Mateo 4:24 - Mixteco del suroeste de Tlaxiaco Oaxaca

²⁴ Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 4:24 Referans Kwoze

Mateo 17:15

―I̱toꞌoꞌ, kunáꞌví iniꞌ nú kune̱ꞌyá nú se̱ꞌya yɨ́ɨ́ ni̱ꞌ, chi jíꞌíyɨ̱ꞌɨ́ re̱ꞌ, jee nóꞌo nasɨ́kuitɨꞌ re̱ꞌ, chi kue̱ꞌe̱ꞌ íchí nániso‑o nu̱u̱nꞌ ñúꞌúnꞌ, jín kue̱ꞌe̱ꞌ íchí nu̱u̱nꞌ nute.

Mateo 8:6

jee nkachiꞌ‑i: ―I̱toꞌoꞌ, ɨɨn musúꞌ ni̱ꞌ káá re̱ꞌ kúꞌvíꞌ re̱ꞌ veꞌi ni̱ꞌ, jee ntu̱ví kúvi kantaꞌ re̱ꞌ, jee nóꞌo nasɨ́kuitɨꞌ re̱ꞌ ―nkachiꞌ‑i.

Lucas 5:15

Soo víꞌí ka̱ꞌ kua̱ꞌa̱nꞌ jiéténuun ka̱ꞌ tu̱ꞌun jie̱ꞌe̱ꞌ Jesús, jee kue̱ꞌe̱ꞌ víꞌí ka̱ꞌ rá ñɨvɨ kútútú ráa sáva teso̱ꞌo ráa rá tu̱ꞌun xínéꞌénꞌ re̱ꞌ, jín sáva xinúvi re̱ꞌ ráa nu̱u̱nꞌ kue̱ꞌi̱ꞌ nóꞌo ráa.

Lucas 2:2

Jee yaꞌá kúvi ya̱ xíꞌnañúꞌún íchí ya̱ nna̱keꞌen ráa súví rá ñɨvɨ sáá ni̱ñɨ Cirenio nísotíñú re̱ꞌ nu̱u̱nꞌ ñuunꞌ Siria.

Mateo 17:18

Saájee nku̱xeenꞌ Jesús nu̱u̱nꞌ kui̱ꞌna̱ꞌ yɨ́ꞌɨ́ iniꞌ te̱e súchí vá, jee nkene‑e re̱ꞌ, jee kuísá nnuvi re̱ꞌ hora yukuán.

Mateo 15:22

Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 12:22

Saájee ña̱na̱ka rá ñɨvɨ nu̱u̱nꞌ Jesús ɨɨn te̱e kuáá jee ñɨ́ꞌɨ́nꞌ‑ɨ, chi yɨ́ꞌɨ́ kui̱ꞌna̱ꞌ maa. Jee nxi̱núvi Jesús maa, jee nkuvi nna̱kune̱ꞌyá‑a, jee nkuvi nna̱kaꞌanꞌ‑a.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 15:23

Nta̱jí ráa tutuꞌ kua̱ꞌa̱nꞌ jín rá te̱e vá, ya̱ káchíꞌ suꞌva: “Ránuꞌuꞌ ya̱ kúvi ránꞌ rá apóstol jín rá te̱e kúñáꞌnú. Kúvi ráníꞌ ñaniꞌ ránú. Tée ráníꞌ nu̱u̱nꞌ rán, ya̱ nééꞌ nɨꞌɨ ñuunꞌ Antioquía jín rá sánitɨ́ɨn Siria jín Cilicia, ya̱ kúvi rán rá ñaniꞌ jín rá ku̱ꞌva, ya̱ ntu kúvi Israel. ’Nátají ránꞌ saludos tu̱ꞌun káva̱ꞌa nu̱u̱nꞌ ránoꞌó.

Marcos 2:3

Jee nkiji rá ñɨvɨ jín ɨɨn ya̱ kúꞌvíꞌ ya̱ ntu kúvi kantaꞌ nu̱u̱nꞌ Jesús. Jee ku̱mi̱ꞌ te̱e nniso maa.

Marcos 1:32

Sáá nku̱néñuꞌun, ya̱ ntaꞌanꞌ nka̱niiꞌ, jee nkiji rá ñɨvɨ jín nɨꞌɨ rá kúꞌvíꞌ jín rá ñɨvɨ yɨ́ꞌɨ́ ta̱chi̱ꞌ néꞌí nu̱u̱nꞌ Jesús.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Hechos 15:41

Jee njia̱ꞌa Pablo kua̱ꞌa̱nꞌ re̱ꞌ rá sánitɨ́ɨn Siria jín Cilicia, jee nna̱chituvi Pablo rá ñɨvɨ ya̱ kúneí iniꞌ ráa Jesús.

Lucas 4:14

Saájee ne̱ nchi̱tú Jesús yɨ́ꞌɨ́ fuersáꞌ níꞌin níso Ta̱chi̱ꞌ Ííꞌ re̱ꞌ nni̱kó re̱ꞌ nu̱u̱nꞌ Galilea. Jee ñe̱te̱nuun tu̱ꞌun jie̱ꞌe̱ꞌ re̱ꞌ kua̱íyó rá ñuunꞌ káá yatin yukuán.

Marcos 1:28

Jee kuíntañúꞌún ñe̱te̱nuun tu̱ꞌun jie̱ꞌe̱ꞌ Jesús nɨꞌɨ kuatɨ́ɨn Galilea.

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

Juan 10:21

Soo sava ráa ka̱ꞌ nkachiꞌ: ―Rá tu̱ꞌun yaꞌá nsú tu̱ꞌun káꞌánꞌ ɨɨn te̱e ya̱ yɨ́ꞌɨ́ kui̱ꞌna̱ꞌ ví‑i. ¿Á kúvi nasaꞌá kui̱ꞌna̱ꞌ nunijinꞌ nchinúún ɨɨn te̱e kuáá rúja? ―nkachiꞌ ráa.

Mateo 9:35

Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.

Mateo 9:26

Jee ñe̱te̱nuun tu̱ꞌun jie̱ꞌe̱ꞌ tiñu ya̱ nsa̱ꞌá Jesús kua̱íyó sánitɨ́ɨn yukuán.

Mateo 8:28

Jee sáá nkanta Jesús íyo ka̱ꞌ ichi yúnteñúꞌún nu̱u̱nꞌ káá ñuꞌun rá ñɨvɨ ñuunꞌ Gadara, jee yukuán nkene u̱vi̱ꞌ rá te̱e nu̱u̱nꞌ rá kava nu̱u̱nꞌ yɨ́séꞌí rá níyɨ. Ni núvíꞌ rá te̱e vá yɨ́ꞌɨ́ ta̱chi̱ꞌ néꞌí kákini, jee ña̱taꞌanꞌ ráa Jesús. Jee xe̱e̱nꞌ nasɨ́kuitɨꞌ sáꞌá ráa, jee saáva ni ɨɨn ñɨvɨ ntu kúvi jia̱ꞌa ichi yukuán.

Mateo 8:33

Jee rá te̱e náka ráa rá kúchíꞌ vá nkenekunu ráa jee nkenta ráa nu̱u̱nꞌ ñuunꞌ, jee nna̱kani ráa nu̱u̱nꞌ rá ñɨvɨ nɨꞌɨ ya̱ nkuvi jín na̱ nkuvi jín rá te̱e ya̱ nyi̱ꞌɨ ta̱chi̱ꞌ néꞌí kákini vá.

Marcos 2:4

Jee ntu kúvi kenta ráa jín re̱ꞌ nu̱u̱nꞌ Jesús, chi íñɨ́ víꞌí ñɨvɨ. Saáva nna̱neeꞌ ráa ntíꞌ xi̱ni̱ꞌ ve̱ꞌí nu̱u̱nꞌ íñɨ́ Jesús. Jee sáá nine yukuán, jee yukuán nsi̱kúun ráa tu̱nchi̱só yósóꞌ te̱e ntu kúvi kantaꞌ vá.

Marcos 2:9

¿Né ɨɨn vá ka̱ꞌá ka̱ꞌ kachiꞌ ni̱ꞌ rúja? ¿Á kachiꞌ ni̱ꞌ nu̱u̱nꞌ te̱e ntu kúvi kantaꞌ ya̱: “Nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú?”, áxí, ¿á kachiꞌ ni̱ꞌ: “Nako̱o, nakeꞌen tu̱nchi̱só nú, jee kaka”, rúja?

Lucas 4:38

Saájee nna̱kuiñɨꞌ Jesús, jee nkene re̱ꞌ iniꞌ veꞌi sinagoga vá, jee kua̱ꞌa̱nꞌ re̱ꞌ nki̱vɨ re̱ꞌ veꞌi Simón, jee káá náchi̱so Simón yɨ́ꞌɨ́ nasɨ́kuitɨꞌ ki̱ji xéénꞌ ña, jee ni̱ka̱nꞌ táꞌvíꞌ ráa nu̱u̱nꞌ Jesús jie̱ꞌe̱ꞌ ña.

Lucas 5:24

Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee stúvi ni̱ꞌ nu̱u̱nꞌ rán, sáva kukáꞌnú iniꞌ rán ya̱ nísotíñú ni̱ꞌ nu̱u̱nꞌ ñɨ̱vɨ́ yaꞌá sáva kunekáꞌnú iniꞌ ni̱ꞌ noꞌó jie̱ꞌe̱ꞌ kua̱chi ñɨvɨ, ―nkachiꞌ re̱ꞌ. Saájee nkachiꞌ re̱ꞌ nu̱u̱nꞌ te̱e ntu kántáꞌ vá: ―Káchíꞌ ni̱ꞌ nu̱u̱nꞌ nú: Nako̱o, nakeꞌen tu̱nchi̱só nú jee kuánoꞌonꞌ veꞌi nú ―nkachiꞌ re̱ꞌ.

Hechos 8:7

Chi nxi̱núvi re̱ꞌ kue̱ꞌe̱ꞌ ñɨvɨ yɨ́ꞌɨ́ ta̱chi̱ꞌ kíni. Jee sáá kéne rá ta̱chi̱ꞌ kíni vá nka̱najíín ni̱ꞌin‑i. Jee nxi̱núvi re̱ꞌ kue̱ꞌe̱ꞌ ñɨvɨ ntu kúvi kantaꞌ jín kue̱ꞌe̱ꞌ ñɨvɨ lénkó.

Lucas 7:17

Jee ñe̱te̱nuun tu̱ꞌun jie̱ꞌe̱ꞌ Jesús kua̱íyó nɨ́ɨ́nkáꞌnú rá ñuunꞌ tɨ́ɨn ñuunꞌ Judea, jín ntáká rá ñuunꞌ ni̱kótíyu káá yukuán.

Hechos 28:9

Sáá nkuvi yaꞌá, suni nkiji rá inka ñɨvɨ kúꞌvíꞌ nu̱u̱nꞌ ñuunꞌ yukuán, jee nxi̱núvi re̱ꞌ ráa.