Mateo 24:25 - Mixteco del suroeste de Tlaxiaco Oaxaca

²⁵ Jee teso̱ꞌo va̱ꞌa rán, chi ya nstúꞌva ya̱chi̱ꞌ ni̱ꞌ ránoꞌó jie̱ꞌe̱ꞌ rá tiñu vá ne̱ ntiáꞌan kuvi‑i suꞌva.

Mateo 24:25 Referans Kwoze

Juan 16:1

’Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva nsáꞌ kininkava rán xinóo rán kuneí iniꞌ rán ka̱ꞌ nuꞌuꞌ.

Lucas 21:13

Jee suꞌva naku̱ꞌva ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa.

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 24:26

Saáva retú káchíꞌ ráa nu̱u̱nꞌ ránoꞌó: “Kune̱ꞌyá, íñɨ́ Cristo ne̱ nu̱u̱nꞌ ñu̱ꞌún saɨn nu̱u̱nꞌ ntu̱náꞌ íyó yukuán”, kachiꞌ ráa, jee koto kéne rán kɨ̱ꞌɨ̱nꞌ rán kune̱ꞌyá rán yukuán. Áxí retú kachiꞌ ráa: “Kune̱ꞌyá, chi iniꞌ veꞌi yaꞌá nééꞌ‑e”, kachiꞌ ráa, jee koto ínúꞌ iniꞌ rán ya̱ káchíꞌ ráa.

2 Corintios 13:2

Sáni ya̱ nkachiꞌ ni̱ꞌ sáá nneeꞌ ni̱ꞌ jín rán ya̱ uvíꞌ íchí, jee vitan sáá íyó íká ni̱ꞌ nu̱u̱nꞌ rán, jee suni sukuán stúꞌva ya̱chi̱ꞌ ni̱ꞌ nu̱u̱nꞌ rá ñɨvɨ rán ya̱ nsa̱ꞌá ráa kua̱chi, jín nu̱u̱nꞌ nta̱ká rá inka rán ka̱ꞌ, ya̱ sáá kenta tuku ni̱ꞌ i̱ña̱ꞌ, jee nkɨ́netu ni̱ꞌ jín rá nsa̱ꞌá kua̱chi.