Mateo 9:27 - Mixteco del suroeste de Tlaxiaco Oaxaca

²⁷ Jee nkene Jesús yukuán jee kua̱ꞌa̱nꞌ re̱ꞌ, jee u̱vi̱ꞌ te̱e kuáá nchi̱nikɨnꞌ ráa re̱ꞌ, jee kánajíín ráa, jee nkachiꞌ ráa: ―¡Kunáꞌví iniꞌ nú kune̱ꞌyá nú ránuꞌuꞌ, noꞌó ya̱ kúvi nú Se̱ꞌya ichiyúkúnꞌ David! ―nkachiꞌ ráa.

Mateo 9:27 Referans Kwoze

Mateo 15:22

Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 17:15

―I̱toꞌoꞌ, kunáꞌví iniꞌ nú kune̱ꞌyá nú se̱ꞌya yɨ́ɨ́ ni̱ꞌ, chi jíꞌíyɨ̱ꞌɨ́ re̱ꞌ, jee nóꞌo nasɨ́kuitɨꞌ re̱ꞌ, chi kue̱ꞌe̱ꞌ íchí nániso‑o nu̱u̱nꞌ ñúꞌúnꞌ, jín kue̱ꞌe̱ꞌ íchí nu̱u̱nꞌ nute.

Juan 7:42

Chi, ¿á ntu káchíꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ kaku Cristo nu̱u̱nꞌ tataꞌ ichiyúkúnꞌ váji ne̱ nu̱u̱nꞌ David, jee te̱e ñuunꞌ Belén kuvi re̱ꞌ, nu̱u̱nꞌ kúvi ñuunꞌ nu̱u̱nꞌ nneeꞌ David ne̱ yanaꞌán rúja? ―nkachiꞌ rá ñɨvɨ vá.

Lucas 7:21

Jee máá hora yukuán nxi̱núvi Jesús kue̱ꞌe̱ꞌ víꞌí rá ñɨvɨ kúꞌvíꞌ rá kue̱ꞌi̱ꞌ nóꞌo ráa, jín rá ñɨvɨ nóꞌo kue̱ꞌi̱ꞌ xéénꞌ nu̱u̱nꞌ yɨkɨkúñu ráa, jín rá ñɨvɨ ya̱ yɨ́ꞌɨ́ ta̱chi̱ꞌ kíni iniꞌ ráa, jee suni nsa̱ꞌá re̱ꞌ ya̱ nnu̱nijinꞌ nchinúún kue̱ꞌe̱ꞌ rá ñɨvɨ kuáá.

Marcos 11:10

¡Na̱ ka̱ꞌ netuꞌ ka̱ꞌ ya̱ va̱ji nakui̱ñɨ̱ꞌ re̱ꞌ nu̱u̱nꞌ tátáꞌ‑ó David sáva tatúníꞌ maáréꞌ nu̱u̱nꞌ‑ó! ¡Hosanna! Na̱ ka̱ꞌ ñáꞌnú ka̱ꞌ Ndiosíꞌ ya̱ nééꞌ antivɨ́ ―nkachiꞌ rá ñɨvɨ.

Marcos 9:22

Jee kue̱ꞌe̱ꞌ íchí ya̱ nchuꞌun ta̱chi̱ꞌ néꞌí re̱ꞌ nu̱u̱nꞌ ñuꞌúnꞌ jín nu̱u̱nꞌ nute sáva kaꞌniꞌ‑i re̱ꞌ. Soo ré íyó ná kúvi ya̱ saꞌá nú, jee kunáꞌví iniꞌ nú kune̱ꞌyá nú ránuꞌuꞌ, jee chineí ránuꞌuꞌ ―nkachiꞌ tátáꞌ te̱e súchí vá.

Mateo 21:9

Jee rá ñɨvɨ ya̱ kuáꞌánꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ kánajíín ráa, jee káchíꞌ ráa: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ¡Na̱ ka̱ꞌ netuꞌ ka̱ꞌ kúvi maáréꞌ ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Sikáku Ndiosíꞌ yó!, chi, ¡na̱ ka̱ꞌ ñáꞌnú ka̱ꞌ Ndiosíꞌ nééꞌ antivɨ́ súkún! ―káchíꞌ rá ñɨvɨ vá.

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Mateo 21:15

Soo rá su̱tu̱ꞌ kúñáꞌnú ka̱ꞌ, jín rá te̱e xínéꞌénꞌ tu̱ꞌun tátúníꞌ Ndiosíꞌ yanaꞌán, jee sáá niniꞌ ráa ya̱ sáꞌá Jesús rá tiñu a̱nasɨ́ váꞌa, jee suni sáá niniꞌ ráa ya̱ kánajíín rá súchí lúlí, jee káchíꞌ rává: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ―nkachiꞌ rává, jee nki̱tɨ̱ꞌ víꞌí iniꞌ rá te̱e vá.

Romanos 9:5

Jee suviráa kúvi ichiyúkúnꞌ váji ráa nu̱u̱nꞌ rá tátáꞌ jííꞌ ráa ya̱ nku̱ñáꞌnú nu̱u̱nꞌ Israel yanaꞌán. Jee nu̱u̱nꞌ tataꞌ ichiyúkúnꞌ ráa nkene Cristo sáá nkiji re̱ꞌ nkuvi re̱ꞌ te̱e ñunéꞌyúꞌ. Jee suvire̱ꞌ vá kúvi Ndiosíꞌ ya̱ tátúníꞌ re̱ꞌ nu̱u̱nꞌ kua̱íyó ya̱ íyó, jee netuꞌ kúvi re̱ꞌ nɨ́ɨ́nkání. ¡Suꞌva koo, amén!

Lucas 20:41

Saájee nkachiꞌ Jesús nu̱u̱nꞌ ráa: ―¿Na̱ja chi káchíꞌ rá ñɨvɨ ya̱ Cristo kúvi re̱ꞌ Se̱ꞌya tataꞌ veꞌi ichiyúkúnꞌ va̱ji ne̱ nu̱u̱nꞌ David?

Lucas 17:13

Jee nka̱najíín ráa, jee nkachiꞌ ráa: ―Jesús, Mestrúꞌ, kunáꞌví iniꞌ nú ránuꞌuꞌ ―nkachiꞌ ráa.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

Mateo 9:28

Jee sáá nki̱vɨ Jesús veꞌi, jee ña̱tuꞌva ni núvíꞌ rá te̱e kuáá vá nu̱u̱nꞌ Jesús, jee ni̱ka̱tu̱ꞌún re̱ꞌ ráa, jee nkachiꞌ re̱ꞌ: ―¿Á jínúꞌ iniꞌ rán ya̱ kuvi saꞌá ni̱ꞌ ya̱ nu̱nijínꞌ nchinúún rán? ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Saá, I̱toꞌoꞌ.

Mateo 20:29

Jee sáá nkene Jesús jín rá te̱e súkuáꞌa re̱ꞌ vá ñuunꞌ Jericó, jee kue̱ꞌe̱ꞌ víꞌí ñɨvɨ níkɨ́nꞌ ráa re̱ꞌ.