gənəŋà atà tawiyà la kuda zləkkà, tagòɗ: “Sufəl, kak tsi­kasla, kak dziriga. Azladza uwaga la vəɗah, la gudəŋ la vok takàɗ anu, ma mana kaɗehəŋ aŋa maɗàh à atà seriya à gəl ma, ŋgaha kà seriya aŋa matəɗ atà à gel suwaŋ ma?”