Mateo 6:19 - Mixteco del suroeste de Tlaxiaco Oaxaca

¹⁹ ’Koto na̱ nantíñú síkuéꞌnu rán chuva̱ꞌa rán maa ya̱ sakúká rán maárán iniꞌ ñɨ̱vɨ́ yaꞌá, nu̱u̱nꞌ stívɨ́ ti̱kixinꞌ jín su̱jieyóó maa jee náánꞌ‑a, jín nu̱u̱nꞌ kívɨ rá kui̱ꞌná sákuíꞌná ráa maa.

Mateo 6:19 Referans Kwoze

Hebreos 13:5

Koto jiáꞌnu rán ñujiínꞌ kunu̱u̱nꞌ rán xu̱ꞌún, soo kuva̱ꞌa iniꞌ rán jín ya̱ kúmí rán, chi káchíꞌ Ndiosíꞌ: Ni nsáꞌ xinóo ni̱ꞌ noꞌó. Jee ni nsáꞌ keꞌen ni̱ꞌ xinóo maáníꞌ noꞌó.

Lucas 12:21

Sukuán ví ɨɨn ñɨvɨ ya̱ téváꞌa víꞌí‑i nantíñú soo ntu núkú‑u ya̱ ni̱ꞌi̱nꞌ‑i ta̱ꞌvi̱ꞌ jiáꞌa Ndiosíꞌ ―nkachiꞌ Jesús.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

1 Timoteo 6:17

Rá ñɨvɨ kúká ya̱ kúmí víꞌí nantíñú tiempúꞌ vitan, tetíñú nú ráa, ya̱ koto íyó vi̱xi̱ꞌ ráa, jee ya̱ koto jiáꞌa ráa tu̱neí iniꞌ ráa nu̱u̱nꞌ rá nantíñú kue̱ꞌe̱ꞌ yɨ́yáꞌvi, chi ntu̱ví kúun yoꞌo‑o jee ntu sukuáni chíneí‑i ráa. Chisaꞌ tatúníꞌ nú nu̱u̱nꞌ ráa, ya̱ ku̱ꞌva ráa tu̱neí iniꞌ ráa nu̱u̱nꞌ Ndiosíꞌ tékúꞌ, ya̱ kue̱ꞌe̱ꞌ víꞌí táji re̱ꞌ nu̱u̱nꞌ‑ó nɨꞌɨ nantíñú jíniñúꞌún‑ó, sáva kusɨ̱ɨ̱ꞌ iniꞌ‑ó jín‑i.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 18:24

Jee sáá niniꞌ Jesús ya̱ nnu̱kuéká víꞌí iniꞌ‑i jee nkachiꞌ re̱ꞌ: ―¡Na̱ ka̱ꞌ víjí víꞌí ka̱ꞌ vá ki̱vɨ rá ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u!

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Mateo 6:20

Chisaꞌ kueꞌnu sánikua̱ꞌ kuíni Ndiosíꞌ sáva chuva̱ꞌa rán ya̱ yɨ́yáꞌvi nijia iniꞌ antivɨ́ súkún, nu̱u̱nꞌ ntu̱ví xínáánꞌ ti̱kixinꞌ ni su̱jieyóó maa, jín nu̱u̱nꞌ ni ntu̱ví kúvi ki̱vɨ rá kui̱ꞌná sakuíꞌná maa.

Lucas 12:39

Jee íyó kukáꞌnú iniꞌ rán yaꞌá: retánꞌ jíníꞌ te̱e xí veꞌi na̱ hora kenta te̱e kuíꞌná sakuíꞌná‑a, [jee koo nito re̱ꞌ kumí re̱ꞌ veꞌi re̱ꞌ] nsáꞌ ku̱ꞌva re̱ꞌ ki̱vɨ‑i iniꞌ veꞌi re̱ꞌ sakuíꞌná‑a.