Mateo 26:58 - Mixteco del suroeste de Tlaxiaco Oaxaca

⁵⁸ Jee nnikɨnꞌ íká Pedro ya̱ta̱ꞌ ráa ne̱kua̱ꞌ nkenta re̱ꞌ chíkéꞌi nééꞌ iniꞌ veꞌi su̱tu̱ꞌ kúñáꞌnú vá, jee nki̱vɨ re̱ꞌ ña̱kuneeꞌ re̱ꞌ jín rá musúꞌ kúmí yukuán, sáva kukáꞌnú iniꞌ re̱ꞌ na̱sa kino̱o ráa jín Jesús.

Mateo 26:58 Referans Kwoze

Juan 7:32

Sáá nteso̱ꞌo rá te̱e fariseo tu̱ꞌun yaꞌá ya̱ káchíꞌ rá ñɨvɨ jee nchu̱ichí rá su̱tu̱ꞌ kúñáꞌnú jín rá fariseo vá rá te̱e kúmí yukuán sáva tɨɨn ráa Jesús.

Juan 18:25

Jee íñɨ́ i̱i̱ꞌ Simón Pedro núvixinꞌ re̱ꞌ yunúꞌúnꞌ, jee nkachiꞌ rá ñɨvɨ íñɨ́ yukuán nu̱u̱nꞌ re̱ꞌ: ―¿Á nsú suni noꞌó kúvi ɨɨn te̱e ya̱ nku̱táꞌán nnikɨnꞌ nsu̱kuáꞌa re̱ꞌ nó? Jee ñasɨꞌ Pedro nu̱u̱nꞌ tu̱ꞌun vá chi nkachiꞌ re̱ꞌ: ―Nsu̱ví‑nꞌ kúvi‑i ―nkachiꞌ re̱ꞌ.

Juan 7:45

Saájee rá te̱e kúmí veñu̱ꞌun káꞌnú nni̱kó ráa nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá fariseo. Jee ni̱ka̱tu̱ꞌún ráa rá te̱e vá jee nkachiꞌ ráa: ―¿Na̱ kuvi chi ntu̱ví va̱ji rán jín Jesús? ―nkachiꞌ ráa.

Mateo 5:25

’Jee retú kénta ɨɨn ñɨvɨ si̱kɨ̱ꞌ ɨɨn ránoꞌó jee ya̱chi̱ꞌ nakama̱ni̱ꞌ náꞌví jín ñɨvɨ vá ni kua̱ꞌa̱nꞌ nú jín ñɨvɨ vá nu̱u̱nꞌ téꞌnéꞌ kua̱chi, sáva ntu kɨ̱na̱ka ñɨvɨ vá noꞌó nu̱u̱nꞌ te̱e jiéꞌnéꞌ kua̱chi jee naku̱ꞌva te̱e jiéꞌnéꞌ kua̱chi vá noꞌó nu̱u̱nꞌ mayóríꞌ, jee tuví‑i noꞌó veka̱a.

Mateo 26:3

Saájee tiempúꞌ yukuán jee rá su̱tu̱ꞌ kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín rá te̱e kúñáꞌnú yósóꞌ nu̱u̱nꞌ rá ñɨvɨ ñuunꞌ Israel, nnu̱tútú ráa veꞌi káꞌnú su̱tu̱ꞌ kúñáꞌnú ka̱ꞌ ya̱ naní Caifás.

Lucas 22:54

Saájee ntɨɨn ráa Jesús, jee ña̱na̱ka ráa re̱ꞌ veꞌi su̱tu̱ꞌ kúñáꞌnú ka̱ꞌ, jee nnikɨnꞌ jíka Pedro ya̱ta̱ꞌ rá ñɨvɨ ya̱ kua̱ꞌa̱nꞌ jín Jesús.

Juan 19:6

Rá su̱tu̱ꞌ kúñáꞌnú jín rá te̱e kúmí veñu̱ꞌun káꞌnú sáá niniꞌ ráa Jesús, jee nka̱najíín ráa, jee nkachiꞌ ráa: ―¡Tekaa maa nu̱u̱nꞌ kurúsiꞌ! ¡Tekaa maa nu̱u̱nꞌ kurúsiꞌ! ―nkachiꞌ ráa. Jee nkachiꞌ Pilato nu̱u̱nꞌ ráa: ―Yaꞌá rán te̱e yaꞌá, jee tekaa maárán maa. Chi nuꞌuꞌ jee ni ntu̱náꞌ kua̱chi nnániꞌinꞌ ni̱ꞌ si̱kɨ̱ꞌ re̱ꞌ ―nkachiꞌ Pilato.

Hechos 5:22

Soo sáá nkenta rá mayóríꞌ veka̱a, ntu̱né nnániꞌinꞌ ráa rává. Jee nni̱kó ráa nna̱kani ráa,

Hechos 5:26

Jee kuíre capitán jín rá mayóríꞌ ña̱keꞌen ráa rává. Soo ntu nsáꞌá kini ráa rává, chi yúꞌví ráa to kuun rá ñɨvɨ yu̱u̱ꞌ ráa.