Mateo 5:28 - Mixteco del suroeste de Tlaxiaco Oaxaca

²⁸ Soo nuꞌuꞌ káchíꞌ ni̱ꞌ nu̱u̱nꞌ ránú, ya̱ néni ɨɨn ñɨvɨ ya̱ néꞌyá‑a ɨɨn ñaꞌan níyo iniꞌ‑i néꞌyá‑a, saájee ne̱ iniꞌ ánímaꞌ‑a ya nkusi̱kɨ́ iniꞌ‑i tiñu téní jín ñaꞌan vá.

Mateo 5:28 Referans Kwoze

1 Juan 2:16

Chi nsú nu̱u̱nꞌ Tátáꞌ‑ó Ndiosíꞌ va̱ji nta̱ká ya̱ íyó ñujiínꞌ ñɨ̱vɨ́: ya̱ níyo néꞌén iniꞌ saꞌá‑ó jín yɨkɨkúñu‑ó, jín ya̱ níyo iniꞌ‑ó ya̱ néꞌyá‑ó jín nchinúún‑ó, jín ya̱ kúvíxiꞌ‑ó ya̱ kúmí‑ó jín ya̱ sáꞌá‑ó. Chisaꞌ káku rá yaꞌá iniꞌ ñɨ̱vɨ́ yaꞌá.

Génesis 34:2

Jee niniꞌ te̱e naní Siquem ña, ya̱ kúvi re̱ꞌ se̱ꞌya Hamor te̱e ichiyúkúnꞌ heveo, te̱e tátúníꞌ nu̱u̱nꞌ ñuunꞌ yukuán, jee ntɨɨn xe̱e̱nꞌ Siquem ña jee sukuán njia̱ꞌa re̱ꞌ tu̱nkánuun nu̱u̱nꞌ ña.

2 Pedro 2:14

Sáá néꞌyá ráa ɨɨn ñaꞌan jiáni néꞌí iniꞌ ráa jee ni ntu síkɨ́kui̱ñɨ̱ꞌ ráa ya̱ sáꞌá ráa kua̱chi. Jee síjínúꞌ ráa iniꞌ rá ñɨvɨ ntu íñɨ́ kutú rává jín Tu̱ꞌun Ndiosíꞌ nástá ráa rává kunikɨnꞌ rává ichi xínéꞌénꞌ ráa, chi maa ñɨvɨ tu̱ꞌva iniꞌ kúvi ráa, chi nijia iniꞌ ráa sáꞌá ráa tiñu uꞌvi iniꞌ. Kúvi ráa ñɨvɨ ya̱ níꞌínꞌ ráa ya̱ chisónínu Ndiosíꞌ ráa.

Romanos 7:14

Chi jíníꞌ‑ó ya̱ va̱ji ley nu̱u̱nꞌ Ta̱chi̱ꞌ Ííꞌ, jee nuꞌuꞌ kúvi ni̱ꞌ ñɨvɨ ñunéꞌyúꞌ, ya̱ yɨ́ꞌɨ́ ni̱ꞌ xi̱ntíín kua̱chi kuéntáꞌ kúvi ni̱ꞌ musúꞌ ya̱ nkuya̱ꞌvi.

Mateo 5:39

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Koto núníꞌin ránú nu̱u̱nꞌ ñɨvɨ niváꞌa. Chisaꞌ retú ɨɨn ñɨvɨ kátúꞌ‑u yɨkɨnúúnꞌ ichi kuáꞌá nú, jee natee nú iyo inka ichi yɨkɨnúúnꞌ nú nu̱u̱nꞌ‑u.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Mateo 15:19

Chi ne̱ ánímaꞌ ñɨvɨ va̱ji ntáká ya̱ níváꞌa ñúꞌún iniꞌ antúníꞌ ñɨvɨ, ya̱ sáꞌá ñɨvɨ ni̱yɨ, jín ñɨvɨ ya̱ ya nta̱na̱ꞌá soo núnéꞌén ráa jín inka ñɨvɨ ya̱ ntu ntánáꞌá jín ráa, jín ya̱ sáꞌá téní ráa, jín ya̱ sáꞌá kuíꞌná ráa, jín ya̱ kátúꞌún ráa, jín ya̱ kákuíyuꞌú ráa si̱kɨ̱ꞌ táꞌán ráa.