Mateo 5:18 - Mixteco del suroeste de Tlaxiaco Oaxaca

¹⁸ Chi maá nááꞌ nijia ví ya̱ káchíꞌ ni̱ꞌ nu̱u̱nꞌ ránoꞌó, ya̱ ni íyó súkún jín ñɨ̱vɨ́ yaꞌá ne̱ ntiáꞌan naanꞌ ráa, jee ni ɨɨn letra jín ni ɨɨn puntúꞌ níso nu̱u̱nꞌ tu̱ꞌun ley Ndiosíꞌ jee ni ntu xitá maa, nekuaꞌ kuvi nɨꞌɨ ya̱ káchíꞌ‑i.

Mateo 5:18 Referans Kwoze

Lucas 16:17

Víjí ka̱ꞌ kɨ̱naanꞌ ɨɨn letra níso nu̱u̱nꞌ tu̱ꞌun ley Ndiosíꞌ nsú káꞌ kɨ̱naanꞌ antivɨ́ jín ñɨ̱vɨ́ yaꞌá réáꞌ sukuán, chi síkúnkuvi Ndiosíꞌ nta̱ká tu̱ꞌun re̱ꞌ.

1 Pedro 1:25

Soo tu̱ꞌun I̱toꞌoꞌ‑ó kínóo íyó‑o nɨ́ɨ́nkání, káchíꞌ nu̱u̱nꞌ Tutuꞌ Ííꞌ. Jee tu̱ꞌun yaꞌá kúvi‑i tu̱ꞌun váꞌa re̱ꞌ ya̱ ya nte̱ku̱tu̱ꞌún‑u nu̱u̱nꞌ ránoꞌó.

Marcos 13:30

Máá nááꞌ vá káchíꞌ ni̱ꞌ nu̱u̱nꞌ rán ya̱ nsáꞌ ji̱nu rá ñɨvɨ yaꞌá ne̱ kuvi nɨꞌɨ rá tiñu ya̱ nkachiꞌ ni̱ꞌ.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Mateo 17:20

Jee nkachiꞌ Jesús nu̱u̱nꞌ ráa: ―Ntu nkúvi tavaꞌ rán maa jie̱ꞌe̱ꞌ matíꞌínꞌ kúneí iniꞌ rán Ndiosíꞌ. Chi máá naáꞌ vá káchíꞌ ni̱ꞌ nu̱u̱nꞌ rán, ya̱ retánꞌ kúneí iniꞌ rán Ndiosíꞌ, sú máá lúlí nijia kua̱ꞌ kuéntáꞌ íyó ɨɨn nikɨn lúlí yutun kúlíꞌ, yukuán jee kachiꞌ rán nu̱u̱nꞌ ɨɨn yuku yaꞌá: “Kuiyo nu̱u̱nꞌ íñɨ́ nú yaꞌá, jee kuáꞌán kuiñɨ nu̱u̱nꞌ yukuán”, jee kuiyo‑o, jee ntu íyó ɨɨn tiñu víjí ya̱ nkúvi saꞌá rán.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Mateo 13:17

Chi máá naáꞌ ví ya̱ káchíꞌ ni̱ꞌ nu̱u̱nꞌ rán, ya̱ kue̱ꞌe̱ꞌ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ yanaꞌán, jín suni rá ñɨvɨ na̱a̱ꞌ, nñu̱ꞌun iniꞌ ráa kune̱ꞌyá ráa rá tiñu ya̱ néꞌyá ránoꞌó vitan, soo ntu níníꞌ ráa maa. Jee nñu̱ꞌun iniꞌ ráa teso̱ꞌo ráa rá tu̱ꞌun ya̱ tésóꞌo ránoꞌó vitan, soo ntu̱ví ntésóꞌo ráa maa.

Mateo 10:23

’Jee retú koto u̱ꞌvi̱ꞌ ráa ránoꞌó nu̱u̱nꞌ ɨɨn ñuunꞌ, jee kenekunu rán kɨ̱ꞌɨ̱nꞌ rán nu̱u̱nꞌ inka ñuunꞌ. Chi máá naáꞌ vá káchíꞌ ni̱ꞌ nu̱u̱nꞌ rán ya̱ nsáꞌ kuneí rán kɨ̱ꞌɨ̱nꞌ rán nu̱u̱nꞌ ntáká rá ñuunꞌ yɨ́ꞌɨ́ xi̱ntíín Israel ne̱ ntiáꞌan ka̱ꞌ nenta ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 6:2

Jee saáva sáá jiáꞌa nú karidáꞌ nu̱u̱nꞌ ñɨvɨ jíniñúꞌún maa jee koto káchítu̱ꞌún nijinꞌ nú ya̱ sáꞌá nú sukuán kuéntáꞌ tivɨꞌ trompeta, kuéntáꞌ kua̱ꞌ sáꞌá rá ñɨvɨ íyó sansuꞌva iniꞌ rá veꞌi sinagoga áxí iniꞌ ichi. Sukuán sáꞌá ráa sáva nakuetúꞌún rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa [jee nsú ta̱ꞌvi̱ꞌ naku̱ꞌva Ndiosíꞌ].

Mateo 5:26

Jee máá naáꞌ vá káchíꞌ ni̱ꞌ nu̱u̱nꞌ nú, ya̱ ni nsáꞌ kene nú yukuán nekuaꞌ nachunáán nú kua̱nɨꞌɨ noo xu̱ꞌún ya̱ íyó chunáán nú.

Juan 21:18

Máá nááꞌ vá káchíꞌ ni̱ꞌ nu̱u̱nꞌ nú ya̱ sáá súchí nú ka̱ꞌ, jee nákúꞌun maánú saꞌma nú jee kua̱ꞌa̱nꞌ nú nu̱u̱nꞌ kuíni maánú. Soo sáá kujííꞌ nú jee sikáa nú naꞌá nú jee nachuꞌun inka ñɨvɨ saꞌma noꞌó, jee kɨ̱na̱ka ráa noꞌó nu̱u̱nꞌ ntu̱ví kuini nú kɨ̱ꞌɨ̱nꞌ nú.

Juan 16:23

Jee ki̱vɨ̱ꞌ yukuán jee ntu̱náꞌ ka̱ka̱tu̱ꞌún rán ka̱ꞌ nuꞌuꞌ. Máá nááꞌ vá káchíꞌ ni̱ꞌ nu̱u̱nꞌ rán ya̱ nu̱u̱nꞌ maá Tátáꞌ ni̱ꞌ ka̱ka̱nꞌ rán néni ɨɨn tiñu nu̱u̱nꞌ súví nuꞌuꞌ, jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee taji re̱ꞌ maa nu̱u̱nꞌ rán.

Juan 16:20

Máá nááꞌ vá káchíꞌ ni̱ꞌ nu̱u̱nꞌ rán, ya̱ kunaꞌyuꞌ rán jee nukuéká iniꞌ rán, soo rá ñɨvɨ ñɨ̱vɨ́ chisaꞌ kusɨ̱ɨ̱ꞌ iniꞌ ráa. Soo súka̱ꞌ kukuéká iniꞌ rán, jee tu̱nkuéká iniꞌ rán vá nuvi‑i tu̱ꞌun sɨ́ɨ́ꞌ iniꞌ rán.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Juan 13:38

Jee nna̱xiníkó Jesús: ―¿Á nijia nú ya̱ íyó túꞌva nú kuviꞌ nú jie̱ꞌe̱ꞌ nuꞌuꞌ? Chi máá naáꞌ vá káchíꞌ ni̱ꞌ nu̱u̱nꞌ nú ya̱ ne̱ ntiáꞌan ka̱ꞌ kana stóꞌo jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Juan 13:16

Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ya̱ kúvi musúꞌ ntu̱ví kúñáꞌnú‑u ka̱ꞌ nu̱u̱nꞌ ñɨvɨ ya̱ kúvi i̱toꞌoꞌ‑o. Jee ñɨvɨ ya̱ jíka jín tiñu sáꞌá re̱ꞌ ya̱ njia̱ꞌa inka ñɨvɨ tiñu vá nu̱u̱nꞌ re̱ꞌ, jee ntu̱ví kúñáꞌnú ka̱ꞌ ñɨvɨ vá nu̱u̱nꞌ ñɨvɨ ya̱ nchu̱ichí‑i maa jín tiñu vá.

Juan 12:24

Máá nááꞌ nijia vá káchíꞌ ni̱ꞌ nu̱u̱nꞌ rán ya̱ kuéntáꞌ retú ɨɨn nikɨn trigúꞌ, jee retánꞌ nsáꞌ jiétéꞌ nikɨn vá nu̱u̱nꞌ ñuꞌun kuéntáꞌ ɨɨn ni̱yɨ, saájee métúꞌún‑u ni koo. Soo retú yɨ́ꞌɨ́ nikɨn vá chi̱ji ñuꞌun kuéntáꞌ ɨɨn ni̱yɨ, jee nukueꞌeꞌ nasɨ́kuitɨꞌ tataꞌ sáꞌá‑a.

Juan 10:7

Saájee tukuni nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ nuꞌuꞌ kúvi ni̱ꞌ kuéntáꞌ yuvéꞌí kuráꞌ nu̱u̱nꞌ nene nívɨ rá lanchi.

Juan 10:1

Jee nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ retú ɨɨn te̱e jee ntu̱ví kívɨ re̱ꞌ nu̱u̱nꞌ kúvi yuvéꞌí ɨɨn kuráꞌ rá lanchi, chisaꞌ inka ichi nu̱u̱nꞌ kúvi i̱ka̱ꞌ kuráꞌ nava re̱ꞌ ki̱vɨ re̱ꞌ, jee te̱e vá te̱e kuíꞌná kúvi re̱ꞌ.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Juan 8:51

Máá nááꞌ vá káchíꞌ ni̱ꞌ nu̱u̱nꞌ rán, ya̱ retú néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni nsáꞌ kuviꞌ ánímaꞌ‑a chi koo‑o jín Ndiosíꞌ nɨ́ɨ́nkání ―nkachiꞌ Jesús.

Juan 8:34

Jee nna̱xiníkó Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ ránoꞌó, ya̱ nta̱ká rá ñɨvɨ ya̱ saꞌá kua̱chi, jee yɨ́ꞌɨ́ ráa xi̱ntíín kua̱chi kuéntáꞌ ɨɨn musúꞌ kéꞌen ñɨvɨ.

Juan 6:53

Saáva nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Retú nsáꞌ kajiꞌ rán yɨkɨkúñu ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee retú nsáꞌ koꞌo rán ni̱ñɨ̱ꞌ ni̱ꞌ, jee nsáꞌ ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ.

Juan 6:47

Jee máá naáꞌ vá káchíꞌ ni̱ꞌ nu̱u̱nꞌ rán: Ñɨvɨ ya̱ kúneí iniꞌ nuꞌuꞌ jee ya̱ níꞌínꞌ‑i ya̱ tékúꞌ‑u nɨ́ɨ́nkání Ndiosíꞌ.

Juan 6:32

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nsú Moisés ví ya̱ ntaji nu̱u̱nꞌ ránoꞌó máá i̱xta̱tíláꞌ ya̱ nkikuun antivɨ́, chisaꞌ máá Tátáꞌ ni̱ꞌ jiáꞌa máá maá i̱xta̱tíláꞌ nijia ya̱ nkikuun antivɨ́.

Juan 6:26

Jee nna̱xiníkó Jesús nu̱u̱nꞌ ráa jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ nánukú rán nuꞌuꞌ nsú jie̱ꞌe̱ꞌ ya̱ niniꞌ rán rá seña a̱nasɨ́ nsa̱ꞌá ni̱ꞌ, chisaꞌ jie̱ꞌe̱ꞌ ya̱ nyajiꞌ rán i̱xta̱tíláꞌ ne̱ nnaꞌaꞌ iniꞌ rán.

Juan 3:11

Máá na̱a̱ꞌ vá káchíꞌ ni̱ꞌ nu̱u̱nꞌ nú ya̱ káꞌánꞌ ráníꞌ jie̱ꞌe̱ꞌ ya̱ jíníꞌ ránꞌ jee jiáꞌa ránꞌ ya̱ naáꞌ jie̱ꞌe̱ꞌ ya̱ niniꞌ ránꞌ jínúunꞌ ránꞌ. Soo ntu tɨ́ɨn rán rá tu̱ꞌun na̱a̱ꞌ káchíꞌ ránꞌ.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

Juan 3:3

Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ nu̱u̱nꞌ Ndiosíꞌ, jee ni̱ꞌ nsáꞌ kúvi kuniꞌ‑i na̱ kúvi ya̱ kɨꞌɨ‑ɨ naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑u ―nkachiꞌ Jesús.

Juan 1:51

Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ kuniꞌ nú kunune antivɨ́ ne̱ nu̱u̱nꞌ nééꞌ Ndiosíꞌ, jee kuniꞌ rán rá najiáꞌáꞌ ííꞌ Ndiosíꞌ náa núun ráa kiji ráa nu̱u̱nꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Lucas 23:43

Saájee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ ne̱ vitan kuneeꞌ nú jín nuꞌuꞌ ne̱ nu̱u̱nꞌ viiꞌ víꞌí íyó antivɨ́ súkún nu̱u̱nꞌ nééꞌ Ndiosíꞌ ―nkachiꞌ Jesús.

Lucas 18:29

Jee nkachiꞌ Jesús nu̱u̱nꞌ rá ñɨvɨ yukuán: ―Máá nááꞌ nijia vá káchíꞌ ni̱ꞌ nu̱u̱nꞌ rán ya̱ néni ɨɨn ñɨvɨ xinóo‑o veꞌi áxí ñasɨ́ꞌɨ́‑ɨ áxí rá ñaniꞌ‑i áxí ku̱ꞌvi̱ꞌ‑i áxí rá sɨꞌɨ́‑ɨ, áxí rá se̱ꞌya‑a jie̱ꞌe̱ꞌ ya̱ ki̱vɨ‑ɨ xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u,

Lucas 18:17

Jee máá naáꞌ vá káchíꞌ ni̱ꞌ nu̱u̱nꞌ rán, néni ɨɨn ñɨvɨ ya̱ ntu jiáꞌayuꞌú‑u ya̱ tátúníꞌ Ndiosíꞌ nu̱u̱nꞌ‑u, kuéntáꞌ jiáꞌayuꞌú ɨɨn su̱chí lúlí yaꞌá, ni nkúvi ki̱vɨ ráa naꞌá Ndiosíꞌ ―nkachiꞌ Jesús.

Lucas 13:35

Kuniꞌ rán, chi xinóo Ndiosíꞌ noꞌó jín rá se̱ꞌya ñuunꞌ nú. Chi káchíꞌ ni̱ꞌ nu̱u̱nꞌ rán ya̱ ni nsáꞌ kuniꞌ rán ka̱ꞌ nuꞌuꞌ nekuaꞌ kenta tiempúꞌ ya̱ kachiꞌ rán: “Na̱ ka̱ꞌ netuꞌ ka̱ꞌ kúvi maáréꞌ ya̱ va̱ji‑i jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ”, kachiꞌ rán ―nkachiꞌ Jesús.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 11:51

jín ne̱ sáá ñaꞌniꞌ ɨɨn ñɨvɨ Abel jín ne̱ sáá ñaꞌniꞌ rá ñɨvɨ Zacarías, ya̱ ñaꞌniꞌ ráa maa nteñu altar jín veñu̱ꞌun káꞌnú i̱i̱ꞌ, jee káchíꞌ ni̱ꞌ nu̱u̱nꞌ ránoꞌó ya̱ nakuniꞌi rá kua̱chi vá si̱kɨ̱ꞌ rá ñɨvɨ vitan kunoꞌo ráa.

Marcos 14:30

Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱: Yakuááꞌ vitan, nikɨ́n ne̱ ntiáꞌan ka̱ꞌ kana stóꞌo ya̱ uvíꞌ íchí, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ‑u.

Marcos 14:25

Máá na̱a̱ꞌ káchíꞌ ni̱ꞌ nu̱u̱nꞌ rán ya̱ ni nsáꞌ koꞌo ni̱ꞌ ka̱ꞌ nixiꞌ ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa, sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Marcos 14:18

Sáá nééꞌ ráa nu̱u̱nꞌ mesa, yájíꞌ ráa, jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ránoꞌó vá naku̱ꞌva‑a nuꞌuꞌ nu̱u̱nꞌ rá te̱e kua̱chi. Ɨɨn ya̱ nééꞌ yájíꞌ nkáꞌnú jín ni̱ꞌ ví‑i ―nkachiꞌ Jesús.

Marcos 14:9

Jee máá na̱a̱ꞌ vá káchíꞌ ni̱ꞌ nu̱u̱nꞌ rán, ya̱ né ni ví nkuvi nu̱u̱nꞌ stekútu̱ꞌún ráa tu̱ꞌun váꞌa jie̱ꞌe̱ꞌ nuꞌuꞌ kua̱íyó nɨꞌɨ ñɨ̱vɨ́, jee suni nakani ráa ya̱ nsa̱ꞌá ña, sáva naku̱ꞌun iniꞌ rá ñɨvɨ ña ―nkachiꞌ Jesús nu̱u̱nꞌ ráa.

Marcos 12:43

Saájee Jesús nkana ni uxúꞌ u̱vi̱ꞌ (12) rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán ya̱ ñaꞌan náꞌví láꞌví yaꞌá ví ya̱ nchuꞌun‑u ka̱ꞌ xu̱ꞌún nsú káꞌ nɨꞌɨ rá ñɨvɨ chúꞌun xu̱ꞌún iniꞌ ya̱tu̱nꞌ.

Marcos 11:23

Máá nááꞌ vá káchíꞌ ni̱ꞌ, ya̱ néni ɨɨn ñɨvɨ ya̱ kachiꞌ nu̱u̱nꞌ yúkú yaꞌá: “Kuiyo jee sukuíkó maánú nu̱u̱nꞌ nteñúꞌún.” Retú ntu íyó tu̱ꞌun síjiáni iniꞌ ánímaꞌ ñɨvɨ vá, soo ínúꞌ iniꞌ‑i ya̱ kuvi ya̱ káchíꞌ‑i, jee sikúnkuvi Ndiosíꞌ maa.

Marcos 10:29

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ néni ɨɨn ñɨvɨ xinóo‑o rá veꞌi‑i áxí rá ñaniꞌ‑i áxí rá ku̱ꞌva‑a áxí rá ku̱ꞌvi̱ꞌ‑i áxí nánáꞌ‑a áxí tátáꞌ‑a [áxí ñasɨ́ꞌɨ́‑ɨ] áxí rá se̱ꞌya‑a áxí ñuꞌun‑u, jie̱ꞌe̱ꞌ yɨ́tíñú‑u nu̱u̱nꞌ nuꞌuꞌ jín jie̱ꞌe̱ꞌ tu̱ꞌun váꞌa Ndiosíꞌ,

Marcos 10:15

Máá nááꞌ vá káchíꞌ ni̱ꞌ nu̱u̱nꞌ rán, néni ɨɨn ñɨvɨ ya̱ ntu jiáꞌayuꞌú‑u ya̱ tátúníꞌ Ndiosíꞌ nu̱u̱nꞌ‑u, kuéntáꞌ jiáꞌayuꞌú ɨɨn su̱chí lúlí yaꞌá, ni nkúvi ki̱vɨ ráa naꞌá Ndiosíꞌ ―nkachiꞌ Jesús.

Marcos 9:41

Chi néni ɨɨn ñɨvɨ ya̱ taji vasúꞌ nute koꞌo rán nu̱u̱nꞌ súví nuꞌuꞌ, chi yɨ́ꞌɨ́ rán nu̱u̱nꞌ ni̱ꞌ, ya̱ kúvi ni̱ꞌ Cristo, máá na̱a̱ꞌ vá káchíꞌ ni̱ꞌ, ya̱ ni nsáꞌ súkuíta ñɨvɨ vá ta̱ꞌvi̱ꞌ ku̱ꞌva Ndiosíꞌ nu̱u̱nꞌ‑u.

Marcos 9:1

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sava rá ñɨvɨ íñɨ́ yaꞌá, ni nsáꞌ kuviꞌ ráa, ne̱ kuniꞌ ráa kiji tiñu ñáꞌnú níso Ndiosíꞌ ya̱ tatúníꞌ re̱ꞌ jín fuersáꞌ ííꞌ níso re̱ꞌ.

Marcos 8:12

Ne̱ naꞌán nkeꞌen Jesús kue̱ka̱ꞌ jee nkachiꞌ‑i: ―¿Na̱kui chi jíkánꞌ rá ñɨvɨ tiempúꞌ vitan, ya̱ stúvi ni̱ꞌ ɨɨn seña a̱nasɨ́ rúja? Máá nááꞌ vá káchíꞌ ni̱ꞌ nu̱u̱nꞌ rán, ya̱ ni ɨɨn seña a̱nasɨ́ ntu̱náꞌ ku̱ꞌva ni̱ꞌ nu̱u̱nꞌ ráa.

Marcos 6:11

Jee retú ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, jee sáá kene rán yukuán, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa. Máá nááꞌ vá káchíꞌ ni̱ꞌ nu̱u̱nꞌ rán, ya̱ ki̱vɨ̱ꞌ keꞌneꞌ Ndiosíꞌ kua̱chi ñɨ̱vɨ́, súka̱ꞌ xinóꞌo víꞌí Ndiosíꞌ rá ñɨvɨ rá ñuunꞌ Sodoma jín Gomorra, soo másúꞌ ka̱ꞌ xinóꞌo re̱ꞌ ráa nsú káꞌ xinóꞌo re̱ꞌ rá ñɨvɨ rá ñuunꞌ vá ya̱ ntu tésóꞌo tu̱ꞌun kachiꞌ ránú ―nkachiꞌ Jesús nu̱u̱nꞌ ráa.

Marcos 3:28

’Máá nááꞌ vá káchíꞌ ni̱ꞌ nu̱u̱nꞌ rán, ya̱ Ndiosíꞌ kunekáꞌnú iniꞌ re̱ꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín néni ɨɨn tu̱ꞌun níváꞌa káꞌánꞌ ñɨvɨ si̱kɨ̱ꞌ Ndiosíꞌ.

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 25:12

’Soo nna̱xiníkó re̱ꞌ nu̱u̱nꞌ ráa, jee nkachiꞌ re̱ꞌ: “Maa nááꞌ vá káchíꞌ ni̱ꞌ nu̱u̱nꞌ rán ya̱ ntu jíníꞌ ni̱ꞌ ránoꞌó”, nkachiꞌ re̱ꞌ nu̱u̱nꞌ ráa.

Mateo 24:47

Jee máá naáꞌ vá káchíꞌ ni̱ꞌ nu̱u̱nꞌ rán, ya̱ i̱toꞌoꞌ musúꞌ vá kani re̱ꞌ maa kuneen kuéntáꞌ‑a kua̱íyó rá nantíñú kúmí re̱ꞌ.

Mateo 24:2

Soo nna̱xiníkó Jesús, jee nkachiꞌ re̱ꞌ nu̱u̱nꞌ ráa: ―¿Á néꞌyá rán nɨꞌɨ yaꞌá? Jee máá naáꞌ vá káchíꞌ ni̱ꞌ nu̱u̱nꞌ rán, ya̱ ni nsáꞌ kino̱o ka̱ꞌ ni ɨɨn yu̱u̱ꞌ kosoꞌ ta̱ꞌán nu̱u̱nꞌ inka yu̱u̱ꞌ, chi nɨꞌɨ yaꞌá ta̱nɨ̱ꞌ ―nkachiꞌ Jesús nu̱u̱nꞌ ráa.

Mateo 23:36

Máá nááꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ rá kua̱chi yaꞌá kiji si̱kɨ̱ꞌ rá ñɨvɨ íyó vitan xinóꞌo Ndiosíꞌ ránoꞌó.

Mateo 21:31

¿Né ɨɨn ni núvíꞌ rá se̱ꞌya te̱e vá nsi̱kúnkuvi‑i tiñu kuíni tátáꞌ ráa? ―nkachiꞌ Jesús. Jee nna̱xiníkó rá te̱e vá: ―Se̱ꞌya xíꞌnañúꞌún re̱ꞌ ―nkachiꞌ ráa. Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ rá te̱e nákeꞌen xu̱ꞌún ya̱ chúnáán rá ñɨvɨ ya̱ náneeꞌ Roma jín rá ñaꞌan sɨ̱ɨ̱ꞌ iniꞌ ya̱ xíkó ráa maáráa nu̱u̱nꞌ rá te̱e, jee xíꞌna ráa ka̱ꞌ kosoꞌ nu̱u̱nꞌ ki̱vɨ ráa xi̱ntíín Ndiosíꞌ sáva tatúníꞌ re̱ꞌ nu̱u̱nꞌ ráa, nsú káꞌ ránoꞌó.

Mateo 21:21

Jee nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú kúneí iniꞌ rán Ndiosíꞌ, jee koto íyó tu̱nkáꞌvi iniꞌ ánímaꞌ rán, jee kuvi sáꞌá rán tiñu a̱nasɨ́ kua̱ꞌ nsa̱ꞌá ni̱ꞌ yaꞌá, jee nsú kua̱chi sukuán, chisaꞌ suni kuvi kachiꞌ rán nu̱u̱nꞌ yuku yaꞌá: “Kuiyo jee sukuíkó maánú nu̱u̱nꞌ nteñúꞌún”, jee kuvi nijia sukuán.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 19:23

Saájee nkachiꞌ Jesús nu̱u̱nꞌ rá te̱e súkuáꞌa re̱ꞌ vá: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ víjí vá ki̱vɨ ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u ne̱ antivɨ́ súkún.

Mateo 18:18

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ néni ɨɨn ñɨvɨ ya̱ sáꞌá kutú rán maa sánáaꞌ rán iniꞌ ñɨ̱vɨ́ yaꞌá ya̱ íyó síkɨꞌ‑ɨ jie̱ꞌe̱ꞌ rá tiñu níváꞌa sáꞌá‑a, jee suni sukuán saꞌá Ndiosíꞌ jín‑i nu̱u̱nꞌ nééꞌ re̱ꞌ antivɨ́ súkún, jee néni ɨɨn ñɨvɨ ya̱ kuéntáꞌ nánají rán maa nakama̱ni̱ꞌ rán iniꞌ ñɨ̱vɨ́ yaꞌá jín ñanitáꞌán rán ya̱ nakani iniꞌ‑i jie̱ꞌe̱ꞌ tiñu niváꞌa nsa̱ꞌá‑a, jee suni sukuán sáꞌá Ndiosíꞌ jín‑i nu̱u̱nꞌ nééꞌ re̱ꞌ antivɨ́ súkún.

Mateo 18:3

Jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú ntu nákani iniꞌ rán jee ntu sáꞌá rán maárán kuéntáꞌ rá su̱chí lúlí ya̱ ñúꞌún láꞌví iniꞌ ráa, jee nsáꞌ ki̱vɨ rán naꞌá Ndiosíꞌ tátúníꞌ re̱ꞌ nu̱u̱nꞌ rán.

Mateo 11:11

Jee máá naáꞌ vá káchíꞌ ni̱ꞌ nu̱u̱nꞌ rán, ya̱ nteñu rá ñɨvɨ ñɨ̱vɨ́ ya̱ káku nu̱u̱nꞌ ñaꞌan ntu íyó ni ɨɨn ñɨvɨ ya̱ kúñáꞌnú‑u ka̱ꞌ nsú káꞌ kua̱ꞌ kúñáꞌnú Juan te̱e síkuánuté. Soo súka̱ꞌ sukuán jee ñɨvɨ yɨ́ꞌɨ́‑ɨ naꞌá Ndiosíꞌ ya̱ nééꞌ re̱ꞌ antivɨ́ súkún, jee súka̱ꞌ láꞌví ka̱ꞌ iniꞌ‑i jee núun ka̱ꞌ kúvi‑i nu̱u̱nꞌ nɨꞌɨ soo kuñáꞌnú ka̱ꞌ ñɨvɨ vá nsú káꞌ Juan.

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Mateo 6:16

’Jee sáá nééꞌ niteꞌ rán sáá néñu̱ꞌun rán Ndiosíꞌ, jee koto sáꞌá xií rán, kuéntáꞌ sáꞌá rá ñɨvɨ íyó sansuꞌva, chi nínta xií nu̱u̱nꞌ ráa sáva stúvi ráa nu̱u̱nꞌ rá ñɨvɨ ya̱ nééꞌ niteꞌ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, [jee nsú ta̱ꞌvi̱ꞌ jiáꞌa Ndiosíꞌ].

Lucas 4:24

Jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ ni ɨɨn te̱e ya̱ nákani re̱ꞌ tu̱ꞌun kéne yuꞌú máá maá Ndiosíꞌ, ni ntu nákuatáꞌví rá ñɨvɨ ñuunꞌ maáréꞌ nu̱u̱nꞌ re̱ꞌ.