Mateo 28:20 - Mixteco del suroeste de Tlaxiaco Oaxaca

²⁰ Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Mateo 28:20 Referans Kwoze

Génesis 39:21

Soo ni̱yo I̱toꞌoꞌ Ndiosíꞌ jín José, jee ni̱yo náꞌví iniꞌ re̱ꞌ nne̱ꞌyá re̱ꞌ maa, chi nsa̱ꞌá re̱ꞌ ya̱ ni̱ꞌi̱nꞌ José ya̱ máníꞌ iniꞌ te̱e yósóꞌ nu̱u̱nꞌ ya̱ tátúníꞌ veka̱a vá.

Mateo 1:23

Kune̱ꞌyá rán, ɨɨn ñaꞌan súchí núún, nanise̱ꞌya ña, jee sikáku ña ɨɨn su̱chí yɨ́ɨ́, jee sikúnání ráa maa Emanuel káchíꞌ nu̱u̱nꞌ Tutuꞌ Ííꞌ. Emanuel kuíni kachiꞌ: Ndiosíꞌ íyó re̱ꞌ jín‑ó.

Mateo 18:20

Chi nu̱u̱nꞌ íyó tútú u̱vi̱ꞌ áxí u̱ni̱ꞌ ñɨvɨ jie̱ꞌe̱ꞌ yɨ́ꞌɨ́ ráa nu̱u̱nꞌ nuꞌuꞌ, jee nteñu ráa yukuán íyó ni̱ꞌ jín ráa ―nkachiꞌ Jesús.

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

1 Corintios 14:37

Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

1 Corintios 11:2

Nákuetúꞌún ni̱ꞌ ránoꞌó [rá ñaniꞌ jín ku̱ꞌva], chi níní sukuáni nákúꞌun iniꞌ rán nuꞌuꞌ, jee kuiñɨ kutú rán jín Tu̱ꞌun Ndiosíꞌ sánikua̱ꞌ nxi̱néꞌénꞌ ni̱ꞌ ránoꞌó.

Mateo 13:49

Jee sukuán kuvi sáá kenta ki̱vɨ̱ꞌ ji̱nu tiempúꞌ yaꞌá ya̱ ñani Ndiosíꞌ, chi kene rá najiáꞌáꞌ ííꞌ Ndiosíꞌ, jee natavaꞌ sɨ́ɨ́n ráa rá ñɨvɨ níváꞌa nteñu rá ñɨvɨ na̱a̱ꞌ.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.

2 Pedro 3:2

sáva naku̱ꞌun iniꞌ rán rá tu̱ꞌun ya̱ nkachiꞌ ya̱chi̱ꞌ rá te̱e nyɨ̱tíñú nu̱u̱nꞌ Ndiosíꞌ ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, jee sáva naku̱ꞌun iniꞌ rán rá tu̱ꞌun ya̱ nkachiꞌ rá te̱e níso ráa tiñu apóstol ya̱ nchu̱ichí Cristo ráa nu̱u̱nꞌ ránoꞌó sáva nna̱kani ráa rá tu̱ꞌun ya̱ nta̱túníꞌ re̱ꞌ. Jee maáréꞌ ví I̱toꞌoꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Hechos 20:27

Chi ntu̱ví nkúmániꞌ ni̱ꞌ stekútu̱ꞌún ni̱ꞌ nu̱u̱nꞌ rán nɨꞌɨ ya̱ nsa̱náaꞌ Ndiosíꞌ saꞌá‑a.

Apoclipsis 1:18

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

1 Corintios 11:23

Chi nuꞌuꞌ chi nni̱ꞌi̱nꞌ ni̱ꞌ tu̱ꞌun ya̱ ntaji I̱toꞌoꞌ‑ó nu̱u̱nꞌ ni̱ꞌ, jee tu̱ꞌun vá ví ya̱ ntaji ni̱ꞌ nu̱u̱nꞌ ránoꞌó ya̱ káchíꞌ‑i ya̱ máá yakuááꞌ ki̱vɨ̱ꞌ ya̱ nna̱ku̱ꞌva ɨɨn te̱e I̱toꞌoꞌ‑ó Jesús, jee saá nku̱xíní re̱ꞌ jín rá te̱e nsu̱kuáꞌa re̱ꞌ ráa, jee ntɨɨn re̱ꞌ i̱xta̱tíláꞌ,

Mateo 24:3

Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.