Mateo 5:10 - Mixteco del suroeste de Tlaxiaco Oaxaca

¹⁰ Na̱ ka̱ꞌ netuꞌ ka̱ꞌ kúvi rá ñɨvɨ ya̱ nóꞌo ya̱ jíto u̱ꞌvi̱ꞌ ñɨvɨ ráa, jie̱ꞌe̱ꞌ jiáꞌnu na̱a̱ꞌ ráa sáni kuíni Ndiosíꞌ, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ ráa.

Mateo 5:10 Referans Kwoze

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

Mateo 5:3

Na̱ ka̱ꞌ netuꞌ ka̱ꞌ kúvi rá ñɨvɨ ñúꞌún láꞌví iniꞌ ánímaꞌ ráa ichinúúnꞌ Ndiosíꞌ, ya̱ jíníꞌ ráa ya̱ jíniñúꞌún ráa chineí Ndiosíꞌ ráa, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ.

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Filipenses 1:28

Jee suni ya̱ ntu yúꞌví rán rá ñɨvɨ nuni̱ꞌin nu̱u̱nꞌ ránoꞌó. Yaꞌá kúvi ɨɨn seña, ya̱ stúvi ya̱ sukuíta ráa maáráa, jee suꞌva stúvi‑i ya̱ sikáku Ndiosíꞌ ránoꞌó nanitáꞌvíꞌ rán ya̱ va̱ji‑i ne̱ nu̱u̱nꞌ Ndiosíꞌ.

Lucas 21:12

’Soo xíꞌna ka̱ꞌ ne̱ ntiáꞌan koo nta̱ká rá yaꞌá, jee tɨɨn rá ñɨvɨ ránoꞌó jee koto u̱ꞌvi̱ꞌ ráa ránoꞌó. Jee kɨ̱na̱ka ráa ránoꞌó nu̱u̱nꞌ rá te̱e kúñáꞌnú iniꞌ rá veꞌi sinagoga nu̱u̱nꞌ kútútú rá ñɨvɨ Israel koto u̱ꞌvi̱ꞌ ráa ránoꞌó, jee kɨ̱chiꞌi ráa ránó iniꞌ rá veka̱a. Jee kɨ̱na̱ka ráa ránó nu̱u̱nꞌ rá te̱e tátúníꞌ nación jín nu̱u̱nꞌ rá te̱e nísotíñú kúvi gobernador, sáva sijíta rává ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ.

Juan 15:20

’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Marcos 10:30

jee ni̱ꞌi̱nꞌ‑i sientúꞌ íchí ka̱ꞌ iniꞌ ñɨ̱vɨ́ yaꞌá tiempúꞌ tékúꞌ‑ó ñɨ̱vɨ́ yaꞌá, rá veꞌi, rá ñaniꞌ, rá ku̱ꞌva, rá ku̱ꞌvi̱ꞌ, rá nánáꞌ, rá se̱ꞌya, jín rá ñuꞌun, sú koto u̱ꞌvi̱ꞌ ñɨvɨ maa. Jee suni tiempúꞌ kiji, jee ñɨvɨ vá kutekuꞌ‑u nɨ́ɨ́nkání jín Ndiosíꞌ saꞌá re̱ꞌ.

Lucas 6:20

Jee nna̱kune̱ꞌyá Jesús nu̱u̱nꞌ ntáká rá te̱e kútáꞌán jín re̱ꞌ súkuáꞌa re̱ꞌ ráa jee nkachiꞌ re̱ꞌ: ―Na̱ ka̱ꞌ netuꞌ ka̱ꞌ kúvi ránoꞌó ñɨvɨ nóꞌo láꞌví, chi ni̱ꞌi̱nꞌ rán ki̱vɨ rán ñuunꞌ nu̱u̱nꞌ tátúníꞌ Ndiosíꞌ.

Mateo 10:23

’Jee retú koto u̱ꞌvi̱ꞌ ráa ránoꞌó nu̱u̱nꞌ ɨɨn ñuunꞌ, jee kenekunu rán kɨ̱ꞌɨ̱nꞌ rán nu̱u̱nꞌ inka ñuunꞌ. Chi máá naáꞌ vá káchíꞌ ni̱ꞌ nu̱u̱nꞌ rán ya̱ nsáꞌ kuneí rán kɨ̱ꞌɨ̱nꞌ rán nu̱u̱nꞌ ntáká rá ñuunꞌ yɨ́ꞌɨ́ xi̱ntíín Israel ne̱ ntiáꞌan ka̱ꞌ nenta ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

Hechos 8:1

Jee nuún jiáni iniꞌ Saulo jín ráa kaꞌniꞌ ráa Esteban. Jee maá ki̱vɨ̱ꞌ yukuán, nka̱jiéꞌé nsa̱ꞌá kini ráa rá ñɨvɨ ya̱ kúneí iniꞌ rává Jesús ya̱ kútútú rává ñuunꞌ Jerusalén. Jee nɨꞌɨ rá ñɨvɨ vá ñe̱te̱nuun ráa nu̱u̱nꞌ nɨꞌɨ rá ñuunꞌ tɨ́ɨn Judea jín Samaria. Soo nkino̱o métúꞌún rá nísotíñú apóstol.

Hechos 5:40

Jee ni̱yo maniꞌ ráa tu̱ꞌun nkachiꞌ re̱ꞌ. Jee nna̱kana i̱i̱ꞌ ráa rá te̱e nísotíñú apóstol jee nta̱jí ráa ya̱ chiꞌi yoꞌo rává, jee nta̱túníꞌ ráa ya̱ to káchíꞌ rává ka̱ꞌ tu̱ꞌun nu̱u̱nꞌ súví Jesús. Jee nsia̱áꞌ ráa rává kua̱ꞌa̱nꞌ.

Mateo 19:14

Soo nkachiꞌ Jesús nu̱u̱nꞌ rá te̱e súkuáꞌa re̱ꞌ vá: ―Ku̱ꞌva rán kiji rá su̱chí kuáchí nu̱u̱nꞌ ni̱ꞌ, jee koto kúsáꞌán rán ráa kiji ráa nu̱u̱nꞌ ni̱ꞌ, chi ñɨvɨ suꞌva, ya̱ kúneí iniꞌ ráa nuꞌuꞌ, ví rá ki̱vɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa ne̱ antivɨ́ súkún ―nkachiꞌ Jesús.

Marcos 10:14

Soo sáá niniꞌ Jesús yaꞌá, jee nki̱tɨ̱ꞌ iniꞌ re̱ꞌ jee nkachiꞌ re̱ꞌ nu̱u̱nꞌ ráa: ―Ku̱ꞌva rán kiji rá su̱chí kuáchí nu̱u̱nꞌ ni̱ꞌ. Koto kúsáꞌán rán kiji ráa. Chi rá ñɨvɨ suꞌva, ya̱ kúneí iniꞌ ráa nuꞌuꞌ, ví ya̱ kívɨ ráa xi̱ntíín Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa.

Lucas 22:29

Jee saáva ñani ni̱ꞌ ránoꞌó sáva kunisotíñú ránú tatúníꞌ rán, kuéntáꞌ kua̱ꞌ ñani Tátáꞌ ni̱ꞌ nuꞌuꞌ kunisotíñú ni̱ꞌ tatúníꞌ ni̱ꞌ,

Santiago 5:11

Kune̱ꞌyá rán, tɨ́ɨn kuéntáꞌ‑ó ya̱ saꞌá Ndiosíꞌ ya̱ netuꞌ kúvi ñɨvɨ ya̱ jiéꞌnéꞌ iniꞌ ráa jín tu̱nóꞌó jee íñɨ́ ni̱ꞌin ráa. Nteso̱ꞌo rán na̱sa nkuni̱ꞌin ni̱ñɨ ni̱ꞌin Job jín tu̱nóꞌó nnoꞌo re̱ꞌ. Jee jíníꞌ rán ya̱ nsa̱ꞌá va̱ꞌa I̱toꞌoꞌ‑ó jín re̱ꞌ ne̱ nu̱u̱nꞌ nɨ́ꞌɨ. Saáva suꞌva jíníꞌ rán ya̱ náꞌví víꞌí iniꞌ I̱toꞌoꞌ‑ó jee kúváꞌa iniꞌ re̱ꞌ néꞌyá re̱ꞌ ñɨvɨ.