Mateo 27:60 - Mixteco del suroeste de Tlaxiaco Oaxaca

⁶⁰ Jee nchi̱só re̱ꞌ maa iniꞌ yaviꞌ veꞌi ni̱yɨ jiáá re̱ꞌ nu̱u̱nꞌ ya nsa̱ꞌá re̱ꞌ nkaanꞌ musúꞌ re̱ꞌ yu̱u̱ꞌ, jee sáá nkuvi nsi̱jíkótíyu ráa ɨɨn yu̱u̱ꞌ máá na̱sɨ ñasɨꞌ ráa yuꞌú kava vá, jee kua̱ꞌa̱nꞌ re̱ꞌ.

Mateo 27:60 Referans Kwoze

Mateo 28:2

Jee sa̱naanꞌ kuitɨꞌ, jee nkiji ñutáan níꞌin nasɨ́kuitɨꞌ, chi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ nki̱kuun antivɨ́ súkún, jee ña̱kuyatin‑i yuꞌú yaviꞌ, jee nsi̱káka xíín‑i yu̱u̱ꞌ násɨ́ꞌ yuꞌú kava vá, jee ña̱kuneeꞌ‑e nu̱u̱nꞌ yu̱u̱ꞌ vá.

Mateo 27:66

Saájee kua̱ꞌa̱nꞌ ráa, jee nna̱saꞌá kutú ráa ka̱ꞌ yaviꞌ kava vá chi násɨ́ꞌ yuꞌú kava vá jín ɨɨn yu̱u̱ꞌ jee ña̱xin ráa seyúꞌ yuꞌú yu̱u̱ꞌ vá, jee nxi̱nóo ráa rá soldado sáva kumí ráa maa.

Juan 20:1

Jee ki̱vɨ̱ꞌ xíꞌnañúꞌún semana, jee María ya̱ kúvi ñaꞌan ñuunꞌ Magdala, jee íyó neenꞌ ka̱ꞌ ya̱neꞌenꞌ jee ña̱ꞌa̱nꞌ ña nu̱u̱nꞌ yaviꞌ vá, jee niniꞌ ña ya̱ nkuiyo yu̱u̱ꞌ násɨ́ꞌ yuꞌú yaviꞌ vá.

Lucas 24:2

Jee sáá nkenta ráña, jee niniꞌ ráña ya̱ ya nika xíín yu̱u̱ꞌ ñasɨꞌ yuꞌú yaviꞌ vá.

Génesis 50:5

ya̱ nsa̱ꞌá nyɨɨ tátáꞌ ni̱ꞌ ya̱ saꞌá náaꞌ ni̱ꞌ nu̱u̱nꞌ tu̱ꞌun kaꞌanꞌ ni̱ꞌ chi nkachiꞌ re̱ꞌ: “Kune̱ꞌyá, sa̱néꞌ kuviꞌ ni̱ꞌ. Kɨ̱se̱ꞌí nú ñunéꞌyúꞌ ni̱ꞌ iniꞌ yaviꞌ kava nu̱u̱nꞌ ya̱ nsa̱ꞌá túꞌva ni̱ꞌ, ya̱ íyó ñuꞌun Canaán”. Saáva jíkánꞌ táꞌvíꞌ ni̱ꞌ ya̱ taji nú kɨ̱ꞌɨ̱nꞌ ni̱ꞌ kɨ̱se̱ꞌí ni̱ꞌ ñunéꞌyúꞌ níꞌiꞌ tátáꞌ ni̱ꞌ. Jee ré nkuvi nse̱ꞌí ni̱ꞌ re̱ꞌ, jee nikó ni̱ꞌ ―nkachiꞌ José.

Mateo 27:59

Jee nna̱keꞌen José ñunéꞌyúꞌ Jesús, jee nsu̱kún re̱ꞌ ɨɨn saꞌma manta íyó noo maa.

Juan 11:38

Jee tukuni nku̱níní iniꞌ Jesús, jee nkanta re̱ꞌ nu̱u̱nꞌ veꞌi ni̱yɨ nu̱u̱nꞌ nse̱ꞌí ráa Lázaro ya̱ kúvi ɨɨn yaviꞌ kava, jee yuꞌú kava vá násɨ́ꞌ ɨɨn yu̱u̱ꞌ káꞌnú.

Juan 11:41

Saájee nxi̱tá ráa yu̱u̱ꞌ nu̱u̱nꞌ yɨ́ꞌɨ́ te̱e níꞌiꞌ vá. Jee nna̱neꞌen nu̱u̱nꞌ Jesús, jee nna̱kune̱ꞌyá re̱ꞌ ne̱ súkún, jee nkachiꞌ re̱ꞌ: ―Tátáꞌ ni̱ꞌ, táji ni̱ꞌ ya̱ kutaꞌviꞌ ni̱ꞌ nu̱u̱nꞌ nú, chi ntɨɨn kuéntáꞌ nú nu̱u̱nꞌ tu̱ꞌun nkachiꞌ ni̱ꞌ.

Juan 19:41

Jee yatin nu̱u̱nꞌ nte̱kaa ráa Jesús káá tataꞌ sáꞌá jee nu̱u̱nꞌ káá tataꞌ sáꞌá yukuán nééꞌ ɨɨn yaviꞌ jiáá veꞌi ni̱yɨ nu̱u̱nꞌ ni ɨɨn ni̱yɨ ntiáꞌan kɨꞌɨ yukuán.