Mateo 26:24 - Mixteco del suroeste de Tlaxiaco Oaxaca

²⁴ Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ níso nu̱u̱nꞌ Tutuꞌ níso Tu̱ꞌun Ndiosíꞌ jie̱ꞌe̱ꞌ nuꞌuꞌ, soo ¡na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ! Va̱ꞌa ka̱ꞌ retánꞌ ntu nkáku te̱e yukuán nékúvi, [chi xe̱e̱nꞌ kunoꞌo re̱ꞌ] ―nkachiꞌ Jesús.

Mateo 26:24 Referans Kwoze

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Mateo 18:7

¡Na̱ ka̱ꞌ xe̱e̱nꞌ ka̱ꞌ kúvi jín ñɨvɨ ñɨ̱vɨ́ yaꞌá!, chi, ¡íyó víꞌí ya̱ xínínkava‑a nu̱u̱nꞌ kua̱chi! Jee sukuáni íyó maa, soo na̱ ka̱ꞌ náꞌví ka̱ꞌ ɨɨn ñɨvɨ ya̱ retú maáa xinínkava‑a inka ka̱ꞌ táꞌán‑a nu̱u̱nꞌ kua̱chi, [chi xe̱e̱nꞌ kunoꞌo‑o].

1 Corintios 15:3

Chi tu̱ꞌun ñáꞌnú ka̱ꞌ ya̱ nxi̱néꞌénꞌ ni̱ꞌ ránoꞌó, kúvi tu̱ꞌun ya̱ suni ni̱ꞌi̱nꞌ ni̱ꞌ maa nu̱u̱nꞌ maá Ndiosíꞌ ranika̱ꞌ. Jee suvi kúvi tu̱ꞌun vá ya̱ níꞌiꞌ Cristo sáva natavaꞌ re̱ꞌ yó nu̱u̱nꞌ kua̱chi‑ó, kuéntáꞌ sánikua̱ꞌ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ, ya̱ naní Escritura,

Juan 17:12

Chi ni nééꞌ ni̱ꞌ jín ráa iniꞌ ñɨ̱vɨ́ yaꞌá, jee nñu̱maꞌñu ñusava ni̱ꞌ ráa jín fuersáꞌ ni̱ꞌin ííꞌ níso nú ya̱ ntaji nú nu̱u̱nꞌ ni̱ꞌ. Jee nñu̱maꞌñu ñusava ni̱ꞌ ráa saáva ni ɨɨn ráa ntu ñánaanꞌ ráa, chisaꞌ métúꞌún ɨɨn ráa ni vá ña̱naanꞌ chi saá íyó kɨ̱naanꞌ re̱ꞌ, sáva nsi̱kúnkuvi nu̱u̱nꞌ káchíꞌ tu̱ꞌun nééꞌ nu̱u̱nꞌ Tutuꞌ ya̱ níso Tu̱ꞌun Ndiosíꞌ.

Lucas 22:22

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia ya̱ kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ nkuna̱a̱ꞌ iniꞌ Ndiosíꞌ ya̱ sukuán koo. Soo na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ ―nkachiꞌ Jesús.

Marcos 14:21

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia kɨ̱ꞌɨ̱nꞌ ni̱ꞌ kuviꞌ ni̱ꞌ, sánikua̱ꞌ níso nu̱u̱nꞌ Tutuꞌ níso Tu̱ꞌun Ndiosíꞌ jie̱ꞌe̱ꞌ nuꞌuꞌ. Soo, ¡na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ!, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ. Va̱ꞌa ka̱ꞌ retánꞌ ntu nkáku te̱e yukuán nékúvi, [chi xe̱e̱nꞌ kunoꞌo re̱ꞌ] ―nkachiꞌ re̱ꞌ.

Mateo 26:54

Soo retú tají re̱ꞌ ráa, ¿na̱ja kuvi sikúnkuvi tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ ya̱ káchíꞌ ya̱chi̱ꞌ ya̱ íyó kuvi suꞌva? ―nkachiꞌ Jesús.

Marcos 9:12

Suvire̱ꞌ nna̱xiníkó nu̱u̱nꞌ ráa: ―Máá nááꞌ nijia ya̱ kiji Elías xíꞌnañúꞌún, sáva nasástákoo jiáá re̱ꞌ nɨꞌɨ sáva nakuneenu̱u̱nꞌ rá ñɨvɨ Ndiosíꞌ. ¿Ná káchíꞌ Tu̱ꞌun Ndiosíꞌ nu̱u̱nꞌ Tutuꞌ Ííꞌ jie̱ꞌe̱ꞌ maáníꞌ?, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ. Ntee ráa ya̱ kunoꞌo víꞌí ni̱ꞌ jee kuichi iniꞌ rá ñɨvɨ nuꞌuꞌ.

Mateo 26:56

Soo nɨꞌɨ yaꞌá kúvi suꞌva sáva sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ ntee rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús. Saájee ntáká rá te̱e súkuáꞌa re̱ꞌ ráa nkeꞌen ráa nxi̱nóo ráa re̱ꞌ jee ninu ráa kua̱ꞌa̱nꞌ ráa.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Hechos 4:28

Sukuán nsa̱ꞌá ráa sáni ya̱ nkuna̱a̱ꞌ ya̱chi̱ꞌ iniꞌ nú yanaꞌán, sáni nkuini nú ya̱ kuvi jín fuersáꞌ ííꞌ nú.

Hechos 2:23

Nna̱ku̱ꞌva rán te̱e yaꞌá xi̱ntíín rá te̱e niva̱ꞌa. Jee ntee ráa maa nu̱u̱nꞌ kurúsiꞌ. Suꞌva ñaꞌniꞌ rán maa. Soo nsa̱ꞌá rán sáni ya̱ nkuna̱a̱ꞌ iniꞌ Ndiosíꞌ, jee ne̱ tióꞌ chíji jíníꞌ re̱ꞌ ya̱ kuvi sukuán sáni nsa̱náaꞌ re̱ꞌ.

Juan 19:28

Sáá njia̱ꞌa yaꞌá, jee ya̱ jíníꞌ Jesús ya̱ ya nɨꞌɨ rá tiñu njiáꞌa Tátáꞌ re̱ꞌ saꞌá re̱ꞌ nsi̱kúnkuvi re̱ꞌ maa, jee sáva ji̱nu tu̱ꞌun níso nu̱u̱nꞌ Tutuꞌ nééꞌ Tu̱ꞌun Ndiosíꞌ, jee nkachiꞌ Jesús: ―Jíchíꞌ ni̱ꞌ nute.

Juan 19:24

Saájee nkachiꞌ ráa nu̱u̱nꞌ ɨɨn inka ráa: ―Nsáꞌ stéꞌné‑ó maa chi va̱ꞌa ka̱ꞌ vá sikɨ́‑ó maa suertéꞌ, jee kuniꞌ‑ó né ɨɨn‑ó vá ni̱ꞌi̱nꞌ maa. Jee sukuán nkuvi jee nkuna̱a̱ꞌ sáni káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ: Jee nta̱sáva maáráa saꞌma ni̱ꞌ nu̱u̱nꞌ maáráa, jee nsi̱kɨ́ ráa maa suertéꞌ jee kuniꞌ ráa né ɨɨn ráa vá ni̱ꞌi̱nꞌ maa. Jee sukuán nsa̱ꞌá rá soldado.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 26:31

Saájee nkachiꞌ Jesús nu̱u̱nꞌ ráa: ―Ntáká ránoꞌó kininkava nayu̱ꞌví rán jee xinóo métúꞌún rán nuꞌuꞌ yakuááꞌ vitan, chi sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ jee nkachiꞌ re̱ꞌ: Kaꞌniꞌ ni̱ꞌ te̱e náka lanchi, jee kutenuun rá lanchi, káchíꞌ nu̱u̱nꞌ Tutuꞌ Ííꞌ.