Mateo 6:24 - Mixteco del suroeste de Tlaxiaco Oaxaca

²⁴ ’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Mateo 6:24 Referans Kwoze

Lucas 16:13

’Ni ɨɨn musúꞌ jee ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn jee kunu̱u̱nꞌ‑u inka, áxí kuneenu̱u̱nꞌ‑u ɨɨn jee kuniichiꞌ iniꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ, jín suni nu̱u̱nꞌ xu̱ꞌún ―nkachiꞌ Jesús.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

Gálatas 1:10

Saájee, jín tu̱ꞌun káꞌánꞌ ni̱ꞌ yaꞌá, ¿á nánukú ni̱ꞌ ya̱ kino̱o va̱ꞌa ni̱ꞌ nu̱u̱nꞌ rá ñɨvɨ áxí nu̱u̱nꞌ Ndiosíꞌ? ¿Á nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ? ¡Ntu̱ví! Chi ré nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ, jee nsú musúꞌ jiátíñú Cristo kúvi ni̱ꞌ, nékúvi.

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Lucas 16:11

Jee saáva retú ntu síkúnkuvi na̱a̱ꞌ rán jín rá nantíñú kúmí rán iniꞌ ñɨ̱vɨ́ yaꞌá jee, ¿né ɨɨn kukáꞌnú iniꞌ‑i ránoꞌó sikúnisotínú‑u ránó ya̱ rá yɨ́yáꞌvi víꞌí nijia ka̱ꞌ ya̱ íyó ne̱ antivɨ́ rúja?

1 Timoteo 6:17

Rá ñɨvɨ kúká ya̱ kúmí víꞌí nantíñú tiempúꞌ vitan, tetíñú nú ráa, ya̱ koto íyó vi̱xi̱ꞌ ráa, jee ya̱ koto jiáꞌa ráa tu̱neí iniꞌ ráa nu̱u̱nꞌ rá nantíñú kue̱ꞌe̱ꞌ yɨ́yáꞌvi, chi ntu̱ví kúun yoꞌo‑o jee ntu sukuáni chíneí‑i ráa. Chisaꞌ tatúníꞌ nú nu̱u̱nꞌ ráa, ya̱ ku̱ꞌva ráa tu̱neí iniꞌ ráa nu̱u̱nꞌ Ndiosíꞌ tékúꞌ, ya̱ kue̱ꞌe̱ꞌ víꞌí táji re̱ꞌ nu̱u̱nꞌ‑ó nɨꞌɨ nantíñú jíniñúꞌún‑ó, sáva kusɨ̱ɨ̱ꞌ iniꞌ‑ó jín‑i.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

Génesis 47:17

Jee ña̱ꞌa̱nꞌ ráa jín rá kitɨ lalá ráa, jín rá sa̱na̱ꞌ líꞌí ráa, jín rá xi̱ni̱kɨ̱ꞌ ráa, jín rá burrúꞌ ráa nu̱u̱nꞌ José jee nu̱u̱nꞌ rá sa̱na̱ꞌ ráa vá njia̱ꞌa José trigúꞌ nu̱u̱nꞌ ráa kui̱ya̱ꞌ yukuán.