Mateo 9:12 - Mixteco del suroeste de Tlaxiaco Oaxaca

¹² Jee sáá nteso̱ꞌo Jesús ya̱ nkachiꞌ ráa sukuán, jee nkachiꞌ re̱ꞌ nu̱u̱nꞌ ráa: ―Rá ñɨvɨ íyó váꞌa ntu̱ví jíniñúꞌún ráa te̱e sátátán ta̱ta̱nꞌ stíláꞌ, chisaꞌ rá ñɨvɨ kúꞌvíꞌ ví ya̱ jíniñúꞌún ráa maa.

Mateo 9:12 Referans Kwoze

Lucas 5:31

Jee nna̱xiníkó Jesús jee nkachiꞌ re̱ꞌ: ―Rá ñɨvɨ íyó váꞌa ntu jíniñúꞌún ráa te̱e sátátán ta̱ta̱nꞌ stíláꞌ, chisaꞌ rá ñɨvɨ kúꞌvíꞌ ví ya̱ jíniñúꞌún ráa maa.

Lucas 9:11

Jee sáá nku̱káꞌnú iniꞌ rá ñɨvɨ kue̱ꞌe̱ꞌ jee kua̱ꞌa̱nꞌ ráa yukuán, jee ni̱yo ma̱ni̱ꞌ re̱ꞌ nna̱tɨɨn re̱ꞌ ráa, jee káchíꞌ re̱ꞌ nu̱u̱nꞌ ráa na̱ja tatúníꞌ Ndiosíꞌ nu̱u̱nꞌ rá ñɨvɨ ki̱vɨ xi̱ntíín Ndiosíꞌ. Jee suni ñɨvɨ kúꞌvíꞌ ya̱ jíniñúꞌún ráa ya̱ nuvi ráa jee nxi̱núvi re̱ꞌ ráa.

Marcos 2:17

Sáá nteso̱ꞌo Jesús yaꞌá, jee nkachiꞌ‑i nu̱u̱nꞌ ráa: ―Rá ñɨvɨ íyó váꞌa ntu jíniñúꞌún ráa te̱e sátátán ta̱ta̱nꞌ stíláꞌ, chisaꞌ rá ñɨvɨ kúꞌvíꞌ ví ya̱ jíniñúꞌún ráa maa. Nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ ki̱vɨ nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi [sáva nakani iniꞌ ráa jee ki̱vɨ ráa naꞌá Ndiosíꞌ] ―nkachiꞌ Jesús.

Lucas 8:43

Jee yukuán íñɨ́ ɨɨn ñaꞌan kúꞌvíꞌ, ya̱ u̱xu̱ꞌ u̱vi̱ꞌ (12) kui̱ya̱ꞌ jiátɨ ni̱ñɨ̱ꞌ ña, jee ña̱xi̱nꞌ ña nɨꞌɨ ya̱ kúmí ña nu̱u̱nꞌ rá te̱e sátátán jín tátán stíláꞌ, jee ni ɨɨn ntu nkuvi xinúvi‑i ña.

Colosenses 4:14

Jee Lucas, ya̱ kúvi te̱e tátán ya̱ kúvi medico ya̱ ñúnúunꞌ‑ó, tájí re̱ꞌ tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, jee suni sukuán tájí Demas.

Mateo 18:11

Chi nuꞌuꞌ, ya̱ nkenta ni̱ꞌ kúvi ni̱ꞌ Se̱ꞌya Ñɨvɨ ñɨ̱vɨ́, va̱ji ni̱ꞌ sikáku ni̱ꞌ rá ñɨvɨ súkuíta ráa maáráa síkɨ́naanꞌ ráa maáráa.