Mateo 24:31 - Mixteco del suroeste de Tlaxiaco Oaxaca

³¹ Jee tají ni̱ꞌ rá najiáꞌáꞌ ííꞌ ni̱ꞌ ntántúníꞌ ni̱ꞌin tivɨꞌ ráa trompeta, jee nastútú ráa ñɨvɨ nka̱ji ni̱ꞌ kuvi ráa ñɨvɨ ni̱ꞌ ne̱ nu̱u̱nꞌ ni kúmíꞌ rá íyo ichi ñɨ̱vɨ́, ne̱ íyo ka̱ꞌ ichi ñɨ̱vɨ́, jín ne̱ íyo ka̱ꞌ ichi antivɨ́ ya̱ta̱ꞌ ñɨ̱vɨ́.

Mateo 24:31 Referans Kwoze

1 Tesalonicenses 4:16

Chi máá maá I̱toꞌoꞌ‑ó kinkuun súkún, sáá kanajíín Ndiosíꞌ tatúníꞌ re̱ꞌ, jee kanajíín ɨɨn ta̱chi̱yuꞌú ɨɨn najiáꞌáꞌ ííꞌ kúñáꞌnú ka̱ꞌ, ya̱ káchíꞌ‑ó arcángel, jee tivɨꞌ nusuꞌ ɨɨn trompeta Ndiosíꞌ. Saájee rá níꞌiꞌ ya̱ yɨ́ꞌɨ́ ráa nu̱u̱nꞌ Cristo, xíꞌnañúꞌún ráa ka̱ꞌ natekuꞌ i̱i̱ꞌ ráa jee nako̱o yɨkɨkúñu ráa.

Marcos 13:27

Jee kuíre chuichí ni̱ꞌ rá najiáꞌáꞌ ííꞌ ni̱ꞌ jee nastútú ráa rá ñɨvɨ nka̱ji ni̱ꞌ kuvi ráa ñɨvɨ ni̱ꞌ, ne̱ nu̱u̱nꞌ ni kúmíꞌ ichi ñɨ̱vɨ́, ne̱ íyo ka̱ꞌ ichi ñɨ̱vɨ́, jín ne̱ íyo ka̱ꞌ ichi antivɨ́ ya̱ta̱ꞌ ñɨ̱vɨ́.

1 Corintios 15:52

Chi tiempúꞌ ji̱nu nu̱u̱nꞌ nɨ́ꞌɨ ya̱ tivɨꞌ trompeta nu̱u̱nꞌ nɨ́ꞌɨ, chi tivɨꞌ trompeta jee kuíntañúꞌún kuéntáꞌ ɨɨn ya̱ núun su̱kua̱ꞌ ni, jee nastekúꞌ Ndiosíꞌ rá ñɨvɨ níꞌiꞌ xinákóo re̱ꞌ ráa nteñu rá ni̱yɨ, sáva ni nsáꞌ ti̱vɨ́‑ɨ ka̱ꞌ, jee nasama Ndiosíꞌ yɨkɨkúñu‑ó.

Mateo 13:41

Jee nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́, chuichí ni̱ꞌ ráa najiáꞌáꞌ ííꞌ ni̱ꞌ, jee nastútú ráa rá ñɨvɨ ya̱ xínínkava‑a táꞌán‑a nu̱u̱nꞌ kua̱chi, jín rá ñɨvɨ jiáꞌnu níváꞌa, tavaꞌ ráa rává nteñu rá ñɨvɨ yɨ́ꞌɨ́ xi̱ntíín ni̱ꞌ ya̱ tátúníꞌ ni̱ꞌ nu̱u̱nꞌ rá ñɨvɨ vá.

2 Tesalonicenses 2:1

Ntañúꞌún káꞌánꞌ ránꞌ jie̱ꞌe̱ꞌ ya̱ niji I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ ya̱ nastútú re̱ꞌ yó jín re̱ꞌ. Ránoꞌó, ñanitáꞌán, jíkánꞌ ránꞌ ya̱

Efesios 1:10

Chi sikúnkuvi re̱ꞌ maa sáá kenta máá tiempúꞌ ya̱ nkáji re̱ꞌ, ya̱ nachiꞌi re̱ꞌ ntáká nantíñú xi̱ntíín Cristo, rá íyó antivɨ́ jín rá íyó iniꞌ ñɨ̱vɨ́ yaꞌá.

Juan 11:52

Jee nsú kua̱chi kuitɨꞌ jie̱ꞌe̱ꞌ rá ñɨvɨ ñuunꞌ yaꞌá kuviꞌ re̱ꞌ, chisaꞌ suni kuviꞌ re̱ꞌ sáva kua̱íyó kuitɨꞌ rá ñɨvɨ ya̱ kúvi se̱ꞌya Ndiosíꞌ ya̱ ñe̱te̱nuun ráa nééꞌ ráa rá ñuunꞌ íyó ñɨ̱vɨ́ yaꞌá, jee nastútú re̱ꞌ ráa sáva ɨɨn ni ka̱ꞌ nuvi nta̱ká ráa.

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Apoclipsis 7:1

Sáá nkuvi rá yaꞌá jee niniꞌ ni̱ꞌ ni kúmíꞌ rá najiáꞌáꞌ ííꞌ Ndiosíꞌ ya̱ íñɨ́ ráa ni kúmíꞌ ichi ñɨ̱vɨ́. Jee chítuvi ráa ta̱chi̱ꞌ víjin ya̱ va̱ji ne̱ nu̱u̱nꞌ rá kúmíꞌ ichi ñɨ̱vɨ́, sáva ntu jiáꞌa ráa kɨꞌɨ‑ɨ nu̱u̱nꞌ ñu̱ꞌún iniꞌ ñɨ̱vɨ́, ni nu̱u̱nꞌ nteñúꞌún, ni nu̱u̱nꞌ ni ɨɨn yutun.

Apoclipsis 8:2

Saájee nuꞌuꞌ, Juan, niniꞌ ni̱ꞌ u̱xa̱ꞌ rá najiáꞌáꞌ ííꞌ íñɨ́ ráa ichinúúnꞌ Ndiosíꞌ. Jee nni̱ꞌi̱nꞌ ráa u̱xa̱ꞌ trompeta.

Romanos 10:18

Soo káchíꞌ ni̱ꞌ: ¿Á ntiáꞌan teso̱ꞌo ráa maa? Maá nááꞌ nijia ya̱ nteso̱ꞌo ráa maa. Káchíꞌ nu̱u̱nꞌ Tutuꞌ Ííꞌ: Nu̱u̱nꞌ nta̱ká ichi nu̱u̱nꞌ ñu̱ꞌún yaꞌá ñe̱te̱nuun tu̱ꞌun re̱ꞌ tékútu̱ꞌún‑u, jín ne̱ nu̱u̱nꞌ jínu ñɨ̱vɨ́ yaꞌá nkenta tu̱ꞌun ráa jie̱ꞌe̱ꞌ re̱ꞌ.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Mateo 24:22

Jee retánꞌ ntu̱ví nasaꞌá kuítɨ́ I̱toꞌoꞌ‑ó tiempúꞌ tu̱nóꞌó vá, jee ni ɨɨn ñɨvɨ nkáku nékúvi, soo jie̱ꞌe̱ꞌ rá ñɨvɨ nkáji Ndiosíꞌ sáva ki̱vɨ ráa xi̱ntíín re̱ꞌ, saáva nasaꞌá kuítɨ́ re̱ꞌ tiempúꞌ vá.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Apoclipsis 1:20

Vitan jee stúvi ni̱ꞌ ntáká rá tu̱ꞌun ñúyuꞌuꞌ iniꞌ ni̱ꞌ, ná kúníꞌ kachiꞌ jie̱ꞌe̱ꞌ ni uxáꞌ rá tiu̱u̱nꞌ ya̱ niniꞌ nú ya̱ ínaꞌá ni̱ꞌ ichi naꞌá kuáꞌá ni̱ꞌ, jín jie̱ꞌe̱ꞌ ni uxáꞌ rá kantilerúꞌ oro: ni uxáꞌ rá tiu̱u̱nꞌ vá kúvi‑i ni uxáꞌ rá kúñáꞌnú ya̱ néen kuéntáꞌ ráa ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ni uxáꞌ rá kantilerúꞌ vá kúvi‑i ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 24:32

’Kutu̱ꞌva rán ya̱ xínéꞌénꞌ tu̱ꞌun kúnkunuún káꞌánꞌ jie̱ꞌe̱ꞌ yutun higo: Sáá ya núyúté rá naꞌá yutun‑u, jee néneyúté rá naꞌá yu̱ku̱ꞌ‑u, jee ya jíníꞌ rán ya̱ ya va̱ji nku̱yatin rá yo̱o̱ꞌ tiempúꞌ sááꞌ.

Hebreos 12:19

jín nu̱u̱nꞌ nteso̱ꞌo ráa nusuꞌ trompeta, jín nusuꞌ ta̱chi̱yuꞌú Ndiosíꞌ tu̱ꞌun káchíꞌ‑i nu̱u̱nꞌ ráa. Jee sáá nteso̱ꞌo ráa maa, jee ne̱ nkakua̱chi ráa ya̱ ni nka̱ꞌánꞌ‑a ka̱ꞌ.