Mateo 6:13 - Mixteco del suroeste de Tlaxiaco Oaxaca

¹³ Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Mateo 6:13 Referans Kwoze

1 Corintios 10:13

Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

Juan 17:15

’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Mateo 26:41

Kunito rán jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ. Íyó nijia ya̱ ɨɨn ni ñúꞌún káñá ánímaꞌ rán sikúnkuvi va̱ꞌa rán, soo ñunéꞌyúꞌ rán chi táyáꞌ‑a ―nkachiꞌ Jesús.

Apoclipsis 19:1

Jee sáá njia̱ꞌa vá, jee kuíre ne̱ antivɨ́ súkún nteso̱ꞌo ni̱ꞌ rá nusuyuꞌú ya̱ káꞌánꞌ kue̱ꞌe̱ꞌ víꞌí ñɨvɨ, jee káchíꞌ ráa: ¡Nákuetúꞌún‑ó Ndiosíꞌ!, chi nátavaꞌ re̱ꞌ ñɨvɨ nu̱u̱nꞌ kua̱chi ráa síkáku re̱ꞌ ráa, jín máá kúñáꞌnú víꞌí kúvi re̱ꞌ, jín ya̱ níso víꞌí re̱ꞌ fesáꞌ ííꞌ ni̱ꞌin.

2 Tesalonicenses 3:3

Soo kúvi kúneí iniꞌ‑ó I̱toꞌoꞌ‑ó chi síkúnkuvi na̱a̱ꞌ re̱ꞌ nɨꞌɨ ya̱ káchíꞌ re̱ꞌ, jee saꞌá re̱ꞌ ya̱ kuiñɨ ni̱ꞌin rán jín re̱ꞌ jee kumí re̱ꞌ ránoꞌó nu̱u̱nꞌ ya̱ kíni.

Mateo 6:10

Na̱ ka̱ꞌ sikíji nú ki̱vɨ̱ꞌ ya̱ tatúníꞌ nú nu̱u̱nꞌ ñɨ̱vɨ́ yaꞌá. Jee saꞌá nú rá tiñu iniꞌ ñɨ̱vɨ́ yaꞌá sáni kuíni nú koo, sánikua̱ꞌ sáꞌá nú antivɨ́ súkún.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

1 Tesalonicenses 1:10

Jee nki̱vɨ rán nu̱u̱nꞌ re̱ꞌ sáva kunetu rán ya̱ kene Se̱ꞌya re̱ꞌ antivɨ́ jee niji‑i nu̱u̱nꞌ ñɨ̱vɨ́ yaꞌá. Se̱ꞌya Ndiosíꞌ ví ya̱ nxi̱nátekuꞌ re̱ꞌ nteñu rá níꞌiꞌ jee nxi̱nákóo Ndiosíꞌ ñunéꞌyúꞌ‑u. Jee maáa ví Jesús. Jee Jesús ví ya̱ sikáku re̱ꞌ yó sáva nxínóꞌo Ndiosíꞌ yó, ki̱vɨ̱ꞌ kiji re̱ꞌ xinóꞌo re̱ꞌ rá ñɨvɨ, chi kítɨ́ꞌ iniꞌ re̱ꞌ jie̱ꞌe̱ꞌ rá kua̱chi ráa.

Apoclipsis 21:4

Jee sijíchíꞌ re̱ꞌ ntáká ntenúúnꞌ ráa nchinúún ráa, chi ni nsáꞌ kuviꞌ ráa ka̱ꞌ, nkóo ka̱ꞌ tu̱nkuéká iniꞌ ráa, jee ni nsáꞌ kunaꞌyuꞌ ráa ka̱ꞌ, jee ni nsáꞌ kunoꞌo ráa ka̱ꞌ, chi ya̱ njia̱ꞌa rá tiñu ya̱ nnoꞌo ráa ya̱ta̱ꞌ ―nkachiꞌ‑i.

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Génesis 22:1

Sáá njia̱ꞌa rá yaꞌá jee ni̱totúníꞌ Ndiosíꞌ Abraham jee nkachiꞌ re̱ꞌ nu̱u̱nꞌ‑u: ―Abraham. Jee nna̱xiníkó Abraham: ―Yaꞌá íñɨ́ ni̱ꞌ ―nkachiꞌ Abraham.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

2 Corintios 1:20

Chi maá Cristo ví ya̱ síkúnkuvi nta̱ká rá tu̱ꞌun ya̱ nchi̱sóyuꞌú Ndiosíꞌ, jee káchíꞌ re̱ꞌ “kuvi”. Saáva jie̱ꞌe̱ꞌ Cristo káchíꞌ‑ó “sukuán koo”, “amén”, sáva nákuetúꞌún‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 1:18

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Mateo 5:37

Chisaꞌ kuvi tu̱ꞌun káchíꞌ rán “kuvi”, retú kuvi, jee retú ntu̱ví, jee “ntu̱ví”. Chi retú chísó rán ka̱ꞌ nu̱u̱nꞌ tu̱ꞌun káꞌánꞌ rán, jee yukuán kúvi ya̱ váji‑i nu̱u̱nꞌ ya̱ kíni.

1 Corintios 14:16

Chi retú nákuetúꞌún nú Ndiosíꞌ jín inka nu̱u̱nꞌ tu̱ꞌun ntu jiáku̱ꞌun iniꞌ nú ya̱ váji ne̱ iniꞌ ta̱chi̱ꞌ káꞌánꞌ nú ya̱ ntaji Ta̱chi̱ꞌ Ííꞌ sákachiꞌ nú, jee retú íyó ñɨvɨ ya̱ tésóꞌo tu̱ꞌun káꞌánꞌ nú ya̱ ntu̱ví kúmí‑i ta̱ꞌvi̱ꞌ ya̱ kuvi ki̱ku̱ꞌun iniꞌ‑i vá, jee, ¿na̱ja kuvi kunuún iniꞌ ñɨvɨ vá jín ya̱ káchíꞌ nú jee kachiꞌ‑i suꞌva íyó, sáá jiáꞌa nú ya̱ kútaꞌviꞌ nú nu̱u̱nꞌ Ndiosíꞌ rúja?, chi ni ntu̱ví jíníꞌ‑i ná kúvi ya̱ káchíꞌ nú.

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Apoclipsis 19:4

Saájee ni ókóꞌ ku̱mi̱ꞌ (24) rá te̱e ñáꞌnú ya̱ nísotíñú vá, jín ni kúmíꞌ rá tékúꞌ vá, nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñu̱ꞌún nu̱u̱nꞌ Ndiosíꞌ jee nneñu̱ꞌun ráa Ndiosíꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ. Jee nkachiꞌ ráa: ―¡Amén! ¡Sukuán koo! ¡Na̱ ka̱ꞌ nakuetúꞌún‑ó noꞌó! ―nkachiꞌ ráa.

Apoclipsis 5:13

Jee nteso̱ꞌo ni̱ꞌ ya̱ nkaꞌanꞌ ntáká rá nsa̱ꞌá Ndiosíꞌ rá íyó súkún, jín rá íyó nu̱u̱nꞌ ñuꞌun, jín rá íyó chi̱ji ñuꞌun, jín rá íyó chi̱ji nteñúꞌún, jee kua̱íyó rá íyó yukuán nkachiꞌ: Maáréꞌ ya̱ nééꞌ re̱ꞌ teyuꞌ tátúníꞌ re̱ꞌ, jín maáréꞌ ya̱ kúvi re̱ꞌ lanchi Ndiosíꞌ, jee nákuetúꞌún‑ó ráa, nákuatáꞌví‑ó ráa, chíñúꞌún‑ó ráa ya̱ viiꞌ víꞌí kúñáꞌnú ráa, na̱ ka̱ꞌ níso ráa fuersáꞌ ííꞌ ya̱ tátúníꞌ ráa nu̱u̱nꞌ kua̱íyó kuitɨꞌ ne̱ vitan jín nɨ́ɨ́nkání. Nkachiꞌ ráa.

Apoclipsis 3:14

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Laodicea: “Nuꞌuꞌ kúvi ya̱ stúvi ya̱ suꞌva koo sáni káchíꞌ Tu̱ꞌun Ndiosíꞌ, chi síkúnkuvi na̱a̱ꞌ ni̱ꞌ máá tu̱ꞌun na̱a̱ꞌ jee jiáꞌa ni̱ꞌ ya̱ naáꞌ. Jee nuꞌuꞌ nsa̱ꞌá ni̱ꞌ ntáká nantíñú ya̱ nta̱túníꞌ Ndiosíꞌ ya̱ kiko̱o ne̱ tiempúꞌ xíꞌnañúꞌún. Tu̱ꞌun yaꞌá káchíꞌ nuꞌuꞌ:

Hebreos 11:36

Jee inka ráa nnoꞌo ráa tu̱ꞌun ntenu̱u̱nꞌ ñɨvɨ ráa jee njia̱ꞌa ñɨvɨ ráa, jee suni ne̱ nnuꞌniꞌ ráa jín cadena nyɨ̱ꞌɨ ráa veka̱a.

1 Timoteo 1:17

Saáva íyó saꞌá ñáꞌnú nɨꞌɨ ñɨvɨ nu̱u̱nꞌ Ndiosíꞌ, ya̱ kúñáꞌnú re̱ꞌ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Jee ni nsáꞌ jíꞌíꞌ re̱ꞌ. Jee maáréꞌ ví ya̱ ntu túvi kune̱ꞌyá‑ó. Métúꞌún Ndiosíꞌ vá kúvi re̱ꞌ. Íyó nakuetúꞌún nɨꞌɨ ñɨvɨ nɨ́ɨ́nkání ya̱ viiꞌ nasɨ́kuitɨꞌ kúñáꞌnú re̱ꞌ. Suꞌva koo. Amén.