Mateo 5:19 - Mixteco del suroeste de Tlaxiaco Oaxaca

¹⁹ Saáva néni ɨɨn ñɨvɨ ya̱ síjíta‑a ɨɨn tu̱ꞌun ya̱ tátúníꞌ Ndiosíꞌ sú kúvi ɨɨn tiñu máá lúlí ka̱ꞌ, jee xínéꞌénꞌ‑e rá inka ka̱ꞌ ñɨvɨ ya̱ suni sukuán sijíta ráa maa, jee Ndiosíꞌ ya̱ nééꞌ re̱ꞌ antivɨ́ súkún kachiꞌ re̱ꞌ ya̱ núun ka̱ꞌ máá lúlí ka̱ꞌ kuvi ñɨvɨ vá iniꞌ naꞌá re̱ꞌ nu̱u̱nꞌ tátúníꞌ re̱ꞌ. Soo néni ɨɨn ñɨvɨ ya̱ sáꞌá‑a ya̱ tátúníꞌ Ndiosíꞌ jín xínéꞌénꞌ‑e ya̱ inka ñɨvɨ saꞌá ráa suꞌva jee Ndiosíꞌ ya̱ nééꞌ antivɨ́ súkún kachiꞌ re̱ꞌ ya̱ kuñáꞌnú ñɨvɨ vá iniꞌ naꞌá re̱ꞌ nu̱u̱nꞌ tátúníꞌ re̱ꞌ.

Mateo 5:19 Referans Kwoze

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Mateo 11:11

Jee máá naáꞌ vá káchíꞌ ni̱ꞌ nu̱u̱nꞌ rán, ya̱ nteñu rá ñɨvɨ ñɨ̱vɨ́ ya̱ káku nu̱u̱nꞌ ñaꞌan ntu íyó ni ɨɨn ñɨvɨ ya̱ kúñáꞌnú‑u ka̱ꞌ nsú káꞌ kua̱ꞌ kúñáꞌnú Juan te̱e síkuánuté. Soo súka̱ꞌ sukuán jee ñɨvɨ yɨ́ꞌɨ́‑ɨ naꞌá Ndiosíꞌ ya̱ nééꞌ re̱ꞌ antivɨ́ súkún, jee súka̱ꞌ láꞌví ka̱ꞌ iniꞌ‑i jee núun ka̱ꞌ kúvi‑i nu̱u̱nꞌ nɨꞌɨ soo kuñáꞌnú ka̱ꞌ ñɨvɨ vá nsú káꞌ Juan.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

Apoclipsis 2:20

’Soo súka̱ꞌ sukuán íyó soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ. Chi yɨ́netuꞌ rán néꞌyá rán nu̱u̱nꞌ ɨɨn ñaꞌan naní Jezabel ya̱ káchíꞌ ña nika̱ꞌ ya̱ kúvi ña ñaꞌan ya̱ nákani ña tu̱ꞌun kéne yuꞌú Ndiosíꞌ, soo ntu̱ví. Jee xínéꞌénꞌ ña jee xínáꞌví ña rá musúꞌ ni̱ꞌ ya̱ yɨ́tíñú ráa nu̱u̱nꞌ ni̱ꞌ, sáva saꞌá téní ráa, jín ya̱ kajiꞌ ráa rá sókóꞌ ñɨvɨ nu̱u̱nꞌ rá santúꞌ ñunéꞌyúꞌ.

Romanos 6:15

Saájee, ¿ná kachiꞌ‑ó? ¿Á saꞌá‑ó ka̱ꞌ kua̱chi chi ntu ka̱ꞌ yɨ́ꞌɨ́‑ó xi̱ntíín tu̱ꞌun ley nta̱túníꞌ Ndiosíꞌ, chisaꞌ yɨ́ꞌɨ́‑ó xi̱ntíín tu̱ꞌun íyó mániꞌ iniꞌ Ndiosíꞌ néꞌyá re̱ꞌ yó, rúsa? ¡Ntu̱ví kuitɨꞌ!

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

Romanos 6:1

Saájee, ¿ná kúvi ya̱ kachiꞌ‑ó? ¿Á kunikɨnꞌ‑ó ka̱ꞌ saꞌá‑ó kua̱chi sáva kukueꞌeꞌ ka̱ꞌ ya̱ koo ma̱ni̱ꞌ iniꞌ Ndiosíꞌ kune̱ꞌyá re̱ꞌ yó, rúsa?

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.

Lucas 11:42

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ ruda, jín ntáká ka̱ꞌ rá yuveꞌ, soo ntu sáꞌá rán kuéntáꞌ kueꞌnu na̱a̱ꞌ rán nu̱u̱nꞌ Ndiosíꞌ ni ya̱ kunu̱u̱nꞌ rán Ndiosíꞌ jín ñɨvɨ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Romanos 3:8

Ntu sukuán ví‑i, sáni kákuíyuꞌú ñɨvɨ káꞌvi ni si̱kɨ̱ꞌ yó jee káchíꞌ ráa ya̱ káchíꞌ‑ó: “Saꞌá‑ó ya̱ niváꞌa sáva kiji ya̱ váꞌa.” Na̱a̱ꞌ xinóꞌo Ndiosíꞌ ráa.

Hechos 1:1

Noꞌó Teófilo, tutuꞌ xíꞌnañúꞌún ntee ni̱ꞌ ví nɨꞌɨ ya̱ nsa̱ꞌá Jesús jín ya̱ nxi̱néꞌénꞌ re̱ꞌ, ne̱ sáá nka̱jiéꞌé re̱ꞌ nxi̱néꞌénꞌ re̱ꞌ,

Lucas 9:48

Jee nkachiꞌ re̱ꞌ nu̱u̱nꞌ ráa: ―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ, suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ. Chi ɨɨn ñɨvɨ ya̱ ntu kúñáꞌnú‑u ka̱ꞌ nteñu ntáká rán, suvivá kúñáꞌnú ka̱ꞌ nu̱u̱nꞌ Ndiosíꞌ ―nkachiꞌ Jesús.

Lucas 1:15

chi ichinúúnꞌ Ndiosíꞌ kuvi re̱ꞌ ɨɨn te̱e kúñáꞌnú. Jee ni nsáꞌ koꞌo re̱ꞌ nixiꞌ nu̱xi uva ni nixiꞌ xéénꞌ, jee ne̱ kɨꞌɨ chitú Ta̱chi̱ꞌ Ííꞌ Ndiosíꞌ iniꞌ re̱ꞌ ne̱ ñúchíji nánáꞌ re̱ꞌ maáréꞌ.

Mateo 20:26

Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ ránú.

1 Juan 3:4

Jee nta̱ká ñɨvɨ ya̱ sáꞌá‑a kua̱chi, jee síjíta ráa ley ya̱ tátúníꞌ Ndiosíꞌ, chi nu̱u̱nꞌ sáꞌá‑ó kua̱chi kúvi ya̱ síjíta‑ó tu̱ꞌun ya̱ tátúníꞌ re̱ꞌ.