Mateo 6:2 - Mixteco del suroeste de Tlaxiaco Oaxaca

² Jee saáva sáá jiáꞌa nú karidáꞌ nu̱u̱nꞌ ñɨvɨ jíniñúꞌún maa jee koto káchítu̱ꞌún nijinꞌ nú ya̱ sáꞌá nú sukuán kuéntáꞌ tivɨꞌ trompeta, kuéntáꞌ kua̱ꞌ sáꞌá rá ñɨvɨ íyó sansuꞌva iniꞌ rá veꞌi sinagoga áxí iniꞌ ichi. Sukuán sáꞌá ráa sáva nakuetúꞌún rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa [jee nsú ta̱ꞌvi̱ꞌ naku̱ꞌva Ndiosíꞌ].

Mateo 6:2 Referans Kwoze

Mateo 6:5

’Jee sáá káꞌánꞌ rán jín Ndiosíꞌ, jee koto íyó rán kuéntáꞌ sáꞌá rá ñɨvɨ sansuꞌva, chi táꞌánꞌ iniꞌ ráa kuiñɨ nichiꞌ ráa iniꞌ rá veꞌi sinagoga nu̱u̱nꞌ kútútú rá ñɨvɨ Israel, jín rá nu̱u̱nꞌ náketáꞌán rá ichi, jee káꞌánꞌ ráa jín Ndiosíꞌ, sáva kune̱ꞌyá rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, jee nsú ta̱ꞌvi̱ꞌ jiáꞌa Ndiosíꞌ.

Mateo 6:16

’Jee sáá nééꞌ niteꞌ rán sáá néñu̱ꞌun rán Ndiosíꞌ, jee koto sáꞌá xií rán, kuéntáꞌ sáꞌá rá ñɨvɨ íyó sansuꞌva, chi nínta xií nu̱u̱nꞌ ráa sáva stúvi ráa nu̱u̱nꞌ rá ñɨvɨ ya̱ nééꞌ niteꞌ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, [jee nsú ta̱ꞌvi̱ꞌ jiáꞌa Ndiosíꞌ].

Juan 5:41

Ntu núkú ni̱ꞌ ya̱ nakuetúꞌún rá ñɨvɨ nuꞌuꞌ.

Hebreos 13:16

Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.

Lucas 20:46

―Kumí rán maárán nu̱u̱nꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, ya̱ táꞌánꞌ iniꞌ ráa jíkónúun ráa kuꞌun ráa saꞌma kání jee náꞌánꞌ ya̱ kúñáꞌnú ráa, jee ñúnúunꞌ ráa ya̱ káꞌánꞌ yɨ́ñúꞌún rá ñɨvɨ jín ráa rá nu̱yáꞌvi. Jee ñúnúunꞌ ráa máá rá teyuꞌ kúñáꞌnú ka̱ꞌ kuneeꞌ ráa iniꞌ rá veꞌi sinagoga nu̱u̱nꞌ nútútú rá ñɨvɨ Israel, jín máá rá teyuꞌ kúñáꞌnú ka̱ꞌ kuneeꞌ ráa nu̱u̱nꞌ íyó rá viko nu̱u̱nꞌ yájíꞌ rá ñɨvɨ.

Juan 7:18

Chi ɨɨn ñɨvɨ ya̱ káꞌánꞌ‑a rá tu̱ꞌun ya̱ jiáni iniꞌ maáa, jee ñɨvɨ vá nukú‑u ya̱ nakuetúꞌún ñɨvɨ maa. Soo ɨɨn ñɨvɨ ya̱ nánukú‑u ya̱ nakuetúꞌún rá ñɨvɨ maáréꞌ ya̱ nchu̱ichí maa, ñɨvɨ na̱a̱ꞌ kúvi‑i, jee ntu yɨ́ꞌɨ́ tu̱ꞌun túꞌún iniꞌ‑i.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

Gálatas 2:10

Kua̱chi kuitɨꞌ ni̱ka̱nꞌ ráa ya̱ koto va̱ꞌa ránꞌ rá ñɨvɨ láꞌví. Jee tiñu vá níꞌvɨ́ꞌ iniꞌ ni̱ꞌ saꞌá ni̱ꞌ.

Hechos 10:4

Ni nne̱ꞌyá re̱ꞌ saá maa, jee nyu̱ꞌví i̱yo re̱ꞌ, jee nkachiꞌ re̱ꞌ: ―¿Ná kúníꞌ nú?, Tátáꞌ. Jee nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Ya̱ kue̱ꞌe̱ꞌ káꞌánꞌ nú jín Ndiosíꞌ jín ya̱ nsa̱ꞌá nú caridad nu̱u̱nꞌ ñɨvɨ, ya̱ ntɨɨn kuéntáꞌ Ndiosíꞌ maa ya̱ nso̱ko̱ꞌ nú maa nu̱u̱nꞌ re̱ꞌ.

1 Timoteo 6:18

Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.

Romanos 12:8

Jee retú nni̱ꞌi̱nꞌ nú ta̱ꞌvi̱ꞌ ya̱ náxiníꞌvɨ́ꞌ nú iniꞌ ñɨvɨ, jee naxiníꞌvɨ́ꞌ nú iniꞌ ráa. Jee retú nni̱ꞌi̱nꞌ nú ta̱ꞌvi̱ꞌ ya̱ ku̱ꞌva nú ya̱ jíniñúꞌún táꞌán nú, jee ne̱ ánímaꞌ nú kuva̱ꞌa iniꞌ nú ku̱ꞌva nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúvi yósóꞌ nú nu̱u̱nꞌ ñanitáꞌán‑ó, jee kávii ñunkúún saꞌá nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúnáꞌví iniꞌ nú jíto va̱ꞌa nú rá ñɨvɨ táꞌánꞌ tu̱nóꞌó, jee ne̱ kusɨ̱ɨ̱ꞌ iniꞌ nú saꞌá nú maa.

Hechos 24:17

’Sáá njia̱ꞌa víꞌí kui̱ya̱ꞌ ni̱kúténúún ni̱ꞌ rá inka ñuunꞌ, jee nnenta ni̱ꞌ ñuunꞌ ni̱ꞌ Israel, sáva naku̱ꞌva ni̱ꞌ caridad nu̱u̱nꞌ rá láꞌvíꞌ yaꞌá, jee suni so̱ko̱ꞌ ni̱ꞌ nu̱u̱nꞌ Ndiosíꞌ.

Hechos 10:31

Jee nkachiꞌ re̱ꞌ: “Ndiosíꞌ nteso̱ꞌo ya̱ nkaꞌanꞌ nú jín re̱ꞌ jee nákúꞌun iniꞌ Ndiosíꞌ rá caridad nsa̱ꞌá nú.

Hechos 10:2

Suvire̱ꞌ jín nɨꞌɨ rá táꞌán veꞌi re̱ꞌ kúvi ráa ñɨvɨ néñu̱ꞌun ráa Ndiosíꞌ, jee ñúyúꞌví iniꞌ ráa nu̱u̱nꞌ Ndiosíꞌ. Jee sáꞌá víꞌí re̱ꞌ caridad nu̱u̱nꞌ rá ñɨvɨ láꞌví, jee sukuáni káꞌánꞌ re̱ꞌ jín Ndiosíꞌ.

Hechos 9:36

Ñuunꞌ Jope nééꞌ ɨɨn ñaꞌan níkɨ́nꞌ ña ichi Jesús, ya̱ naní ña Tabita, ya̱ tu̱ꞌun griego kuíni káchíꞌ Dorcas. Ñaꞌan yaꞌá sáꞌá víꞌí ña tiñu váꞌa, jee sáꞌá víꞌí ña caridad nu̱u̱nꞌ rá láꞌví.

Juan 13:29

Chi sava ráa nkaꞌvi iniꞌ ráa ya̱ nkachiꞌ Jesús sukuán, chi Judas kúvi te̱e ya̱ nééꞌ si̱kɨ̱ꞌ re̱ꞌ ya̱ kúmí váꞌa re̱ꞌ ñunu xu̱ꞌún ráa, jee saáva nkaꞌvi iniꞌ ráa ya̱ nkachiꞌ Jesús ya̱ kikeꞌen‑e nantíñú ya̱ jíniñúꞌún ráa ki̱vɨ̱ꞌ viko, áxí ya̱ ku̱ꞌva‑a ntíꞌ xu̱ꞌún nu̱u̱nꞌ rá ñɨvɨ láꞌví.

Juan 5:44

¿Na̱sa kúvi i̱nu̱ꞌ iniꞌ rán nuꞌuꞌ?, chi yɨ́netuꞌ rán ya̱ nakuetúꞌún ɨɨn inka rán táꞌán rán, jee ntu núkú rán ya̱ nakuetúꞌún Ndiosíꞌ ránoꞌó, ya̱ métúꞌún re̱ꞌ ví Ndiosíꞌ.

Lucas 6:42

Jee saáva, ¿na̱ja kuvi kachiꞌ nú nu̱u̱nꞌ ñanitáꞌán nú: “Ñaniꞌ, taji ya̱ nuꞌuꞌ tavaꞌ ya̱ká lúlí yánká yɨ́ꞌɨ́ nchinúún nú”, soo ni maánú ntu néꞌyá nú kuꞌlu yɨ́ꞌɨ́ nchinúún noꞌó rúja? ¡Ñɨvɨ sansuꞌva kúvi nú! Xíꞌna ka̱ꞌ tavaꞌ kuꞌlu yutun yɨ́ꞌɨ́ nchinúún noꞌó, saájee kuvi kune̱ꞌyá kájí nú sáva tavaꞌ ya̱ká lúlí yánká yɨ́ꞌɨ́ nchinúún ñanitáꞌán nú.

Marcos 12:39

Jee táꞌánꞌ iniꞌ ráa máá rá teyuꞌ kúñáꞌnú ka̱ꞌ kuneeꞌ ráa iniꞌ rá veꞌi sinagoga nu̱u̱nꞌ nútútú rá ñɨvɨ Israel. Jee suni táꞌánꞌ iniꞌ ráa máá rá teyuꞌ kúñáꞌnú ka̱ꞌ kuneeꞌ ráa nu̱u̱nꞌ íyó rá viko nu̱u̱nꞌ yájíꞌ rá ñɨvɨ.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.

1 Tesalonicenses 2:6

Ni ntu̱náꞌ núkú ránꞌ ya̱ nakuetúꞌún ñɨvɨ ránuꞌuꞌ, ni ya̱ nakuetúꞌún rán ránuꞌuꞌ, ni ya̱ nakuetúꞌún inka ñɨvɨ ránuꞌuꞌ. Sú níso ránꞌ tiñu apóstol, ya̱ nchu̱ichí Cristo, jee kúvi tetuvi ráníꞌ ránoꞌó ya̱ koto rán ránuꞌuꞌ,

Hechos 11:29

Saáva rá ñɨvɨ yukuán, ya̱ níkɨ́nꞌ ráa Jesús, jee ñani iniꞌ ráa chineí ráa rá ñaniꞌ ráa ñuunꞌ Judea, rá yɨ́ꞌɨ́ nu̱u̱nꞌ Jesús. Ta ɨɨn ku̱ꞌva sánikua̱ꞌ kénta néen‑e.

Lucas 13:15

Saájee nna̱xiníkó I̱toꞌoꞌ‑ó Jesús nu̱u̱nꞌ te̱e vá jee nkachiꞌ re̱ꞌ: ―Te̱e sansuꞌva ni kúvi rán, chi ta ɨɨn rán, ¿á ntu nánají nú xi̱ni̱kɨ̱ꞌ nú áxí burrúꞌ nú rá ki̱vɨ̱ꞌ nájiáví jiásikóꞌo nú nute rátíꞌ rúja?

Lucas 12:56

Ñɨvɨ sansuꞌva kúvi rán, chi jie̱ꞌe̱ꞌ na̱ja túvi ñuꞌun jín súkún jee jíníꞌ va̱ꞌa rán nákuniꞌ rán na̱ja jiáꞌa súkún tiempúꞌ. Soo ¿na̱ja kúvi ya̱ ntu jíníꞌ rán nakuniꞌ rán na̱ja jiáꞌa tiempúꞌ vitan rúja?

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 11:43

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e fariseo, chi ñúnúunꞌ rán máá rá teyuꞌ kúñáꞌnú ka̱ꞌ kuneeꞌ rán iniꞌ rá veꞌi sinagoga nu̱u̱nꞌ nútútú rá ñɨvɨ Israel, jín ya̱ káꞌánꞌ yɨ́ñúꞌún rá ñɨvɨ jín rán rá nu̱yáꞌvi.

Lucas 11:41

Soo ne̱ ánímaꞌ rán naku̱ꞌva rán ya̱ íyó nu̱u̱nꞌ rán nu̱u̱nꞌ rá ñɨvɨ láꞌví, jee noo kino̱o nɨꞌɨ nu̱u̱nꞌ ránoꞌó.

Lucas 6:24

’Chisaꞌ, ¡na̱ ka̱ꞌ náꞌví ka̱ꞌ ránoꞌó ñɨvɨ kúká ya̱ kunoꞌo rán!, chi ya̱ nni̱ꞌi̱nꞌ rán nɨꞌɨ ya̱ kusɨ̱ɨ̱ꞌ iniꞌ rán ni tékúꞌ rán jee ntu̱náꞌ ni̱ꞌi̱nꞌ rán ka̱ꞌ ichinúúnꞌ ka̱ꞌ.

Marcos 7:6

Nna̱xiníkó Jesús nu̱u̱nꞌ ráa: ―Máá nááꞌ vá nkachiꞌ Isaías te̱e ntee tu̱ꞌun nkene yuꞌú Ndiosíꞌ nu̱u̱nꞌ Tutuꞌ Ííꞌ, sáá nkachiꞌ‑i jie̱ꞌe̱ꞌ ránoꞌó ya̱ kúvi rán te̱e sansuꞌva. Suꞌva ntee re̱ꞌ ya̱ nkachiꞌ Ndiosíꞌ: Rá ñɨvɨ yaꞌá, jín kua̱chi tu̱ꞌun káꞌánꞌ ráa jín yuꞌú ráa yɨ́ñúꞌún ráa nuꞌuꞌ, soo íyó íká ánímaꞌ ráa nu̱u̱nꞌ ni̱ꞌ.

Mateo 24:51

jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ sansuꞌva jee yukuán kunaꞌyuꞌ ráa ne̱ kaꞌñɨꞌ nu̱ꞌun ráa.

Mateo 23:6

Jee ñúnúunꞌ ráa máá teyuꞌ kúñáꞌnú ka̱ꞌ kuneeꞌ ráa nu̱u̱nꞌ íyó rá viko nu̱u̱nꞌ yájíꞌ rá ñɨvɨ. Jee suni ñúnúunꞌ ráa máá rá teyuꞌ kúñáꞌnú ka̱ꞌ kuneeꞌ ráa iniꞌ rá veꞌi sinagoga nu̱u̱nꞌ nútútú rá ñɨvɨ Israel.

Mateo 22:18

Soo ya jíníꞌ Jesús ya̱ jiáni kánéꞌén iniꞌ rává, jee nkachiꞌ re̱ꞌ nu̱u̱nꞌ rává: ―¿Na̱kui chi jítotúníꞌ rán nuꞌuꞌ, te̱e sansuꞌva ránoꞌó?

Mateo 16:3

Jee sáá kunijinꞌ jee káchíꞌ rán: “Vitan koo ta̱chi̱ꞌ sa̱vi̱ꞌ xéénꞌ chi jíchi kuéꞌé súkún, jee íyó vikó”, káchíꞌ rán. ¡Te̱e sansuꞌva kúvi rán! Chi jie̱ꞌe̱ꞌ na̱ja túvi súkún jíníꞌ va̱ꞌa rán nákuniꞌ rán na̱ja jiáꞌa súkún tiempúꞌ, soo ni ntu̱ví kúvi nákuniꞌ rán na̱ja jiáꞌa rá seña ya̱ sáꞌá ni̱ꞌ tiempúꞌ vitan.

Mateo 15:7

¡Te̱e sansuꞌva ni kuvi rán! Máá nááꞌ vá nkachiꞌ Isaías sáá nna̱kani re̱ꞌ tu̱ꞌun nkene yuꞌú Ndiosíꞌ yanaꞌán, jie̱ꞌe̱ꞌ ránoꞌó suꞌva:

Mateo 7:5

¡Ñɨvɨ sansuꞌva kúvi nú! Xíꞌna ka̱ꞌ maánú tavaꞌ kuꞌlu yutun yɨ́ꞌɨ́ nchinúún noꞌó, saájee kuvi kune̱ꞌyá kájí nú sáva tavaꞌ ya̱ká lúlí yánká yɨ́ꞌɨ́ nchinúún ñanitáꞌán nú.

Mateo 5:18

Chi maá nááꞌ nijia ví ya̱ káchíꞌ ni̱ꞌ nu̱u̱nꞌ ránoꞌó, ya̱ ni íyó súkún jín ñɨ̱vɨ́ yaꞌá ne̱ ntiáꞌan naanꞌ ráa, jee ni ɨɨn letra jín ni ɨɨn puntúꞌ níso nu̱u̱nꞌ tu̱ꞌun ley Ndiosíꞌ jee ni ntu xitá maa, nekuaꞌ kuvi nɨꞌɨ ya̱ káchíꞌ‑i.

Mateo 6:3

Soo sáá jiáꞌa nú karidáꞌ nu̱u̱nꞌ ñɨvɨ jíniñúꞌún, jee saꞌá yuꞌuꞌ maa sáva nku̱níꞌ ni ɨɨn ñɨvɨ maa kuéntáꞌ ntu jíníꞌ naꞌá sátín nú ná kúvi ya̱ sáꞌá naꞌá kuáꞌá nú.

Mateo 23:5

’Jee ntáká rá tiñu sáꞌá ráa vá, sáꞌá ráa maa sáva kuniꞌ rá ñɨvɨ maa, jee nakuetúꞌún ñɨvɨ ráa. Jee káꞌnú sáꞌá ráa rá kajúnꞌ lúlí ñúꞌún pedasúꞌ tutuꞌ níso Tu̱ꞌun Ndiosíꞌ ya̱ ténuꞌniꞌ néꞌín ráa yutéénꞌ ráa jín yɨkɨ náꞌá ráa. Jee sáꞌá kání ráa ka̱ꞌ yuxi yuꞌú saꞌma ñúꞌún ráa.

1 Corintios 13:3

Jee súnika̱ꞌ retánꞌ tasáva ni̱ꞌ nɨꞌɨ kuitɨꞌ ni̱ꞌ rá nantíñú kúmí ni̱ꞌ sajiaꞌ ni̱ꞌ maa nu̱u̱nꞌ rá ñɨvɨ nóꞌo láꞌví, jee súnika̱ꞌ retánꞌ ku̱ꞌva ni̱ꞌ maáníꞌ ne̱ teñuꞌunꞌ rá ñɨvɨ yɨkɨkúñu ni̱ꞌ, jee retú ntu̱ví ñúnúunꞌ ni̱ꞌ rá ñɨvɨ, saájee ni ntu̱náꞌ va̱ꞌa nániꞌinꞌ ni̱ꞌ.