Mateo 24:44 - Mixteco del suroeste de Tlaxiaco Oaxaca

⁴⁴ Jee saáva suni ránoꞌó nito koo rán satúꞌva rán maárán, chi máá hora ya̱ ntu ñúꞌún iniꞌ rán, jee niji ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:44 Referans Kwoze

Mateo 25:10

’Jee ni kua̱ꞌa̱nꞌ rá ñaꞌan súchí núún kua̱keꞌen ráa aceite jee nkanta te̱e tánáꞌá vá, jee ni úꞌúnꞌ rá ñaꞌan ya̱ íyó tu̱ꞌva ráa jín kantil ráa, jee nki̱vɨ ráa jín te̱e tánáꞌá vá iniꞌ veꞌi nu̱u̱nꞌ íyó viko tánáꞌá vá, jee nna̱kasɨꞌ yuvéꞌí nu̱u̱nꞌ nkívɨ ráa vá.

Mateo 25:13

Jee nkachiꞌ Jesús: ―Saáva nito koo rán chi ntu̱ví jíníꞌ rán na̱ ki̱vɨ̱ꞌ ni na̱ hora kiji tuku nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́.

Mateo 24:42

Saáva nito koo rán, chi ntu jíníꞌ rán na̱ ki̱vɨ̱ꞌ niji I̱toꞌoꞌ rán.

Lucas 12:40

Jee suni ránoꞌó nito koo rán satúꞌva rán maárán, chi máá hora ya̱ ntu ñúꞌún iniꞌ rán jee niji ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

Mateo 24:27

Chi kuéntáꞌ kua̱ꞌ sáꞌá tajia sáá jiánu̱te̱ꞌ‑e ne̱ nu̱u̱nꞌ kénta nka̱niiꞌ jee nátúvi ne̱ nu̱u̱nꞌ táꞌánꞌ nka̱niiꞌ, sukuán natu̱vi ni̱ꞌ ki̱vɨ̱ꞌ kiji tuku nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Apoclipsis 19:7

¡Na̱ ka̱ꞌ kusɨ̱ɨ̱ꞌ iniꞌ‑ó, jee sɨ̱ɨ̱ꞌ kuvi iniꞌ ánímaꞌ‑ó, nakuetúꞌún‑ó re̱ꞌ chi máá kúñáꞌnú kúvi re̱ꞌ! Chi ya̱ nkenta viko tánáꞌá maáréꞌ ya̱ kuvi Lanchi Lúlí, jee nkenta tana̱ꞌá re̱ꞌ. Jee rá ñɨvɨ yɨ́ꞌɨ́ xi̱ntíín Ndiosíꞌ kúvi ráa kuéntáꞌ kúvi ñaꞌan ya̱ ya íyó tu̱ꞌva ña ya̱ tana̱ꞌá ña jín re̱ꞌ.

Santiago 5:9

Ránoꞌó ñaniꞌ jín ku̱ꞌva, koto násóyu̱ꞌú rán nu̱u̱nꞌ ɨɨn inka táꞌán rán, sáva ntu kúnáaꞌ kua̱chi si̱kɨ̱ꞌ rán. Kune̱ꞌyá rán, Ndiosíꞌ ya̱ suvire̱ꞌ vá jiéꞌnéꞌ kua̱chi yatin niji re̱ꞌ, kuéntáꞌ ya ñúneen re̱ꞌ yuvéꞌí.

Mateo 24:43

Saáva íyó kukáꞌnú iniꞌ rán yaꞌá: retánꞌ jíníꞌ te̱e xí veꞌi na̱ hora yakuááꞌ kenta te̱e kuíꞌná sakuíꞌná‑a, jee kunito re̱ꞌ, jee nsáꞌ ku̱ꞌva re̱ꞌ ki̱vɨ‑ɨ iniꞌ veꞌi re̱ꞌ sakuíꞌná‑a.

Lucas 12:39

Jee íyó kukáꞌnú iniꞌ rán yaꞌá: retánꞌ jíníꞌ te̱e xí veꞌi na̱ hora kenta te̱e kuíꞌná sakuíꞌná‑a, [jee koo nito re̱ꞌ kumí re̱ꞌ veꞌi re̱ꞌ] nsáꞌ ku̱ꞌva re̱ꞌ ki̱vɨ‑i iniꞌ veꞌi re̱ꞌ sakuíꞌná‑a.

Lucas 21:36

Saáva nito koo rán, ka̱ka̱nꞌ táꞌvíꞌ rán nu̱u̱nꞌ Ndiosíꞌ ntáká tiempúꞌ, sáva kuneí rán ka̱ku rán nu̱u̱nꞌ nta̱ká rá tu̱nóꞌó yaꞌá kiji, jee sáva kuneí rán kenta rán kuiñɨ rán ichinúúnꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.