Mateo 9:9 - Mixteco del suroeste de Tlaxiaco Oaxaca

⁹ Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Mateo 9:9 Referans Kwoze

Marcos 3:18

jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista,

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Hechos 1:13

Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.

Lucas 6:15

jín Mateo, jín Tomás jín Jacobo se̱ꞌya yɨ́ɨ́ Alfeo, jín Simón ya̱ ni̱ñɨ re̱ꞌ jín rá te̱e ñujiínꞌ Zelote,

Mateo 10:3

jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

Mateo 8:22

Soo nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ, ku̱ꞌva nú ya̱ rá ñɨvɨ kuéntáꞌ níꞌiꞌ ráa nu̱u̱nꞌ Ndiosíꞌ kɨ̱se̱ꞌí ráa rá ni̱yɨ ráa ―nkachiꞌ Jesús.

Mateo 9:10

Jee sukuán nkuvi ni nééꞌ Jesús yumesáꞌ iniꞌ veꞌi, jee kue̱ꞌe̱ꞌ víꞌí rá te̱e tɨ́ɨn xu̱ꞌún náneeꞌ ñuunꞌ Roma, jín suni kue̱ꞌe̱ꞌ rá ñɨvɨ kua̱chi, nkenta ráa yájíꞌ nkáá ráa jín Jesús nu̱u̱nꞌ nééꞌ re̱ꞌ jín rá te̱e súkuáꞌa re̱ꞌ.

Mateo 20:4

Jee nkachiꞌ re̱ꞌ nu̱u̱nꞌ ráa: “Suni kuáꞌán rán ranika̱ꞌ satíñú rán nu̱u̱nꞌ káá tataꞌ uva ni̱ꞌ, jee chunáán ni̱ꞌ nu̱u̱nꞌ ránoꞌó ne̱ ni ɨɨn ya̱ꞌvi ya̱ na̱a̱ꞌ kúvi”, nkachiꞌ re̱ꞌ, jee kua̱ꞌa̱nꞌ ráa.