Mateo 5:15 - Mixteco del suroeste de Tlaxiaco Oaxaca

¹⁵ Jee suni ntu nátee ñɨvɨ ñuꞌunꞌ ɨɨn kantil jee túví‑i vá chi̱ji ɨɨn ñenkóꞌó, chisaꞌ chísó súkún‑u vá, sáva kutuunꞌ‑u nu̱u̱nꞌ nɨꞌɨ rá ñɨvɨ nééꞌ iniꞌ veꞌi.

Mateo 5:15 Referans Kwoze

Marcos 4:21

Jee suni nkachiꞌ‑i nu̱u̱nꞌ ráa: ―¿Á nsáꞌ va̱ji ráa jín ɨɨn kantil, sáva tuví ráa maa chi̱ji ɨɨn ñenkóꞌó áxí chi̱ji ɨɨn i̱to rúja? Soo ntu̱ví. Chisaꞌ chísó súkún ráa maa rúja.

Lucas 11:33

’Ni ɨɨn ñɨvɨ ntu nátee ñuꞌunꞌ, jee chíyuꞌuꞌ‑u vá, ni ntu túví‑i vá chi̱ji ɨɨn ñenkóꞌó, chisaꞌ chísó súkún‑u vá, sáva stúúnꞌ‑u iniꞌ veꞌi jee rá ñɨvɨ kívɨ iniꞌ veꞌi kuvi kune̱ꞌyá ráa ñuꞌunꞌ vá.

Lucas 8:16

’Ni ɨɨn ñɨvɨ ntu tée ñuꞌunꞌ ɨɨn kantil jee jiásɨ́ꞌ‑ɨ nu̱u̱nꞌ vá jín ɨɨn ñenkóꞌó áxí túví‑i vá chi̱ji ɨɨn i̱to, chisaꞌ chísó súkún‑u vá, sáva stúúnꞌ‑u iniꞌ veꞌi jee rá ñɨvɨ kívɨ iniꞌ veꞌi kuvi kune̱ꞌyá ráa ñuꞌunꞌ vá.

Lucas 11:36

Jee saáva, retú ñúꞌún tu̱ꞌun váꞌa ni̱ꞌ iniꞌ ánímaꞌ rán, kuéntáꞌ túúnꞌ nuva ñuꞌunꞌ nu̱u̱nꞌ nɨꞌɨ iniꞌ nú, jee ntu̱náꞌ íyó neenꞌ iniꞌ ánímaꞌ nú, chi túúnꞌ tu̱ꞌun vá nɨꞌɨ iniꞌ nú, kuéntáꞌ stúúnꞌ nuva ñuꞌunꞌ nu̱u̱nꞌ nú ―nkachiꞌ Jesús

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

Hebreos 9:2

Chi nsa̱ꞌá stákoo veꞌi ííꞌ saꞌma suꞌva: iniꞌ veꞌi xíꞌnañúꞌún, naní Nu̱u̱nꞌ Ííꞌ, jee yukuán ni̱ñɨ kantilerúꞌ jín mesa, nu̱u̱nꞌ yósóꞌ i̱xta̱tíláꞌ ííꞌ.

Apoclipsis 2:5

Saáva íyó naku̱ꞌun iniꞌ rán ya̱ ntántúníꞌ ñúnúunꞌ víꞌí rán nékúvi soo nkininkava rán ya̱ ntu ñúnúunꞌ rán ka̱ꞌ kua̱ꞌ nékúvi. Íyó nakani iniꞌ rán jee saꞌá rán tiñu sánikua̱ꞌ nsa̱ꞌá rán ya̱ ñúnúunꞌ víꞌí rán ne̱ rá tiempúꞌ va̱ji ya̱ta̱ꞌ sáá nka̱jiéꞌé ni̱nu̱ꞌ iniꞌ rán xíꞌnañúꞌún. Chi retú ntu̱ví, jee kenta ni̱ꞌ jee siíyo ni̱ꞌ kantilerúꞌ ránoꞌó sáva nsáꞌ kuvi rán grupo ni̱ꞌ ka̱ꞌ.