Mateo 26:29 - Mixteco del suroeste de Tlaxiaco Oaxaca

²⁹ Jee káchíꞌ ni̱ꞌ nu̱u̱nꞌ rán, ya̱ ne̱ vitan ni nsáꞌ koꞌo ni̱ꞌ ka̱ꞌ nixiꞌ yaꞌá ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa jín rán sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Mateo 26:29 Referans Kwoze

Apoclipsis 7:17

Chi maáréꞌ ya̱ kúvi re̱ꞌ Lanchi Lúlí Ndiosíꞌ ya̱ íñɨ́ ma̱ꞌñú teyuꞌ nu̱u̱nꞌ nééꞌ Ndiosíꞌ tátúníꞌ‑i jee kúmí re̱ꞌ ráa kuéntáꞌ lanchi re̱ꞌ kúvi ráa. Jee kunaka re̱ꞌ ráa kɨ̱ꞌɨ̱nꞌ re̱ꞌ jín ráa nu̱u̱nꞌ kéne nute ya̱ sáꞌá ya̱ kutekuꞌ ráa jín re̱ꞌ. Jee sijíchíꞌ Ndiosíꞌ nɨꞌɨ ntenúúnꞌ nchinúún ráa.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Marcos 14:25

Máá na̱a̱ꞌ káchíꞌ ni̱ꞌ nu̱u̱nꞌ rán ya̱ ni nsáꞌ koꞌo ni̱ꞌ ka̱ꞌ nixiꞌ ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa, sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Hechos 10:41

Soo nsú nu̱u̱nꞌ nɨꞌɨ ñɨvɨ ntu̱vi re̱ꞌ nsa̱ꞌá Ndiosíꞌ, chisaꞌ kua̱chi nu̱u̱nꞌ ráníꞌ, chi ñani ya̱chi̱ꞌ Ndiosíꞌ ránuꞌuꞌ ne̱ ntiáꞌan nkenta tiempúꞌ, sáva nástúvi ránꞌ ya̱ naáꞌ jie̱ꞌe̱ꞌ Jesús. Ránuꞌuꞌ kúvi ya̱ nyajiꞌ nkáá ránꞌ jín re̱ꞌ, jee niꞌi ránꞌ jín re̱ꞌ, ne̱sá nna̱tekuꞌ i̱i̱ꞌ re̱ꞌ nteñu rá níꞌiꞌ.

Juan 17:13

’Soo vitan jee kua̱najiaaꞌ ni̱ꞌ nu̱u̱nꞌ nééꞌ nú, soo ni nééꞌ ni̱ꞌ ntíꞌ ka̱ꞌ iniꞌ ñɨ̱vɨ́ yaꞌá jee káchíꞌ ni̱ꞌ rá tu̱ꞌun yaꞌá, sáva chitú ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ ráa, kuéntáꞌ kúsɨ́ɨꞌ iniꞌ nuꞌuꞌ.

Mateo 13:43

Saájee rá ñɨvɨ kino̱o na̱a̱ꞌ sáꞌá Ndiosíꞌ, jee na̱tuunꞌ nuva ráa kujianu̱te̱ꞌ ráa kuéntáꞌ kua̱ꞌ nka̱niiꞌ, nuñáꞌnú ráa xi̱ntíín Tátáꞌ ráa Ndiosíꞌ, sáá kenta tatúníꞌ re̱ꞌ nu̱u̱nꞌ nɨꞌɨ. Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Lucas 15:32

Soo jíniñúꞌún ya̱ saꞌá viko yaꞌá vitan jee nusɨ̱ɨ̱ꞌ iniꞌ‑ó, chi ñaniꞌ nú yaꞌá kuéntáꞌ níꞌiꞌ‑i, jee nna̱tekuꞌ‑u, chi nsu̱kuíta ni̱ꞌ maa, jee vitan nna̱niꞌinꞌ ni̱ꞌ maa”, nkachiꞌ tátáꞌ‑a ―nkachiꞌ Jesús.

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Juan 15:11

Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva kusɨ̱ɨ̱ꞌ iniꞌ ánímaꞌ rán kuéntáꞌ kúsɨ́ɨꞌ iniꞌ ni̱ꞌ, jee sáva chuchítú ni̱ꞌ nu̱u̱nꞌ kúsɨ́ɨꞌ iniꞌ ánímaꞌ rán.

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Mateo 18:20

Chi nu̱u̱nꞌ íyó tútú u̱vi̱ꞌ áxí u̱ni̱ꞌ ñɨvɨ jie̱ꞌe̱ꞌ yɨ́ꞌɨ́ ráa nu̱u̱nꞌ nuꞌuꞌ, jee nteñu ráa yukuán íyó ni̱ꞌ jín ráa ―nkachiꞌ Jesús.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Mateo 26:28

Yaꞌá ví ni̱ñɨ̱ꞌ ni̱ꞌ ya̱ nasokoꞌ ni̱ꞌ nu̱u̱nꞌ Ndiosíꞌ sáva kuna̱a̱ꞌ tratúꞌ kakɨnꞌ re̱ꞌ, chi katɨ ni̱ñɨ̱ꞌ ni̱ꞌ sáá kuviꞌ ni̱ꞌ jie̱ꞌe̱ꞌ rá kua̱chi kue̱ꞌe̱ꞌ ñɨvɨ sáva kunekáꞌnú iniꞌ re̱ꞌ jie̱ꞌe̱ꞌ kua̱chi ráa.

Mateo 26:30

Jee sáá nkuvi nita ráa ɨɨn yaaꞌ ya̱ nákuetúꞌún‑u Ndiosíꞌ, jee kuíre nkene ráa kua̱ꞌa̱nꞌ ráa yuku naní Olivos.