Mateo 25:14 - Mixteco del suroeste de Tlaxiaco Oaxaca

¹⁴ ’Jee ya̱ tátúníꞌ Ndiosíꞌ nu̱u̱nꞌ rá ñɨvɨ kúvi‑i kuéntáꞌ kua̱ꞌ ɨɨn te̱e ya̱ ya íyó túꞌva re̱ꞌ ya̱ kene re̱ꞌ kɨ̱ꞌɨ̱nꞌ íká re̱ꞌ inka ñuunꞌ, jee nkana re̱ꞌ rá musúꞌ re̱ꞌ, jee njia̱ꞌa re̱ꞌ xu̱ꞌún re̱ꞌ nu̱u̱nꞌ ta ɨɨn ráa satíñú ráa jín‑i.

Mateo 25:14 Referans Kwoze

Marcos 13:34

Sukuán íyó kuéntáꞌ íyó ɨɨn te̱e ya̱ nkene‑e veꞌi‑i jee kua̱ꞌa̱nꞌ íká‑a. Jee ne̱ ntiáꞌan kene re̱ꞌ, jee njia̱ꞌa re̱ꞌ nu̱u̱nꞌ ta ɨɨn rá musúꞌ re̱ꞌ tiñu sáꞌá ráa, sáva kuneen kuéntáꞌ ráa veꞌi re̱ꞌ. Jee nta̱túníꞌ re̱ꞌ nu̱u̱nꞌ te̱e kúmí yuvéꞌí, ya̱ nito koo‑o.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

1 Corintios 12:4

Jee sɨ́ɨ́n sɨ́ɨ́n ta̱ꞌvi̱ꞌ íyó ya̱ níꞌínꞌ ta ɨɨn ɨɨn‑ó sáni tiñu chíneí re̱ꞌ saꞌá ta ñɨvɨ, soo ɨɨn ni Ta̱chi̱ꞌ Ííꞌ jiáꞌa rá ta̱ꞌvi̱ꞌ vá.

Mateo 21:33

’Teso̱ꞌo ránú inka ka̱ꞌ tu̱ꞌun kúnkunuún yaꞌá: Ni̱yo ɨɨn te̱e kúvi i̱toꞌoꞌ xí ñuꞌun, jee ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ, jee ñasɨꞌ re̱ꞌ kuráꞌ yuꞌú nu̱u̱nꞌ káá rá yokúꞌúꞌ uva vá, jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva, jee nsa̱ꞌá re̱ꞌ ɨɨn veꞌi súkún sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa jee nkene re̱ꞌ kua̱ꞌa̱nꞌ íká re̱ꞌ.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

Lucas 20:9

Jee nka̱jiéꞌé Jesús káchíꞌ re̱ꞌ nu̱u̱nꞌ rá ñɨvɨ tu̱ꞌun kúnkunuún yaꞌá suꞌva: ―Ɨɨn te̱e ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ. Jee njia̱núún re̱ꞌ maa nu̱u̱nꞌ rá te̱e sátíñú maa, jee nkene re̱ꞌ kua̱ꞌa̱nꞌ re̱ꞌ kue̱ꞌe̱ꞌ tiempúꞌ.