Mateo 26:35 - Mixteco del suroeste de Tlaxiaco Oaxaca

³⁵ Jee nkachiꞌ Pedro nu̱u̱nꞌ Jesús: ―Súnika̱ꞌ íyó kuviꞌ ni̱ꞌ jín noꞌó, soo ni nsáꞌ kachiꞌ ni̱ꞌ ya̱ ntu jíníꞌ ni̱ꞌ noꞌó ―nkachiꞌ Pedro, jee suni sukuán nkachiꞌ ntáká rá te̱e kútáꞌán jín Jesús ya̱ súkuáꞌa re̱ꞌ ráa.

Mateo 26:35 Referans Kwoze

Romanos 11:20

Va̱tu̱ni, chi jie̱ꞌe̱ꞌ ya̱ ntu nkúneí iniꞌ sava rá ñɨvɨ ñuunꞌ Israel vá Cristo jee nku̱ichi iniꞌ Ndiosíꞌ ráa nna̱neeꞌ re̱ꞌ ráa. Soo noꞌó, jie̱ꞌe̱ꞌ ya̱ kúneí iniꞌ nú Cristo íñɨ́ kutú nú nu̱u̱nꞌ re̱ꞌ. Saáva koto kútéyɨ́ɨ́ nú chisaꞌ kuyúꞌví iniꞌ nú.

Juan 13:37

Jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, ¿na̱ kuvi chi ntu kúvi kunikɨnꞌ ni̱ꞌ noꞌó ntañúꞌún? Chi íyó túꞌva ni̱ꞌ súka̱ꞌ kuviꞌ ni̱ꞌ jie̱ꞌe̱ꞌ nú ―nkachiꞌ Pedro.

1 Pedro 1:17

Jee ya̱ káchíꞌ rán ya̱ Ndiosíꞌ ví Tátáꞌ rán ya̱ maáréꞌ vá ntu tɨ́ɨn kuéntáꞌ re̱ꞌ ne̱ ɨɨn kúvi ta ɨɨn ɨɨn ñɨvɨ, chi ɨɨn nuún ni sánáaꞌ re̱ꞌ jie̱ꞌe̱ꞌ ta ɨɨn ɨɨn ráa sánikua̱ꞌ tiñu sáꞌá ráa. Jee saáva kuꞌun yúꞌví iniꞌ rán kɨtíñú rán nu̱u̱nꞌ re̱ꞌ tiempúꞌ ya̱ nééꞌ rán tékúꞌ rán iniꞌ ñɨ̱vɨ́ yaꞌá.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

1 Corintios 10:12

Jee saáva ɨɨn ñɨvɨ ya̱ jiáni iniꞌ‑i ya̱ íñɨ́ ni̱ꞌin‑i jín tu̱ꞌun I̱toꞌoꞌ‑ó, soo kumí‑i maáa nsuñájee kininkava‑a nu̱u̱nꞌ kua̱chi.

Mateo 10:33

Soo néni ɨɨn ñɨvɨ ya̱ káchíꞌ nu̱u̱nꞌ rá inka ñɨvɨ ya̱ ntu kúvi ni̱ꞌ I̱toꞌoꞌ ráa, jee suni sukuán kachiꞌ ni̱ꞌ nu̱u̱nꞌ Tátáꞌ ni̱ꞌ ya̱ nééꞌ antivɨ́ súkún ya̱ ntu yɨ́ꞌɨ́ ñɨvɨ vá nu̱u̱nꞌ ni̱ꞌ.