Mateo 25:12 - Mixteco del suroeste de Tlaxiaco Oaxaca

¹² ’Soo nna̱xiníkó re̱ꞌ nu̱u̱nꞌ ráa, jee nkachiꞌ re̱ꞌ: “Maa nááꞌ vá káchíꞌ ni̱ꞌ nu̱u̱nꞌ rán ya̱ ntu jíníꞌ ni̱ꞌ ránoꞌó”, nkachiꞌ re̱ꞌ nu̱u̱nꞌ ráa.

Mateo 25:12 Referans Kwoze

1 Corintios 8:3

Soo retú néni ɨɨn ñɨvɨ ya̱ ñúnúunꞌ‑u Ndiosíꞌ, jee jíníꞌ Ndiosíꞌ iniꞌ‑i jee ma̱ni̱ꞌ re̱ꞌ jín‑i.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Juan 10:27

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

Juan 9:31

Jee jíníꞌ‑ó ya̱ Ndiosíꞌ ntu̱ví tɨ́ɨn kuéntáꞌ re̱ꞌ rá tu̱ꞌun jíkánꞌ táꞌvíꞌ rá ñɨvɨ íyó kua̱chi nu̱u̱nꞌ re̱ꞌ. Soo retú ɨɨn ñɨvɨ ya̱ ñúyúꞌví iniꞌ‑i Ndiosíꞌ, jee retú saꞌá‑a ya̱ sáni kuíni re̱ꞌ, saájee tɨ́ɨn kuéntáꞌ re̱ꞌ maa.

Gálatas 4:9

Soo vitan re ya̱ ma̱ni̱ꞌ rán jín Ndiosíꞌ. Soo va̱ꞌa ka̱ꞌ kachiꞌ‑ó ya̱ ma̱ni̱ꞌ Ndiosíꞌ jín ránoꞌó. ¿Na̱ja kúvi ya̱ nikó rán rá ñujiínꞌ saɨn sáꞌá ñɨvɨ ñɨ̱vɨ́, ya̱ ntu íyótiñu rúja? Jee, ¿na̱ja kúvi ya̱ kuíni rán ki̱vɨ tuku rán chi̱ji xi̱ntíín ráa, sáva kuvi tuku rán ɨɨn musúꞌ ya̱ sátíñú ka̱ꞌá rán nu̱u̱nꞌ ráa rúja?

Mateo 25:11

’Jee kuíre kuéé ka̱ꞌ suni nkenta rá ni úꞌúnꞌ ka̱ꞌ rá ñaꞌan súchí núún vá, jee nkachiꞌ ráa: “¡I̱toꞌoꞌ, i̱toꞌoꞌ!, kune yuvéꞌí.”

Mateo 25:13

Jee nkachiꞌ Jesús: ―Saáva nito koo rán chi ntu̱ví jíníꞌ rán na̱ ki̱vɨ̱ꞌ ni na̱ hora kiji tuku nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́.

Lucas 13:25

Chi kuéntáꞌ ɨɨn te̱e xí veꞌi nakuiñɨꞌ re̱ꞌ jee nakasɨꞌ re̱ꞌ yuvéꞌí, jee sáá nakasɨꞌ re̱ꞌ yuvéꞌí, jee kino̱o rán kuiñɨ rán ta̱ve̱ꞌí, jee sikájián rán yuvéꞌí, jee kachiꞌ rán: “I̱toꞌoꞌ, kune nú sáva ki̱vɨ ráníꞌ”, jee kachiꞌ re̱ꞌ nu̱u̱nꞌ ránú: “Ntu jíníꞌ ni̱ꞌ ránoꞌó ni né núꞌ va̱ji rán”, kachiꞌ re̱ꞌ.