Mateo 6:30 - Mixteco del suroeste de Tlaxiaco Oaxaca

³⁰ Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ rá yu̱ku̱ꞌ yúkú, jee, ¿á nsú saꞌ víꞌí káꞌ sikúnijin re̱ꞌ ránoꞌó rúja? Ránoꞌó chi matíꞌínꞌ nijia kúneí iniꞌ rán re̱ꞌ.

Mateo 6:30 Referans Kwoze

Lucas 12:28

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ yu̱ku̱ꞌ yúkú saájee saꞌ víꞌí káꞌ sikúnijin re̱ꞌ ránoꞌó ya̱ matíꞌínꞌ nijia kúneí iniꞌ rán re̱ꞌ.

Mateo 14:31

Jee kuísá ntañúꞌún kuitɨꞌ nsi̱kááꞌ Jesús naꞌá re̱ꞌ, jee nna̱tɨɨn re̱ꞌ naꞌá‑a, jee nkachiꞌ re̱ꞌ nu̱u̱nꞌ‑u: ―¡Na̱ ka̱ꞌ yakuꞌ ka̱ꞌ kúneí iniꞌ nú nuꞌuꞌ! ¿Na̱ kuvi chi ni̱yo tu̱ꞌun jiáni iniꞌ nú jie̱ꞌe̱ꞌ nuꞌuꞌ? ―nkachiꞌ Jesús.

1 Pedro 1:24

Chi káchíꞌ nu̱u̱nꞌ Tutuꞌ Ííꞌ ya̱: Ntáká ñɨvɨ ñɨ̱vɨ́ kúvi ráa kuéntáꞌ yu̱ku̱ꞌ, jee ntáká ya̱ viiꞌ íyó ñɨvɨ kúvi kuéntáꞌ itaꞌ yúkú, chi náchi yu̱ku̱ꞌ, jee jiétéꞌ itaꞌ.

Mateo 16:8

Soo ya jíníꞌ Jesús ya̱ káchíꞌ ráa, jee nkachiꞌ re̱ꞌ: ―¡Na̱ ka̱ꞌ te̱e ya̱ yakuꞌ kúneí iniꞌ kúvi rán! ¿Na̱ kuvi chi káchíꞌ rán ya̱ ntu váji rán jín i̱xta̱tíláꞌ?

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Marcos 4:40

Jee nkachiꞌ Jesús nu̱u̱nꞌ ráa: ―¿Na̱ kuvi chi yúꞌví víꞌí rán rúja? ¿Á ntiáꞌan kúneí iniꞌ rán nuꞌuꞌ?

Hebreos 3:12

Jee ránoꞌó ñanitáꞌán, kumí rán maárán ya̱ ni ɨɨn táꞌán rán koto ñúꞌún niva̱ꞌa iniꞌ ánímaꞌ‑a ya̱ ntu ínúꞌ iniꞌ‑i Tu̱ꞌun Ndiosíꞌ sáva ntu kúsɨ́ɨ́n‑ɨ nu̱u̱nꞌ Ndiosíꞌ tékúꞌ.

Lucas 9:41

Saájee nkachiꞌ Jesús: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka se̱ꞌya yɨ́ɨ́ nú yaꞌá ―nkachiꞌ Jesús.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Mateo 17:17

Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.