Mateo 5:47 - Mixteco del suroeste de Tlaxiaco Oaxaca

⁴⁷ Jee retú káꞌánꞌ va̱ꞌa ránú jín kua̱chi rá ñanitáꞌán ránú ni, jee, ¿na̱ ɨɨn a̱nasɨ́ va̱ꞌa ka̱ꞌ kúvi ya̱ sáꞌá rán sukuán rúja? Chi ne̱ rá ñɨvɨ ya̱ ntu kúvi ráa ñɨvɨ Israel ya̱ ntu jínúꞌ iniꞌ ráa Ndiosíꞌ sáꞌá ráa sukuán ranika̱ꞌ.

Mateo 5:47 Referans Kwoze

Lucas 6:32

’Chi retú ñúnúunꞌ rán rá ñɨvɨ ya̱ ñúnúunꞌ ráa ránoꞌó jee, ¿ná váꞌa kúvi ya̱ sáꞌá rán rúja? Chi ne̱ rá ñɨvɨ yɨ́ꞌɨ́ nu̱u̱nꞌ kua̱chi suni sáꞌá ráa sukuán, chi ñúnúunꞌ ráa rá ñɨvɨ ya̱ ñúnúunꞌ rává ráa.

Mateo 5:20

Chi káchíꞌ ni̱ꞌ nu̱u̱nꞌ rán ya̱ íyó kino̱o na̱a̱ꞌ rán ka̱ꞌ sáni kuíni Ndiosíꞌ nsú káꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín rá te̱e yɨ́ꞌɨ́ ñujiínꞌ fariseo, soo retú ntu̱ví jee ni nsáꞌ ki̱vɨ rán naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ rán.

1 Pedro 2:20

Chi retú jiéꞌnéꞌ iniꞌ rán tu̱nóꞌó xínóꞌo ráa ránoꞌó jie̱ꞌe̱ꞌ kua̱chi sáꞌá rán jee, ¿ná va̱ꞌa kúvi nu̱u̱nꞌ rán rúja? Soo retú nóꞌo rán jie̱ꞌe̱ꞌ tiñu váꞌa sáꞌá rán, jee jiéꞌnéꞌ iniꞌ rán nóꞌo rán, jee kúváꞌa iniꞌ Ndiosíꞌ néꞌyá‑a yaꞌá.

Mateo 10:12

Jee sáá ki̱vɨ rán iniꞌ veꞌi ñɨvɨ vá, jee kachiꞌ rán nu̱u̱nꞌ ráa ya̱ na̱ ka̱ꞌ kuneeꞌ va̱ꞌa ñunkúún ñɨvɨ veꞌi yaꞌá.

Mateo 5:46

Chi retú kunu̱u̱nꞌ rán rá ñɨvɨ ya̱ ñúnúunꞌ ráa ránoꞌó, jee, ¿na̱ ta̱ꞌvi̱ꞌ íyó ni̱ꞌi̱nꞌ rán nu̱u̱nꞌ Ndiosíꞌ rúja? ¿Á ntu suni sukuán sáꞌá ne̱ rá te̱e tíꞌñá ya̱ tɨ́ɨn xu̱ꞌún náneeꞌ ñuunꞌ Roma rúja?

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Colosenses 4:14

Jee Lucas, ya̱ kúvi te̱e tátán ya̱ kúvi medico ya̱ ñúnúunꞌ‑ó, tájí re̱ꞌ tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, jee suni sukuán tájí Demas.

Colosenses 4:15

Jee naku̱ꞌva rán xá tu̱ꞌun ni̱ꞌ nu̱u̱nꞌ rá ñanitáꞌán‑ó, ya̱ kúneí iniꞌ ráa Cristo, ya̱ nééꞌ ñuunꞌ Laodicea, jín nu̱u̱nꞌ Ninfas, jín nu̱u̱nꞌ rá ñanitáꞌán‑ó ya̱ nútútú ráa veꞌi ña, ya̱ jíkátu̱ꞌún ni̱ꞌ jie̱ꞌe̱ꞌ ráa.