Mateo 25:41 - Mixteco del suroeste de Tlaxiaco Oaxaca

⁴¹ ’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 25:41 Referans Kwoze

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

2 Tesalonicenses 1:9

Jee rá ñɨvɨ vá kunoꞌo nkáꞌnú ráa tu̱nóꞌó ya̱ ji̱ta ráa nɨ́ɨ́nkání, chi kusɨ́ɨ́n ráa nu̱u̱nꞌ I̱toꞌoꞌ‑ó, jín nu̱u̱nꞌ fuersáꞌ ííꞌ re̱ꞌ ya̱ viiꞌ kúñáꞌnú re̱ꞌ.

Mateo 13:42

Jee chuꞌun ráa rává nu̱u̱nꞌ ñúꞌúnꞌ xéénꞌ, jee yukuán kunaꞌyuꞌ rává ne̱ kaꞌñɨꞌ rá nu̱ꞌun rává.

Mateo 13:40

Jee kuéntáꞌ kua̱ꞌ túꞌun rá yu̱ku̱ꞌ ne̱ꞌén vá, ya̱ ka̱yu̱ꞌ‑u nu̱u̱nꞌ ñúꞌún xéénꞌ, jee sukuán kuvi sáá kenta ki̱vɨ̱ꞌ ji̱nu ñɨ̱vɨ́ yaꞌá.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Mateo 7:23

Saájee sanáaꞌ ni̱ꞌ nu̱u̱nꞌ ráa: “Ni ntu̱ví jíníꞌ ni̱ꞌ ránoꞌó. Kuiyo rán nu̱u̱nꞌ ni̱ꞌ, ránoꞌó ya̱ máni tiñu niváꞌa nsa̱ꞌá rán”, kachiꞌ ni̱ꞌ.

Mateo 3:12

Chi sukuán saꞌá sɨ́ɨ́n re̱ꞌ rá ñɨvɨ váꞌa jín rá ñɨvɨ niváꞌa, kuéntáꞌ ínaꞌá ɨɨn te̱e pala nu̱u̱nꞌ kúyutún trigúꞌ sáva ke̱in‑i trigúꞌ jín pala jee sikáa‑a vá sáá nátivɨ‑ɨ vá, jee saꞌá sɨ́ɨ́n re̱ꞌ nikɨn trigúꞌ jín ya̱ká. Jee nakeꞌen‑e trigúꞌ nachuꞌun iniꞌ yakaꞌ jee chuꞌun‑u rá ya̱ká nu̱u̱nꞌ ñuꞌúnꞌ ya̱ ni ntu náꞌváꞌ‑a nɨ́ɨ́nkání ―nkachiꞌ Juan.

Hebreos 6:8

Soo retú kéne yu̱ku̱ꞌ ne̱ꞌén jín yu̱ku̱ꞌ iñu nu̱u̱nꞌ ñu̱ꞌún vá, yukuán jee ntu̱náꞌ tiñu kuitɨꞌ‑ɨ, jee va̱kuyatin chisónínu Ndiosíꞌ maa jee kiji ya̱ kenta ka̱yu̱ꞌ‑u.

Mateo 13:50

Jee chuꞌun ráa rá ñɨvɨ níváꞌa iniꞌ i̱tu̱nꞌ máá na̱sɨ nu̱u̱nꞌ ñúꞌúnꞌ xéénꞌ, jee yukuán kunaꞌyuꞌ rává, ne̱ kaꞌñɨꞌ nu̱ꞌun rává ―nkachiꞌ Jesús.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.

Lucas 16:24

Saájee nka̱najíín re̱ꞌ, jee nkachiꞌ re̱ꞌ: “Tátáꞌ Abraham, kunáꞌví iniꞌ nú nuꞌuꞌ, jee chuichí nú Lázaro sáva chu̱náji re̱ꞌ xi̱ni̱ꞌ xi̱ntíín re̱ꞌ nu̱u̱nꞌ nute, jee xiníkó re̱ꞌ yáá ni̱ꞌ, chi nóꞌo nasɨ́kuitɨꞌ ni̱ꞌ nu̱u̱nꞌ ñuꞌúnꞌ xéénꞌ yaꞌá”, nkachiꞌ re̱ꞌ.

Lucas 13:27

Soo kachiꞌ re̱ꞌ nu̱u̱nꞌ rán: “Ntu̱ví jíníꞌ ni̱ꞌ ránoꞌó ni né núꞌ va̱ji rán. Kuiyo rán nu̱u̱nꞌ ni̱ꞌ kuáꞌán iyo ntáká rán ya̱ sáꞌá rán tiñu niva̱ꞌa.”

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Mateo 18:8

Jee saáva, retú sóꞌó naꞌá nú áxí jie̱ꞌe̱ꞌ nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa sukuíkó íká nú maa. Chi va̱ꞌa ka̱ꞌ ví nú ya̱ koo kúꞌlúꞌ nú áxí ya̱ koo lénkó nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ naꞌá nú, jín ni núvíꞌ jie̱ꞌe̱ꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ káyúꞌ‑u nɨ́ɨ́nkání.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Mateo 25:42

Chi sáá jíꞌíꞌ ni̱ꞌ so̱ko jee ntu̱ví ntáji rán kajiꞌ ni̱ꞌ, jee jíchíꞌ ni̱ꞌ nute jee ntu̱ví ntáji rán nute koꞌo ni̱ꞌ,

2 Tesalonicenses 1:7

Jee suni ránoꞌó, ya̱ nóꞌo rán, íyó na̱a̱ꞌ ya̱ sáꞌá re̱ꞌ ya̱ najia̱ví rán jín ránuꞌuꞌ nu̱u̱nꞌ ya̱ nkúnoꞌo‑ó ka̱ꞌ, sáá kene I̱toꞌoꞌ‑ó Jesús súkún nu̱u̱nꞌ nééꞌ Ndiosíꞌ. Jee kenta nijinꞌ re̱ꞌ yaꞌá jín rá najiáꞌáꞌ ííꞌ re̱ꞌ, ya̱ níso ráa fesáꞌ ííꞌ re̱ꞌ.