Mateo 26:74 - Mixteco del suroeste de Tlaxiaco Oaxaca

⁷⁴ Saájee nka̱jiéꞌé Pedro ne̱ nchi̱sónínu re̱ꞌ maáréꞌ ya̱ xinóꞌo Ndiosíꞌ re̱ꞌ retú ntu káꞌánꞌ na̱a̱ꞌ re̱ꞌ, jee ne̱ nsa̱náaꞌ re̱ꞌ nu̱u̱nꞌ tu̱nkáꞌánꞌ re̱ꞌ: ―¡Ntu jíníꞌ ni̱ꞌ te̱e vá! ―nkachiꞌ re̱ꞌ, jee máá hora yukuán jee nkana ɨɨn stóꞌo.

Mateo 26:74 Referans Kwoze

Apoclipsis 3:19

’Chi ntáká rá ñɨvɨ ya̱ ñúnúunꞌ ni̱ꞌ, jee núxeenꞌ ni̱ꞌ nu̱u̱nꞌ ráa jee xínóꞌo ni̱ꞌ ráa náchuꞌun na̱a̱ꞌ ni̱ꞌ ichi ráa. Saáva nakukáñá iniꞌ ráa nakunikɨnꞌ ráa ichi váꞌa jee nakani iniꞌ ráa.

1 Corintios 16:22

Retú néni ɨɨn ñɨvɨ ntu ñúnúunꞌ‑u I̱toꞌoꞌ‑ó, ¡kosoni̱nu ñɨvɨ vá! ¡I̱toꞌoꞌ‑ó neꞌenꞌ!

Juan 18:27

Jee tukuni nkachiꞌ Pedro ya̱ ntu̱ví jíníꞌ‑i, jee kuísá ntañúꞌún kuitɨꞌ nkana stóꞌo.

Mateo 10:28

Jee koto yúꞌví rán rá ñɨvɨ ya̱ jiáꞌníꞌ ráa ñunéꞌyúꞌ, soo ntu kúvi kaꞌniꞌ ráa ánímaꞌ rán. Chisaꞌ íyó kuyu̱ꞌví rán Ndiosíꞌ, ya̱ suvire̱ꞌ ví ya̱ kúvi xínáánꞌ re̱ꞌ ne̱ ánímaꞌ jín ñunéꞌyúꞌ nu̱u̱nꞌ ñuꞌúnꞌ xéénꞌ.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

Lucas 22:60

Soo nkachiꞌ Pedro: ―¡Te̱e! Ntu jíníꞌ ni̱ꞌ na̱ jie̱ꞌe̱ꞌ káchíꞌ nú ―nkachiꞌ re̱ꞌ. Jee kuíntañúꞌún ni káꞌánꞌ i̱i̱ꞌ re̱ꞌ, jee nkana stóꞌo.

Marcos 14:68

Soo maáréꞌ nkachiꞌ ntu̱ví, jee nkachiꞌ re̱ꞌ: ―Ni ntu jíníꞌ ni̱ꞌ, ni ntu jiáku̱ꞌun iniꞌ ni̱ꞌ ya̱ káchíꞌ nú. Jee va̱kene re̱ꞌ jee nkenta re̱ꞌ ichi yuvéꞌí chíkéꞌi. Jee nkana stóꞌo.

Marcos 14:30

Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱: Yakuááꞌ vitan, nikɨ́n ne̱ ntiáꞌan ka̱ꞌ kana stóꞌo ya̱ uvíꞌ íchí, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ‑u.

Mateo 27:25

Jee nna̱xiníkó ntáká ráa jee nkachiꞌ ráa: ―¡Kiji kua̱chi si̱kɨ̱ꞌ ránuꞌuꞌ jín si̱kɨ̱ꞌ rá se̱ꞌya ráníꞌ ya̱ kuviꞌ re̱ꞌ! ―nkachiꞌ ntáká ráa.

Mateo 26:34

Soo nkachiꞌ Jesús nu̱u̱nꞌ Pedro: ―Máá nááꞌ vá káchíꞌ ni̱ꞌ nu̱u̱nꞌ nú, ya̱ yakuááꞌ vitan, ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ Pedro.

Mateo 26:73

Jee sáá nku̱núún ka̱ꞌ, jee ña̱kuyatin rá ñɨvɨ íñɨ́ yukuán, jee nkachiꞌ ráa nu̱u̱nꞌ Pedro: ―Máá nááꞌ nijia ya̱ suni kúvi nú ɨɨn táꞌán rá kútáꞌán jín Jesús, chi nijinꞌ káꞌánꞌ nú ya̱ kúvi nú te̱e ñuunꞌ Galilea ―nkachiꞌ ráa nu̱u̱nꞌ Pedro.

Mateo 26:75

Saájee nna̱ku̱ꞌun iniꞌ Pedro tu̱ꞌun ya̱ nkachiꞌ Jesús nu̱u̱nꞌ re̱ꞌ ya̱: “Ne̱ ntiáꞌan ka̱ꞌ kana stóꞌo, jee ya̱ uníꞌ íchí kachiꞌ nú ya̱ ntu̱ví jíníꞌ nú nuꞌuꞌ”, jee nkene re̱ꞌ chíkéꞌi, jee nnaꞌyuꞌ víꞌí re̱ꞌ ya̱ maa nnu̱kuíꞌyáꞌ iniꞌ re̱ꞌ.