Mateo 5:24 - Mixteco del suroeste de Tlaxiaco Oaxaca

²⁴ saájee xinóo ya̱ sókóꞌ nú nu̱u̱nꞌ téñuꞌunꞌ ráa ya̱ sókóꞌ ráa, jee kuáꞌán nakama̱ni̱ꞌ jín ñanitáꞌán nú xíꞌna ka̱ꞌ, saájee nikó nasokoꞌ nu̱u̱nꞌ Ndiosíꞌ.

Mateo 5:24 Referans Kwoze

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.

1 Timoteo 2:8

Saáva kuíni ni̱ꞌ, ya̱ kaꞌanꞌ rá te̱e jín Ndiosíꞌ né ni ví nkuvi, jee naneꞌen ráa naꞌá ráa, ya̱ ntu yɨ́ꞌɨ́ ráa jín ya̱ níváꞌa, ya̱ nkóo tu̱ꞌun kítɨ́ꞌ iniꞌ ɨɨn inka ráa, jín ya̱ nkóo tu̱ꞌun kántátúꞌun ɨɨn inka ráa.

Mateo 23:23

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, chi, ¡te̱e sansuꞌva ví rán!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ anís, jín yu̱ku̱ꞌ comino, soo ntu sáꞌá rán rá tiñu máá ñáꞌnú víꞌí ka̱ꞌ ya̱ tátúníꞌ Ndiosíꞌ, ya̱ kueꞌnu na̱a̱ꞌ rán, jín ya̱ kunáꞌví iniꞌ rán ñanitáꞌán rán, jín ya̱ kuneí iniꞌ rán Ndiosíꞌ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

1 Corintios 11:28

Saájee retú sukuán íyó, jee xíꞌna ka̱ꞌ íyó kototúníꞌ va̱ꞌa ta ɨɨn ɨɨn‑ó iniꞌ maáó retú íyó kua̱chi‑ó jee nakani iniꞌ‑ó jie̱ꞌe̱ꞌ‑e, saájee kuvi kajiꞌ rán i̱xta̱tíláꞌ vá, jee kuvi koꞌo rán ya̱ ñúꞌún iniꞌ vasúꞌ vá.

Marcos 9:50

Ya̱ váꞌa kúvi ñɨ̱ɨ̱nꞌ, soo retú nukatɨ́ ya̱ uꞌváꞌ ñɨ̱ɨ̱nꞌ, ¿ná kúvi ya̱ saꞌá‑ó sáva kuꞌu̱ꞌva̱ꞌ tuku‑u rúja? [Ntu̱náꞌ íyó kuvi sáꞌá‑ó ka̱ꞌ]. Kuvi ránú ñɨvɨ va̱ꞌa kuéntáꞌ íyó ñɨ̱ɨ̱nꞌ va̱ꞌa. Jee kuneeꞌ ñunkúún rán jín ɨɨn inka táꞌán rán ―nkachiꞌ Jesús.

Mateo 5:23

’Saáva, retú kua̱ꞌa̱nꞌ ɨɨn rán jín ya̱ násokoꞌ nú nu̱u̱nꞌ Ndiosíꞌ nu̱u̱nꞌ téñuꞌunꞌ ráa ya̱ sókóꞌ ráa nu̱u̱nꞌ Ndiosíꞌ ichinúúnꞌ veñu̱ꞌun káꞌnú, jee yukuán naku̱ꞌun iniꞌ nú ñanitáꞌán nú ya̱ íyó si̱kɨ̱ꞌ nú nu̱u̱nꞌ‑u,