Mateo 26:63 - Mixteco del suroeste de Tlaxiaco Oaxaca

⁶³ Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Mateo 26:63 Referans Kwoze

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Mateo 27:12

Jee sáá xíkóñáꞌán rá su̱tu̱ꞌ kúñáꞌnú jín rá te̱e kúñáꞌnú nu̱u̱nꞌ ñuunꞌ si̱kɨ̱ꞌ Jesús, soo ni ntu̱ví nnáxiníkó kuitɨꞌ re̱ꞌ nu̱u̱nꞌ ya̱ káchíꞌ ráa.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 19:9

Jee tuku nni̱vɨ Pilato iniꞌ vetíñú káꞌnú, jee nkachiꞌ re̱ꞌ nu̱u̱nꞌ Jesús: ―¿Né núꞌ va̱ji nú? Soo ntu̱ví nnáxiníkó kuitɨꞌ Jesús.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.

Juan 18:37

Saájee nkachiꞌ Pilato nu̱u̱nꞌ Jesús: ―¿Á noꞌó kúvi te̱e nísotíñú tátúníꞌ nú résa? Jee nna̱xiníkó Jesús: ―Suvini̱ꞌ kúvi te̱e nísotíñú tátúníꞌ ni̱ꞌ kuéntáꞌ ya̱ nkachiꞌ kí nú. Chi jie̱ꞌe̱ꞌ yaꞌá kúvi ya̱ va̱ji ni̱ꞌ nkaku ni̱ꞌ iniꞌ ñɨ̱vɨ́ yaꞌá, sáva kachiꞌ ni̱ꞌ ya̱ naáꞌ. Ntáká ñɨvɨ ya̱ íñɨ́‑ɨ jín ya̱ naáꞌ, jee ñúꞌún iniꞌ ráa tɨ́ɨn ráa tu̱ꞌun káchíꞌ ni̱ꞌ ―nkachiꞌ Jesús.

Juan 10:36

soo nu̱u̱nꞌ nkachiꞌ re̱ꞌ sukuán jie̱ꞌe̱ꞌ ráa, saájee jie̱ꞌe̱ꞌ nuꞌuꞌ, ya̱ Tátáꞌ ni̱ꞌ Ndiosíꞌ chi nsa̱ꞌá sɨ́ɨ́n re̱ꞌ nuꞌuꞌ kɨtíñú ni̱ꞌ saꞌá ni̱ꞌ tiñu re̱ꞌ jee nchu̱ichí re̱ꞌ nuꞌuꞌ va̱ji ni̱ꞌ iniꞌ ñɨvɨ yaꞌá, jee ránoꞌó, ¿na̱ja kúvi káchíꞌ rán ya̱ káꞌánꞌ niva̱ꞌa ni̱ꞌ jie̱ꞌe̱ꞌ Ndiosíꞌ, jie̱ꞌe̱ꞌ ya̱ nkachiꞌ ni̱ꞌ: “Kúvi ni̱ꞌ Se̱ꞌya Ndiosíꞌ”, rúja?

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 10:24

Jee rá te̱e kúñáꞌnú nu̱u̱nꞌ Israel nkuti̱yu̱ꞌ ráa nu̱u̱nꞌ Jesús, jee nkachiꞌ ráa: ―¿Na̱sa ka̱ꞌ tiempúꞌ vá íyó chuꞌun níní nú iniꞌ ránꞌ? Retú noꞌó ví máá Cristo, jee kachiꞌ kájí maa nu̱u̱nꞌ ránꞌ.

Juan 8:25

Saájee ni̱ka̱tu̱ꞌún ráa Jesús: ―Noꞌó, ¿né ɨɨn kúvi nú résa? ―nkachiꞌ ráa. Saájee nkachiꞌ re̱ꞌ nu̱u̱nꞌ ráa: ―Ne̱ ya̱ xíꞌnañúꞌún nkachiꞌ ni̱ꞌ né ɨɨn kúvi ni̱ꞌ nu̱u̱nꞌ rán.

Juan 6:69

Jee ránuꞌuꞌ chi ya̱ ínúꞌ iniꞌ ránꞌ jee ya jíníꞌ ránꞌ ya̱ noꞌó vá ííꞌ ya̱ va̱ji ne̱ nu̱u̱nꞌ Ndiosíꞌ ―nkachiꞌ Pedro.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 1:34

Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Marcos 14:61

Soo níín íyó re̱ꞌ, jee ntu̱náꞌ nnáxiníkó re̱ꞌ. Jee inka íchí ka̱ꞌ ni̱ka̱tu̱ꞌún tuku su̱tu̱ꞌ kúñáꞌnú ka̱ꞌ maa, jee nkachiꞌ re̱ꞌ nu̱u̱nꞌ‑u: ―Noꞌó, ¿á kúvi nú Cristo, ya̱ kúvi nú Se̱ꞌya Ndiosíꞌ ííꞌ, ya̱ netuꞌ kúvi re̱ꞌ?

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Mateo 27:43

Chi nku̱neí iniꞌ re̱ꞌ Ndiosíꞌ, jee íyó sikáku Ndiosíꞌ maa ntañúꞌún retú kuíni Ndiosíꞌ sikáku maa, chi nkachiꞌ re̱ꞌ: “Se̱ꞌya Ndiosíꞌ ví ni̱ꞌ” ―nkachiꞌ ráa.

Mateo 27:40

Jee káchíꞌ ráa nu̱u̱nꞌ re̱ꞌ: ―Noꞌó ya̱ káchíꞌ nú ya̱ kanɨꞌ nú veñu̱ꞌun káꞌnú, jee u̱ni̱ꞌ ki̱vɨ̱ꞌ nasaꞌá nú maa, ¡sikáku maánú!, ¡jee nuun nú nu̱u̱nꞌ kurúsiꞌ i̱ña̱ꞌ, retú Se̱ꞌya nijia Ndiosíꞌ ví nú! ―nkachiꞌ ráa nu̱u̱nꞌ re̱ꞌ.

Mateo 27:14

Soo ni ɨɨn tu̱ꞌun ntu̱náꞌ nnáxiníkó Jesús nu̱u̱nꞌ re̱ꞌ, saájee nti̱vɨ́ víꞌí xi̱ni̱ꞌ te̱e nísotíñú vá.

1 Pedro 2:23

Chi sáá nkaꞌanꞌ ráa tu̱ꞌun níváꞌa ntenu̱u̱nꞌ ráa re̱ꞌ jee ni ntu nna̱xiníkó re̱ꞌ tu̱ꞌun níváꞌa nu̱u̱nꞌ ráa, jee sáá nxi̱nóꞌo ráa re̱ꞌ jee ni ntu nchuyúꞌví re̱ꞌ iniꞌ ráa retú naxinóꞌo re̱ꞌ ráa, chisaꞌ nna̱ku̱ꞌva re̱ꞌ maáréꞌ nu̱u̱nꞌ Ndiosíꞌ, ya̱ máá Ndiosíꞌ ví ya̱ na̱a̱ꞌ sánáaꞌ jie̱ꞌe̱ꞌ ntáká rá tiñu yukuán.

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Mateo 26:62

Saájee nnakui̱ñɨ̱ꞌ nichiꞌ maá su̱tu̱ꞌ kúñáꞌnú vá, jee nkachiꞌ‑i nu̱u̱nꞌ re̱ꞌ: ―¿Á ntu̱náꞌ naxiníkó nú jie̱ꞌe̱ꞌ ya̱ nááꞌ jiáꞌa rá te̱e yaꞌá si̱kɨ̱ꞌ nú? ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

2 Corintios 1:19

Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.