Mateo 28:19 - Mixteco del suroeste de Tlaxiaco Oaxaca

¹⁹ Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Mateo 28:19 Referans Kwoze

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Gálatas 3:27

Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo.

Romanos 10:18

Soo káchíꞌ ni̱ꞌ: ¿Á ntiáꞌan teso̱ꞌo ráa maa? Maá nááꞌ nijia ya̱ nteso̱ꞌo ráa maa. Káchíꞌ nu̱u̱nꞌ Tutuꞌ Ííꞌ: Nu̱u̱nꞌ nta̱ká ichi nu̱u̱nꞌ ñu̱ꞌún yaꞌá ñe̱te̱nuun tu̱ꞌun re̱ꞌ tékútu̱ꞌún‑u, jín ne̱ nu̱u̱nꞌ jínu ñɨ̱vɨ́ yaꞌá nkenta tu̱ꞌun ráa jie̱ꞌe̱ꞌ re̱ꞌ.

Efesios 2:18

Chi jie̱ꞌe̱ꞌ ya̱ nsa̱ꞌá Cristo jee nni̱ꞌi̱nꞌ‑ó ya̱ kuvi natuꞌva‑ó nu̱u̱nꞌ Tátáꞌ‑ó Ndiosíꞌ, sáꞌá métúꞌún ni Ta̱chi̱ꞌ Ííꞌ re̱ꞌ yɨ́ꞌɨ́ iniꞌ ntáká‑ó, va̱ni ñɨvɨ Israel áxí va̱ni ntu̱ví.

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Hechos 2:41

Saájee ña̱nuté rá ñɨvɨ ntɨɨn tu̱ꞌun re̱ꞌ. Jee ki̱vɨ̱ꞌ yukuán, nku̱kueꞌeꞌ ka̱ꞌ yatin u̱ni̱ꞌ mil (3000) ñɨvɨ vá.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.

Génesis 1:26

Jee nkachiꞌ Ndiosíꞌ: “Saꞌá‑ó ñɨvɨ ya̱ koo ráa sánikua̱ꞌ íyó‑ó, ya̱ naku ráa iniꞌ‑ó. Saꞌá‑ó ya̱ kuneí ráa kosoꞌ ráa nu̱u̱nꞌ rá tia̱ká íyó nu̱u̱nꞌ nteñúꞌún, jín nu̱u̱nꞌ rá kitɨ ya̱ jíkó rátíꞌ súkún, jín nu̱u̱nꞌ ntáká nu̱u̱nꞌ rá kitɨ, jín nu̱u̱nꞌ nɨꞌɨ ñɨ̱vɨ́, jín nu̱u̱nꞌ nɨꞌɨ rá kitɨ líꞌí ya̱ síúꞌun maáa nu̱u̱nꞌ ñu̱ꞌún.”

1 Corintios 15:29

Saájee rá ñɨvɨ ya̱ jiánuté ráa jie̱ꞌe̱ꞌ rá ni̱yɨ, jee, ¿ná kúvi ya̱ saꞌá ráa rúja?, chi retú ni nsáꞌ natekuꞌ i̱i̱ꞌ rá ni̱yɨ, ¿na̱ jie̱ꞌe̱ꞌ chi jiánuté ráa jie̱ꞌe̱ꞌ rá ni̱yɨ rúja?

Hechos 14:21

Nste̱kútu̱ꞌún ráa tu̱ꞌun váꞌa nu̱u̱nꞌ rá ñɨvɨ ñuunꞌ vá, jee kue̱ꞌe̱ꞌ ñɨvɨ ntɨɨn ichi Jesús. Jee kuíre nni̱kó ráa ñuunꞌ Listra, jín ñuunꞌ Iconio, jín ñuunꞌ Antioquía.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

2 Corintios 13:14

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ya̱ kúvi Cristo kune̱ꞌyá re̱ꞌ nta̱ká ránoꞌó, jín ya̱ kunu̱u̱nꞌ Ndiosíꞌ nta̱ká rán, jín ya̱ koo nkáꞌnú Ta̱chi̱ꞌ Ííꞌ Ndiosíꞌ jín rán. Sukuán koo. Amén.

Hechos 9:18

Kuísá ntañúꞌún nkoyo rá nantíñú ya̱ íyó kuéntáꞌ íyó meeriáꞌ tia̱ká nchinúún re̱ꞌ, jee nu̱nijínꞌ nchinúún re̱ꞌ. Jee nnako̱o re̱ꞌ jee ña̱nuté re̱ꞌ.

Mateo 13:52

Saájee nkachiꞌ re̱ꞌ nu̱u̱nꞌ ráa: ―Saáva ntáká te̱e kúvi mestrúꞌ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee súkuáꞌa ráa tu̱ꞌun ni̱ꞌ, jee ki̱vɨ ráa xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa, jee kúvi ráa kuéntáꞌ ɨɨn te̱e kúvi i̱toꞌoꞌ xí veꞌi, ya̱ nteñu rá nantíñú yɨ́yáꞌvi chúꞌun va̱ꞌa‑a nátavaꞌ‑a rá nantíñú jiáá jín rá nantíñú túꞌú.

1 Juan 5:7

Chi [ne̱ antivɨ́ nu̱u̱nꞌ nééꞌ Ndiosíꞌ] íyó u̱ni̱ꞌ ya̱ jiáꞌa ráa ya̱ naáꞌ jie̱ꞌe̱ꞌ tu̱ꞌun yaꞌá: [máá Tátáꞌ‑ó Ndiosíꞌ, jín máá Jesús, ya̱ naní tu̱ꞌun vá, jín Ta̱chi̱ꞌ Ííꞌ re̱ꞌ. Jee ni núníꞌ ráa yaꞌá ɨɨn nuún ni jiáꞌa ráa ya̱ naáꞌ.]

Mateo 25:32

Jee nutútú ñɨvɨ ntáká nación ichinúúnꞌ ni̱ꞌ, jee saꞌá sɨ́ɨ́n ni̱ꞌ ɨɨn inka ráa, kuéntáꞌ sáꞌá te̱e náka sa̱na̱ꞌ sáá sáꞌá sɨ́ɨ́n re̱ꞌ rá lanchi jín rá nixíꞌyú.

Hechos 1:2

jín ne̱ ki̱vɨ̱ꞌ nna̱keꞌen Tátáꞌ re̱ꞌ maáréꞌ kua̱noꞌonꞌ re̱ꞌ súkún. Jee ne̱ ntiáꞌan kɨ̱naa re̱ꞌ súkún, jee nta̱túníꞌ re̱ꞌ jín Ta̱chi̱ꞌ Ííꞌ Ndiosíꞌ sáá saꞌá rá najiáꞌáꞌ re̱ꞌ ya̱ kúvi apóstol ya̱ nka̱ji re̱ꞌ jín ya̱ chuichí re̱ꞌ ráa.