Mateo 26:27 - Mixteco del suroeste de Tlaxiaco Oaxaca

²⁷ Jee kuíre ntɨɨn re̱ꞌ ɨɨn vasúꞌ, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee njia̱ꞌa re̱ꞌ maa nu̱u̱nꞌ ráa, jee nkachiꞌ re̱ꞌ: ―Koꞌo ntáká rán yaꞌá.

Mateo 26:27 Referans Kwoze

1 Corintios 10:16

Jee sáá jíꞌi tútú‑ó copa ííꞌ nixiꞌ nu̱xi jee jiáꞌa‑ó ya̱ kútaꞌviꞌ‑ó nu̱u̱nꞌ Cristo, ¿á nsáꞌ sáꞌá‑ó maa chi násánuún‑ó iniꞌ‑ó jín ya̱ ni̱ꞌi̱ꞌ Cristo jie̱ꞌe̱ꞌ‑ó jee ñatɨ ni̱ñɨ̱ꞌ re̱ꞌ rúsa? Jee sunisaá sáá tásáva‑ó i̱xta̱tíláꞌ ya̱ yájíꞌ tútú nkáá‑ó maa, jee, ¿á nsáꞌ sáꞌá‑ó maa chi násánuún‑ó iniꞌ‑ó jín ya̱ nso̱ko̱ꞌ Cristo yɨkɨkúñu re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó rúsa?

1 Corintios 11:28

Saájee retú sukuán íyó, jee xíꞌna ka̱ꞌ íyó kototúníꞌ va̱ꞌa ta ɨɨn ɨɨn‑ó iniꞌ maáó retú íyó kua̱chi‑ó jee nakani iniꞌ‑ó jie̱ꞌe̱ꞌ‑e, saájee kuvi kajiꞌ rán i̱xta̱tíláꞌ vá, jee kuvi koꞌo rán ya̱ ñúꞌún iniꞌ vasúꞌ vá.

Lucas 22:20

Jee suni sukuán nsa̱ꞌá re̱ꞌ jín vasúꞌ ñúꞌún nixiꞌ nu̱xi uva, sáá nkuvi nku̱xíní re̱ꞌ jín ráa, jee ntɨɨn re̱ꞌ vasúꞌ, jee nkachiꞌ re̱ꞌ: ―Vasúꞌ yaꞌá ví tratúꞌ jiáá ya̱ kakɨnꞌ Ndiosíꞌ jín ni̱ñɨ̱ꞌ ni̱ꞌ ya̱ katɨ‑ɨ sáá kuviꞌ ni̱ꞌ sáva chunáán nkáꞌnú ni̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi rán.

Mateo 15:36

Jee ntɨɨn Jesús ni uxáꞌ rá i̱xta̱tíláꞌ vá, jín rá tia̱ká vá, jee njia̱ꞌa re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ. Jee ña̱ꞌnu̱ꞌ re̱ꞌ maa njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ vá, jee rá te̱e súkuáꞌa re̱ꞌ vá njia̱ꞌa maa nu̱u̱nꞌ rá ñɨvɨ kue̱ꞌe̱ꞌ vá.

Mateo 26:26

Jee ni yájíꞌ ráa, jee ntɨɨn Jesús ɨɨn i̱xta̱tíláꞌ jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa, jee njia̱ꞌa re̱ꞌ maa nu̱u̱nꞌ rá te̱e súkuáꞌa re̱ꞌ vá, jee nkachiꞌ re̱ꞌ: ―Tɨɨn rán maa, kajiꞌ rán maa, yaꞌá ví ñunéꞌyúꞌ ni̱ꞌ ―nkachiꞌ Jesús.

Mateo 26:28

Yaꞌá ví ni̱ñɨ̱ꞌ ni̱ꞌ ya̱ nasokoꞌ ni̱ꞌ nu̱u̱nꞌ Ndiosíꞌ sáva kuna̱a̱ꞌ tratúꞌ kakɨnꞌ re̱ꞌ, chi katɨ ni̱ñɨ̱ꞌ ni̱ꞌ sáá kuviꞌ ni̱ꞌ jie̱ꞌe̱ꞌ rá kua̱chi kue̱ꞌe̱ꞌ ñɨvɨ sáva kunekáꞌnú iniꞌ re̱ꞌ jie̱ꞌe̱ꞌ kua̱chi ráa.