Mateo 24:27 - Mixteco del suroeste de Tlaxiaco Oaxaca

²⁷ Chi kuéntáꞌ kua̱ꞌ sáꞌá tajia sáá jiánu̱te̱ꞌ‑e ne̱ nu̱u̱nꞌ kénta nka̱niiꞌ jee nátúvi ne̱ nu̱u̱nꞌ táꞌánꞌ nka̱niiꞌ, sukuán natu̱vi ni̱ꞌ ki̱vɨ̱ꞌ kiji tuku nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:27 Referans Kwoze

2 Pedro 3:4

Jee kachiꞌ ráa: “¿Né núꞌ íyó ya̱ nchi̱sóyuꞌú Cristo ya̱ nenta tuku re̱ꞌ rúja? Chi ne̱ ki̱vɨ̱ꞌ ya̱ níꞌiꞌ rá tataꞌ jííꞌ‑ó yanaꞌán jee ne̱ vitan, jee íyó i̱i̱ꞌ sáá íyó nɨꞌɨ kuitɨꞌ ne̱ sáá ña̱ko̱o ñɨ̱vɨ́ nékúvi”, kachiꞌ ráa.

Santiago 5:8

Jee suni íyó káꞌnú koo iniꞌ rán jee íyó kuiñɨ ni̱ꞌin rán ne̱ ánímaꞌ rán, chi va̱ji kuyatin niji I̱toꞌoꞌ‑ó.

Mateo 24:39

Jee ntu jíníꞌ ráa ná kuvi ne̱kua̱ꞌ nkenta jiásɨ́ꞌ nute kue̱ꞌe̱ꞌ nu̱u̱nꞌ ñu̱ꞌún, jee nteni nɨꞌɨ kuitɨꞌ ráa, jee suni suꞌva kuvi sáá niji nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:37

’Chi kuéntáꞌ kua̱ꞌ nkuvi ne̱ rá ki̱vɨ̱ꞌ ntekuꞌ Noé ne̱ yanaꞌán, jee suni sukuán koo sáá niji tuku ni̱ꞌ, nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Mateo 24:3

Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.

Mateo 8:20

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ Jesús.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Mateo 24:26

Saáva retú káchíꞌ ráa nu̱u̱nꞌ ránoꞌó: “Kune̱ꞌyá, íñɨ́ Cristo ne̱ nu̱u̱nꞌ ñu̱ꞌún saɨn nu̱u̱nꞌ ntu̱náꞌ íyó yukuán”, kachiꞌ ráa, jee koto kéne rán kɨ̱ꞌɨ̱nꞌ rán kune̱ꞌyá rán yukuán. Áxí retú kachiꞌ ráa: “Kune̱ꞌyá, chi iniꞌ veꞌi yaꞌá nééꞌ‑e”, kachiꞌ ráa, jee koto ínúꞌ iniꞌ rán ya̱ káchíꞌ ráa.

Mateo 24:44

Jee saáva suni ránoꞌó nito koo rán satúꞌva rán maárán, chi máá hora ya̱ ntu ñúꞌún iniꞌ rán, jee niji ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.