Mateo 27:21 - Mixteco del suroeste de Tlaxiaco Oaxaca

²¹ Saájee tukuni ni̱ka̱tu̱ꞌún gobernador rá ñɨvɨ, jee nkachiꞌ re̱ꞌ: ―¿Né ɨɨn ni núvíꞌ rá te̱e yaꞌá vá kuíni rán ya̱ nakani núne ni̱ꞌ résa? ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Barrabás.

Mateo 27:21 Referans Kwoze

Mateo 27:20

Soo rá su̱tu̱ꞌ kúñáꞌnú jín rá te̱e ñáꞌnú nu̱u̱nꞌ ñuunꞌ vá nsi̱kúvi ráa iniꞌ rá ñɨvɨ kue̱ꞌe̱ꞌ vá, ya̱ ka̱ka̱nꞌ rává ya̱ nakani núne Pilato Barrabás, jee tají re̱ꞌ ya̱ kaꞌniꞌ rá soldado Jesús.

Mateo 27:22

Jee nkachiꞌ Pilato nu̱u̱nꞌ ráa: ―¿Ná kúvi ya̱ saꞌá ni̱ꞌ jín Jesús ya̱ káchíꞌ ñɨvɨ ya̱ kúvi Cristo résa? ―nkachiꞌ re̱ꞌ. Jee ntáká kuitɨꞌ ráa nkachiꞌ: ―¡Tekaa maa nu̱u̱nꞌ kurúsiꞌ sáva kuviꞌ‑i! ―nkachiꞌ ráa.

Mateo 27:17

Jee sáá nku̱tútú rá ñɨvɨ, jee ni̱ka̱tu̱ꞌún Pilato ráa: ―¿Né ɨɨn te̱e kuíni rán ya̱ nakani núne ni̱ꞌ: á Barrabás áxí Jesús, ya̱ káchíꞌ ñɨvɨ ya̱ kúvi Cristo? ―nkachiꞌ re̱ꞌ suꞌva,

Lucas 20:14

’Soo sáá niniꞌ rá te̱e sátíñú vá maa, jee nna̱túꞌún ɨɨn inka ráa, jee nkachiꞌ ráa: “Te̱e yaꞌá chi nu̱u̱nꞌ re̱ꞌ kino̱o ta̱ꞌvi̱ꞌ ñuꞌun yaꞌá. Kaꞌniꞌ‑ó maa, sáva ta̱ꞌvi̱ꞌ‑ó nuvi ñuꞌun yaꞌá”, nkachiꞌ ráa.

Lucas 23:13

Jee sáá nkana Pilato rá su̱tu̱ꞌ kúñáꞌnú jín rá te̱e nísotíñú, jín rá ñɨvɨ ñuunꞌ sáva kutútú ráa,