Mateo 25:17 - Mixteco del suroeste de Tlaxiaco Oaxaca

¹⁷ Jee suni sukuán nsa̱ꞌá inka ka̱ꞌ musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá, chi suni ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱vi̱ꞌ kustáꞌ ka̱ꞌ si̱kɨ̱ꞌ xu̱ꞌún vá.

Mateo 25:17 Referans Kwoze

Efesios 5:16

Vitan íyó tiempúꞌ jee kuniꞌvɨꞌ iniꞌ rán saꞌá rán tiñu ntaji Ndiosíꞌ saꞌá rán, chi tiempúꞌ vitan jee íyó víꞌí ñɨvɨ jíka ráa ichi niváꞌa.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”

2 Corintios 8:12

Chi retú ñúkáñá iniꞌ ɨɨn ñɨvɨ saꞌá‑a vá, jee kúváꞌa iniꞌ Ndiosíꞌ néꞌyá re̱ꞌ sáá ku̱ꞌva‑a sánikua̱ꞌ íyó kúmí‑i, jee nsáꞌ sánikua̱ꞌ ntu kúmí‑i.

Hechos 10:2

Suvire̱ꞌ jín nɨꞌɨ rá táꞌán veꞌi re̱ꞌ kúvi ráa ñɨvɨ néñu̱ꞌun ráa Ndiosíꞌ, jee ñúyúꞌví iniꞌ ráa nu̱u̱nꞌ Ndiosíꞌ. Jee sáꞌá víꞌí re̱ꞌ caridad nu̱u̱nꞌ rá ñɨvɨ láꞌví, jee sukuáni káꞌánꞌ re̱ꞌ jín Ndiosíꞌ.

Génesis 18:19

Chi nka̱ji ni̱ꞌ re̱ꞌ sáva tatúníꞌ re̱ꞌ nu̱u̱nꞌ rá se̱ꞌya re̱ꞌ jín nu̱u̱nꞌ rá ichiyúkúnꞌ re̱ꞌ kiji tiempúꞌ ichinúúnꞌ sáva chuꞌun re̱ꞌ ráa ichi I̱toꞌoꞌ kunikɨnꞌ ráa maa sáva saꞌá ráa nɨꞌɨ ya̱ kúvi ya̱ váꞌa jín ya̱ íyó na̱a̱ꞌ sáva sikúnkuvi ni̱ꞌ ya̱ nkachiꞌ ni̱ꞌ saꞌá ni̱ꞌ nu̱u̱nꞌ re̱ꞌ, ya̱ kúvi ni̱ꞌ I̱toꞌoꞌ.”

Mateo 25:16

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, kuísá ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱ꞌu̱nꞌ ka̱ꞌ kustáꞌ si̱kɨ̱ꞌ xu̱ꞌún vá.

Mateo 25:18

Soo musúꞌ ya̱ nni̱ꞌi̱nꞌ ɨɨn kustáꞌ xu̱ꞌún vá, ña̱ꞌa̱nꞌ‑a ñete‑e nu̱u̱nꞌ ñu̱ꞌún, jee nchi̱yuꞌuꞌ‑u xu̱ꞌún i̱toꞌoꞌ‑o vá chi̱ji ñuꞌun nu̱u̱nꞌ ñete‑e vá.