Mateo 26:25 - Mixteco del suroeste de Tlaxiaco Oaxaca

²⁵ Saájee nna̱xiníkó Judas, te̱e ya̱ naku̱ꞌva re̱ꞌ Jesús, jee nkachiꞌ re̱ꞌ: ―¿Á nuꞌuꞌ ví‑i rúja?, Mestrúꞌ ―nkachiꞌ Judas. ―Maánú káchíꞌ maa ―nkachiꞌ Jesús.

Mateo 26:25 Referans Kwoze

Mateo 26:64

Jee nkachiꞌ Jesús nu̱u̱nꞌ re̱ꞌ: ―Nuꞌuꞌ ví‑i sáni nkachiꞌ kí nú maa, soo káchíꞌ ni̱ꞌ nu̱u̱nꞌ rán ya nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ne̱ vitan kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ, jee kuniꞌ rán niji ni̱ꞌ nu̱u̱nꞌ vi̱ko̱ꞌ súkún ―nkachiꞌ Jesús.

Mateo 27:11

Jee náka ráa Jesús nkenta ichinúúnꞌ te̱e nísotíñú naní Pilato, ya̱ kúvi gobernador, jee ni̱ka̱tu̱ꞌún Pilato Jesús: ―¿Á noꞌó kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ ñuunꞌ Israel? ―nkachiꞌ Pilato nu̱u̱nꞌ Jesús. Jee nna̱xiníkó Jesús nu̱u̱nꞌ Pilato: ―Noꞌó káchíꞌ nú maa ―nkachiꞌ Jesús.

Juan 18:37

Saájee nkachiꞌ Pilato nu̱u̱nꞌ Jesús: ―¿Á noꞌó kúvi te̱e nísotíñú tátúníꞌ nú résa? Jee nna̱xiníkó Jesús: ―Suvini̱ꞌ kúvi te̱e nísotíñú tátúníꞌ ni̱ꞌ kuéntáꞌ ya̱ nkachiꞌ kí nú. Chi jie̱ꞌe̱ꞌ yaꞌá kúvi ya̱ va̱ji ni̱ꞌ nkaku ni̱ꞌ iniꞌ ñɨ̱vɨ́ yaꞌá, sáva kachiꞌ ni̱ꞌ ya̱ naáꞌ. Ntáká ñɨvɨ ya̱ íñɨ́‑ɨ jín ya̱ naáꞌ, jee ñúꞌún iniꞌ ráa tɨ́ɨn ráa tu̱ꞌun káchíꞌ ni̱ꞌ ―nkachiꞌ Jesús.

Lucas 22:70

Saájee ni̱ka̱tu̱ꞌún nta̱ká ráa: ―Saájee, ¿á maánú kúvi Se̱ꞌya Ndiosíꞌ résa? ―nkachiꞌ ráa. Jee nkachiꞌ Jesús nu̱u̱nꞌ ráa: ―Suvi kúvi nijia ni̱ꞌ sánikua̱ꞌ káchíꞌ maárán ya̱ kúvi ni̱ꞌ ―nkachiꞌ Jesús.

Mateo 26:49

Jee kuísá ntañúꞌún ña̱kuyatin Judas nu̱u̱nꞌ Jesús, jee nkachiꞌ‑i nu̱u̱nꞌ re̱ꞌ: Tónkuaaꞌ‑ó, Mestrúꞌ ―nkachiꞌ‑i, jee nte̱yuꞌú‑u re̱ꞌ.

Mateo 23:7

Jee ñúnúunꞌ ráa ya̱ káꞌánꞌ yɨ́ñúꞌún ñɨvɨ jín ráa rá nu̱yáꞌvi, jín ya̱ káꞌánꞌ ñɨvɨ ráa mestrúꞌ.

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

Mateo 26:14

Saájee ɨɨn rá ni uxúꞌ u̱vi̱ꞌ (12) rá te̱e súkuáꞌa Jesús ráa, ya̱ naní Judas Iscariote, kua̱ꞌa̱nꞌ‑a nu̱u̱nꞌ rá su̱tu̱ꞌ kúñáꞌnú,

Juan 4:31

Jee ni kua̱ꞌa̱nꞌ ña, jee rá te̱e súkuáꞌa re̱ꞌ ráa, jíkánꞌ táꞌvíꞌ ráa nu̱u̱nꞌ re̱ꞌ: ―Mestrúꞌ, kajiꞌ nú ―nkachiꞌ ráa.