Mateo 5:14 - Mixteco del suroeste de Tlaxiaco Oaxaca

¹⁴ ’Jee suni sukuán kúvi rán kuéntáꞌ nuva ñuꞌunꞌ túúnꞌ nu̱u̱nꞌ rá ñɨvɨ íyó ñɨ̱vɨ́ yaꞌá jie̱ꞌe̱ꞌ jiáꞌnu na̱a̱ꞌ va̱ꞌa rán. Jín suni kuéntáꞌ ɨɨn ñuunꞌ káꞌnú káá ne̱ xi̱ni̱ꞌ ɨɨn yuku, ya̱ ntu kúvi kɨse̱ꞌí‑i.

Mateo 5:14 Referans Kwoze

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

1 Tesalonicenses 5:5

Chi yɨ́ꞌɨ́ rán nu̱u̱nꞌ Cristo, jee nátuunꞌ nuva re̱ꞌ nu̱u̱nꞌ ránoꞌó. Saáva káchíꞌ‑ó ya̱ kúvi ránoꞌó se̱ꞌya nuva ñuꞌunꞌ jín se̱ꞌya nuví, jee ntu kúvi‑ó se̱ꞌya ñu̱neenꞌ ni se̱ꞌya yakuááꞌ.

Juan 12:36

Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

2 Corintios 6:14

Koto síkánitáꞌán rán maárán jín rá ñɨvɨ ya̱ ntu ínúꞌ iniꞌ ráa Cristo sáva kueꞌnu rán sáni ya̱ ntu kunuún iniꞌ jín Tu̱ꞌun Ndiosíꞌ, chi sukuán kúvi kuéntáꞌ néta̱ꞌán sɨ́ɨ́n sɨ́ɨ́n nu̱u̱nꞌ u̱vi̱ꞌ kitɨ ɨɨn yugúꞌ. ¿Soo na̱sa kúvi kanitáꞌán rá ñɨvɨ kínóo na̱a̱ꞌ nu̱u̱nꞌ Ndiosíꞌ jín rá ñɨvɨ ntu kínóo na̱a̱ꞌ ráa nu̱u̱nꞌ re̱ꞌ rúja? Jee, ¿na̱sa kanitáꞌán ñuꞌunꞌ jín ya̱ neenꞌ rúja?

Juan 5:35

Juan jee nkuvi re̱ꞌ kuéntáꞌ ɨɨn kantil ya̱ ntɨɨn ñuꞌunꞌ jee nstu̱únꞌ‑u, chi njia̱ꞌa re̱ꞌ ya̱ naáꞌ jie̱ꞌe̱ꞌ Tu̱ꞌun Ndiosíꞌ. Jee ránoꞌó chi nku̱sɨ̱ɨ̱ꞌ iniꞌ rán nsa̱ꞌá ñuꞌunꞌ vá yakuꞌ tiempúꞌ.

Apoclipsis 1:20

Vitan jee stúvi ni̱ꞌ ntáká rá tu̱ꞌun ñúyuꞌuꞌ iniꞌ ni̱ꞌ, ná kúníꞌ kachiꞌ jie̱ꞌe̱ꞌ ni uxáꞌ rá tiu̱u̱nꞌ ya̱ niniꞌ nú ya̱ ínaꞌá ni̱ꞌ ichi naꞌá kuáꞌá ni̱ꞌ, jín jie̱ꞌe̱ꞌ ni uxáꞌ rá kantilerúꞌ oro: ni uxáꞌ rá tiu̱u̱nꞌ vá kúvi‑i ni uxáꞌ rá kúñáꞌnú ya̱ néen kuéntáꞌ ráa ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ni uxáꞌ rá kantilerúꞌ vá kúvi‑i ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.

Juan 9:5

Chi ni nééꞌ ni̱ꞌ nu̱u̱nꞌ ñɨ̱vɨ́ yaꞌá, jee ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ nstúúnꞌ ni̱ꞌ iniꞌ ánímaꞌ ráa ―nkachiꞌ Jesús.

Apoclipsis 2:5

Saáva íyó naku̱ꞌun iniꞌ rán ya̱ ntántúníꞌ ñúnúunꞌ víꞌí rán nékúvi soo nkininkava rán ya̱ ntu ñúnúunꞌ rán ka̱ꞌ kua̱ꞌ nékúvi. Íyó nakani iniꞌ rán jee saꞌá rán tiñu sánikua̱ꞌ nsa̱ꞌá rán ya̱ ñúnúunꞌ víꞌí rán ne̱ rá tiempúꞌ va̱ji ya̱ta̱ꞌ sáá nka̱jiéꞌé ni̱nu̱ꞌ iniꞌ rán xíꞌnañúꞌún. Chi retú ntu̱ví, jee kenta ni̱ꞌ jee siíyo ni̱ꞌ kantilerúꞌ ránoꞌó sáva nsáꞌ kuvi rán grupo ni̱ꞌ ka̱ꞌ.