Mateo 9:35 - Mixteco del suroeste de Tlaxiaco Oaxaca35 Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa. Gade chapit la |
Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.
Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.
Saájee nkana Jesús ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa. Jee njia̱ꞌa re̱ꞌ tiñu tatúníꞌ ráa, sáva tavaꞌ ráa rá ta̱chi̱ꞌ néꞌí yɨ́ꞌɨ́ iniꞌ rá ñɨvɨ, jín suni njia̱ꞌa re̱ꞌ tiñu sáva xinúvi ráa rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ nóꞌo ráa jín rá ñɨvɨ ya̱ táyáꞌ ñunéꞌyúꞌ ráa ya̱ nóꞌo ráa.