Mateo 5:26 - Mixteco del suroeste de Tlaxiaco Oaxaca

²⁶ Jee máá naáꞌ vá káchíꞌ ni̱ꞌ nu̱u̱nꞌ nú, ya̱ ni nsáꞌ kene nú yukuán nekuaꞌ nachunáán nú kua̱nɨꞌɨ noo xu̱ꞌún ya̱ íyó chunáán nú.

Mateo 5:26 Referans Kwoze

Mateo 18:34

Saájee nki̱ti̱ꞌ víꞌí iniꞌ i̱toꞌoꞌ‑o vá, jee nta̱túníꞌ re̱ꞌ ya̱ chiꞌi ráa maa veka̱a nu̱u̱nꞌ kunoꞌo‑o, ne̱kua̱ꞌ kuneí‑i nachunáán‑a nɨꞌɨ ya̱ táyáꞌvi‑i nu̱u̱nꞌ re̱ꞌ.

Lucas 12:59

Jee káchíꞌ ni̱ꞌ nu̱u̱nꞌ nú ya̱ ni nsáꞌ kene nú yukuán nekuaꞌ nachunáán nú kua̱nɨꞌɨ noo xu̱ꞌún ya̱ íyó chunáán nú ―nkachiꞌ Jesús.

Santiago 2:13

Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.

2 Tesalonicenses 1:9

Jee rá ñɨvɨ vá kunoꞌo nkáꞌnú ráa tu̱nóꞌó ya̱ ji̱ta ráa nɨ́ɨ́nkání, chi kusɨ́ɨ́n ráa nu̱u̱nꞌ I̱toꞌoꞌ‑ó, jín nu̱u̱nꞌ fuersáꞌ ííꞌ re̱ꞌ ya̱ viiꞌ kúñáꞌnú re̱ꞌ.

Lucas 16:26

Soo suni íyó ɨɨn numaꞌ ya̱ ntu jínu nu̱u̱nꞌ kúnú‑u ya̱ chúmáꞌñu‑u yó, saáva rá ñɨvɨ ya̱ íyó yaꞌá súka̱ꞌ kuíni ráa kua̱jiaaꞌ ráa nu̱u̱nꞌ ránoꞌó i̱ña̱ꞌ, soo ntu kúvi. Sunisaá ntu kúvi kene rá ñɨvɨ i̱ña̱ꞌ kiji ráa nu̱u̱nꞌ ránuꞌuꞌ yaꞌá ranika̱ꞌ”, nkachiꞌ Abraham.

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 10:29

’Chi, ¿á nsú u̱vi̱ꞌ rá saaꞌ yáꞌá kuáchí kuya̱ꞌvi rátíꞌ nu̱u̱nꞌ ɨɨn xu̱ꞌún ka̱a lúlí rúja?, soo ni ɨɨn rátíꞌ ntu jíꞌíꞌ jiétéꞌ nu̱u̱nꞌ ñuꞌún retú nsú maá Tátáꞌ rán Ndiosíꞌ jiáꞌayuꞌú maa.

Marcos 12:42

Jee nkenta ɨɨn ñaꞌan náꞌví láꞌví. Jee nchuꞌun‑u u̱vi̱ꞌ xu̱ꞌún lúlí ka̱a ya̱ ni ntu yɨ́yáꞌvi.

Lucas 12:58

Chi sáá kɨ̱ꞌɨ̱nꞌ nú jín ñɨvɨ kénta si̱kɨ̱ꞌ nú nu̱u̱nꞌ te̱e jiéꞌnéꞌ kua̱chi, jee ni kua̱ꞌa̱nꞌ nú jín‑i ichi, jee kuꞌun iniꞌ nú nasanáaꞌ nú jín‑i sáva ntu kɨ̱na̱ka‑a noꞌó nu̱u̱nꞌ te̱e jiéꞌnéꞌ kua̱chi, jee naku̱ꞌva te̱e jiéꞌnéꞌ kua̱chi vá noꞌó nu̱u̱nꞌ mayóríꞌ, jee tuví‑i noꞌó veka̱a.