Mateo 27:54 - Mixteco del suroeste de Tlaxiaco Oaxaca

⁵⁴ Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Mateo 27:54 Referans Kwoze

Marcos 15:39

Jee maá capitán tátúníꞌ nu̱u̱nꞌ rá soldado vá íñɨ́ re̱ꞌ ichinúúnꞌ Jesús. Jee sáá nteso̱ꞌo re̱ꞌ ya̱ nka̱najíín‑i suꞌva jee niniꞌ re̱ꞌ ya̱ suꞌva ni̱ꞌi̱ꞌ‑i, jee nkachiꞌ re̱ꞌ: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá.

Mateo 27:36

Jee ña̱kuneeꞌ ráa yukuán kúmí ráa re̱ꞌ.

Mateo 27:43

Chi nku̱neí iniꞌ re̱ꞌ Ndiosíꞌ, jee íyó sikáku Ndiosíꞌ maa ntañúꞌún retú kuíni Ndiosíꞌ sikáku maa, chi nkachiꞌ re̱ꞌ: “Se̱ꞌya Ndiosíꞌ ví ni̱ꞌ” ―nkachiꞌ ráa.

Hechos 27:43

Soo capitán kuíni re̱ꞌ sikáku re̱ꞌ Pablo, jee ntu njiáꞌa re̱ꞌ saꞌá ráa maa. Jee nta̱túníꞌ‑i ya̱ rá ñɨvɨ jíníꞌ su̱té, xíꞌnañúꞌún ráa ka̱ꞌ vá nava nu̱u̱nꞌ nute, jee kɨ̱ꞌɨ̱nꞌ ráa ne̱ yúnteñúꞌún.

Hechos 27:1

Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 23:23

Jee nkana re̱ꞌ u̱vi̱ꞌ rá capitán jee nkachiꞌ re̱ꞌ nu̱u̱nꞌ ráa: ―Saꞌá túꞌva rán u̱vi̱ꞌ sientúꞌ (200) soldado, jín u̱ni̱xiko u̱ji̱ꞌ (70) rá soldado yósóꞌ kitɨ, jín u̱vi̱ꞌ sientúꞌ (200) soldado rá ínaꞌá lanza, sáva kɨ̱ꞌɨ̱nꞌ rán ñuunꞌ Cesarea, kaɨ̱ɨ̱nꞌ yakuááꞌ.

Hechos 21:32

Jee ntañúꞌún kuitɨꞌ nna̱stútú re̱ꞌ rá soldado jín rá capitán jee ninu ráa kua̱ꞌa̱nꞌ ráa nu̱u̱nꞌ íñɨ́ rá ñɨvɨ. Sáá niniꞌ rá ñɨvɨ ya̱ va̱ji general jín rá soldado, jee ña̱kui̱ñɨ̱ꞌ ráa ya̱ jiáꞌa ráa Pablo.

Mateo 8:5

Jee sáá nki̱vɨ Jesús nu̱u̱nꞌ ñuunꞌ Capernaum, jee nkenta ɨɨn te̱e kúvi capitán ñuunꞌ Roma, ña̱kuyatin‑i nu̱u̱nꞌ Jesús, jee ni̱ka̱nꞌ táꞌvíꞌ‑i nu̱u̱nꞌ re̱ꞌ

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Apoclipsis 11:13

Jee maa hora yukuán nta̱an víꞌí, jee nta̱nɨ̱ꞌ ɨɨn ya̱ ujíꞌ pedasúꞌ ñuunꞌ vá, nsa̱ꞌá ñutáan vá. Jee u̱xa̱ꞌ mil (7000) rá ñɨvɨ ni̱ꞌi̱ꞌ. Jee sava ka̱ꞌ rá ñɨvɨ ya̱ nkino̱o tékúꞌ nyu̱ꞌví ráa, jee nna̱kuetúꞌún ráa Ndiosíꞌ ya̱ kúñáꞌnú re̱ꞌ nééꞌ re̱ꞌ antivɨ́ súkún.

Romanos 1:4

Jee nstúvi Ta̱chi̱ꞌ Ííꞌ Ndiosíꞌ ya̱ Jesús kúvi re̱ꞌ Se̱ꞌya Ndiosíꞌ chi nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ, jín fuersáꞌ ííꞌ níso re̱ꞌ. Máá Jesús níso re̱ꞌ tiñu Cristo [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ nɨꞌɨ], ya̱ kúvi re̱ꞌ I̱toꞌoꞌ‑ó.

Hechos 23:17

Jee nkana Pablo ɨɨn rá capitán jee nkachiꞌ re̱ꞌ nu̱u̱nꞌ‑u: ―Kɨ̱na̱ka nú te̱e súchí yaꞌá nu̱u̱nꞌ general. Chi íyó tu̱ꞌun nakani re̱ꞌ nu̱u̱nꞌ‑u.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.

Lucas 22:70

Saájee ni̱ka̱tu̱ꞌún nta̱ká ráa: ―Saájee, ¿á maánú kúvi Se̱ꞌya Ndiosíꞌ résa? ―nkachiꞌ ráa. Jee nkachiꞌ Jesús nu̱u̱nꞌ ráa: ―Suvi kúvi nijia ni̱ꞌ sánikua̱ꞌ káchíꞌ maárán ya̱ kúvi ni̱ꞌ ―nkachiꞌ Jesús.

Mateo 27:40

Jee káchíꞌ ráa nu̱u̱nꞌ re̱ꞌ: ―Noꞌó ya̱ káchíꞌ nú ya̱ kanɨꞌ nú veñu̱ꞌun káꞌnú, jee u̱ni̱ꞌ ki̱vɨ̱ꞌ nasaꞌá nú maa, ¡sikáku maánú!, ¡jee nuun nú nu̱u̱nꞌ kurúsiꞌ i̱ña̱ꞌ, retú Se̱ꞌya nijia Ndiosíꞌ ví nú! ―nkachiꞌ ráa nu̱u̱nꞌ re̱ꞌ.

Mateo 26:63

Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Mateo 27:51

Jee maa hora yukuán, jee saꞌma káꞌnú níntakaa ñúmáꞌñú jiásɨ́ꞌ iniꞌ veꞌi ííꞌ víꞌí iniꞌ veñu̱ꞌun káꞌnú nna̱ta̱sava, ne̱ xi̱ni̱ꞌ‑i jín ne̱ jie̱ꞌe̱ꞌ‑e, jee nta̱an nu̱u̱nꞌ ñu̱ꞌún jee nna̱tasáva rá yu̱u̱ꞌ.