Mateo 24:14 - Mixteco del suroeste de Tlaxiaco Oaxaca

¹⁴ Jee tu̱ꞌun váꞌa yaꞌá ya̱ káꞌánꞌ‑a jie̱ꞌe̱ꞌ ya̱ kúvi ki̱vɨ̱ꞌ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa te̱ku̱tu̱ꞌún‑u nu̱u̱nꞌ nɨ́ɨ́nkáꞌnú nu̱u̱nꞌ ñɨ̱vɨ́ yaꞌá, sáva stúvi ya̱ nááꞌ nu̱u̱nꞌ ñɨvɨ nta̱ká ñuunꞌ ñɨ̱vɨ́ yaꞌá, saájee kenta ji̱nu tiempúꞌ nu̱u̱nꞌ nɨ́ꞌɨ.

Mateo 24:14 Referans Kwoze

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Romanos 10:18

Soo káchíꞌ ni̱ꞌ: ¿Á ntiáꞌan teso̱ꞌo ráa maa? Maá nááꞌ nijia ya̱ nteso̱ꞌo ráa maa. Káchíꞌ nu̱u̱nꞌ Tutuꞌ Ííꞌ: Nu̱u̱nꞌ nta̱ká ichi nu̱u̱nꞌ ñu̱ꞌún yaꞌá ñe̱te̱nuun tu̱ꞌun re̱ꞌ tékútu̱ꞌún‑u, jín ne̱ nu̱u̱nꞌ jínu ñɨ̱vɨ́ yaꞌá nkenta tu̱ꞌun ráa jie̱ꞌe̱ꞌ re̱ꞌ.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Mateo 10:7

’Kuáꞌán rán, jee stekútu̱ꞌún rán nu̱u̱nꞌ rá ñɨvɨ ya̱ ya nku̱yatin nu̱u̱nꞌ ráa ya̱ kuvi ki̱vɨ ráa naꞌá Ndiosíꞌ ya̱ nééꞌ re̱ꞌ antivɨ́ súkún re̱ꞌ sáva tatúníꞌ re̱ꞌ nu̱u̱nꞌ ráa.

Mateo 9:35

Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.

Colosenses 1:6

Tu̱ꞌun vá nkenta nu̱u̱nꞌ rán, sáni kénta‑a nu̱u̱nꞌ rá ñɨvɨ nɨꞌɨ ñɨ̱vɨ́. Sáꞌá tu̱ꞌun váꞌa vá ya̱ váꞌa iniꞌ ráa, sánikua̱ꞌ ɨɨn yutun váꞌa kúun ya̱ vixíꞌ váꞌa, jee jiáꞌnu ka̱ꞌ tu̱ꞌun vá iniꞌ ráa. Suꞌva sáꞌá tu̱ꞌun vá sánikua̱ꞌ suni sukuán sáꞌá‑a jín rán ne̱ sáá ki̱vɨ̱ꞌ nteso̱ꞌo rán maa, jee nku̱káꞌnú noo iniꞌ rán ya̱ nááꞌ nijia íyó ma̱ni̱ꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó ya̱ koo ma̱ni̱ꞌ iniꞌ re̱ꞌ kune̱ꞌyá re̱ꞌ yó.

Mateo 24:6

Jee teso̱ꞌo rán ya̱ íyó tu̱kantaꞌan ɨɨn ñuunꞌ jín inka ñuunꞌ, jín ya̱ koo tu̱kantaꞌan. Soo kumí rán maárán ya̱ koto ñúyúꞌví iniꞌ rán, chi saá íyó kuvi rá tu̱nóꞌó yaꞌá, soo ntiáꞌan kenta ji̱nu tiempúꞌ nu̱u̱nꞌ nɨꞌɨ.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Hechos 17:6

Soo sáá ntu nnániꞌinꞌ ráa rává, nsi̱úꞌun ráa Jasón jín kéꞌín rá ñaniꞌ jínúꞌ iniꞌ tu̱ꞌun Jesús kua̱ꞌa̱nꞌ nu̱u̱nꞌ rá te̱e néetiñu ñuunꞌ vá. Jee nka̱najíín ráa: ―Suviráa ví ya̱ sáꞌá kue̱ꞌe̱ꞌ tuntíxín nɨꞌɨ ñɨ̱vɨ́, jee suni nkiaaꞌ ráa yaꞌá.

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

Hechos 20:25

’Jee ntañúꞌún teso̱ꞌo rán. Jíníꞌ ni̱ꞌ ya̱ nku̱níꞌ nɨꞌɨ rán ka̱ꞌ nuꞌuꞌ. Nteñu rán ni̱kónúun ni̱ꞌ, jee nste̱kútu̱ꞌún ni̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i.

Mateo 24:3

Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.

Apoclipsis 16:14

Jee kúvi ráa ta̱chi̱ꞌ kíni kui̱ꞌna̱ꞌ, ya̱ sáꞌá ráa seña a̱nasɨ́. Jee kua̱ꞌa̱nꞌ ráa nu̱u̱nꞌ rá ñɨvɨ nísotíñú ya̱ tátúníꞌ nu̱u̱nꞌ nta̱ká rá ñuunꞌ kua̱íyó ñɨ̱vɨ́ nu̱u̱nꞌ nééꞌ ñɨvɨ, sáva nastútú ráa rává jín rá soldado rává kantáꞌán rává si̱kɨ̱ꞌ Ndiosíꞌ, máá ki̱vɨ̱ꞌ ñáꞌnú ñani Ndiosíꞌ keꞌneꞌ re̱ꞌ kua̱chi rá ñɨvɨ, ya̱ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Lucas 4:5

Saájee nnaka kui̱ꞌna̱ꞌ vá re̱ꞌ nsi̱káa‑a re̱ꞌ kua̱ꞌa̱nꞌ‑a jín re̱ꞌ ɨɨn xi̱ni̱ꞌ yuku súkún víꞌí, jee nstúvi‑i ɨɨnúún ni nu̱u̱nꞌ re̱ꞌ ntáká rá ñuunꞌ íyó ñɨ̱vɨ́.

Hechos 1:2

jín ne̱ ki̱vɨ̱ꞌ nna̱keꞌen Tátáꞌ re̱ꞌ maáréꞌ kua̱noꞌonꞌ re̱ꞌ súkún. Jee ne̱ ntiáꞌan kɨ̱naa re̱ꞌ súkún, jee nta̱túníꞌ re̱ꞌ jín Ta̱chi̱ꞌ Ííꞌ Ndiosíꞌ sáá saꞌá rá najiáꞌáꞌ re̱ꞌ ya̱ kúvi apóstol ya̱ nka̱ji re̱ꞌ jín ya̱ chuichí re̱ꞌ ráa.

Hechos 11:28

Ɨɨn ráa naní Agabo, jee nnakui̱ñɨ̱ꞌ nichiꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ sákachiꞌ re̱ꞌ, jee nste̱kútu̱ꞌún ya̱chi̱ꞌ re̱ꞌ, ya̱ kutámá ntántúníꞌ nɨꞌɨ rá ñuunꞌ. (Nkuvi suꞌva rá tiempúꞌ nta̱túníꞌ Claudio nu̱u̱nꞌ ñuunꞌ Roma.)

Mateo 18:19

’Jee suni káchíꞌ ni̱ꞌ nu̱u̱nꞌ rán, ya̱ retú íyó u̱vi̱ꞌ rán nátúꞌún nuún rán iniꞌ ñɨ̱vɨ́ yaꞌá, jee rénákúvi ya̱ ka̱ka̱nꞌ táꞌvíꞌ rán nu̱u̱nꞌ Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee saꞌá re̱ꞌ maa ya̱ kúvi ránoꞌó.

Lucas 2:1

Jee rá ki̱vɨ̱ꞌ tiempúꞌ yukuán nkuvi suꞌva, jee Augusto ya̱ kúvi te̱e tátúníꞌ ñuunꞌ Roma, jee nta̱túníꞌ re̱ꞌ nu̱u̱nꞌ rá ñɨvɨ kua̱íyó rá ñuunꞌ íyó ñɨ̱vɨ́ ya̱ yɨ́ꞌɨ́ ráa xi̱ntíín ñuunꞌ Roma ya̱ nakeꞌen ráa kua̱íyó súví rá ñɨvɨ nakɨ̱ꞌɨ nu̱u̱nꞌ tutuꞌ.

Marcos 13:10

Jee xíꞌna ka̱ꞌ ne̱ ntiáꞌan kenta ji̱nu, íyó te̱ku̱tu̱ꞌún tu̱ꞌun váꞌa jie̱ꞌe̱ꞌ ni̱ꞌ nu̱u̱nꞌ nta̱ká nación íyó ñɨ̱vɨ́.

Hechos 17:31

Chi ñani‑i ɨɨn ki̱vɨ̱ꞌ nu̱u̱nꞌ sanáaꞌ na̱a̱ꞌ‑a kua̱chi nɨꞌɨ ñɨvɨ ñɨ̱vɨ́. Jee ñani‑i ɨɨn te̱e, sáva sanáaꞌ re̱ꞌ jie̱ꞌe̱ꞌ kua̱chi ñɨvɨ. Jee nstúvi‑i ya̱ níso re̱ꞌ tiñu vá, chi nna̱stekúꞌ i̱i̱ꞌ‑i re̱ꞌ nteñu rá níꞌiꞌ jee nxi̱nákóo‑o yɨkɨkúñu re̱ꞌ.

Hechos 19:27

Jee íyó tu̱ꞌun yúꞌví ya̱ kuichi iniꞌ rá ñɨvɨ tiñu sáꞌá‑ó. Jee nsú kua̱chi tiñu sáꞌá‑ó, chi suni ntu̱náꞌ kɨya̱ꞌvi ka̱ꞌ maá veñu̱ꞌun Artemisa nu̱u̱nꞌ rá ñɨvɨ. Ndiosáꞌ máá ñáꞌnú ví ña. Jee suni ntu̱náꞌ kɨya̱ꞌvi ña nu̱u̱nꞌ ráa. Suviña ví ya̱ néñu̱ꞌun nɨꞌɨ rá ñɨvɨ Asia jín nɨꞌɨ ñɨ̱vɨ́.

Hebreos 1:6

Jee inka íchí, sáá nta̱jí Ndiosíꞌ métúꞌún Se̱ꞌya maáréꞌ nkiji‑i iniꞌ ñɨ̱vɨ́ yaꞌá, jee nkachiꞌ re̱ꞌ: Ntáká rá najiáꞌáꞌ ííꞌ kuneñu̱ꞌun ráa Se̱ꞌya ni̱ꞌ. Nkachiꞌ Ndiosíꞌ.

Hebreos 2:5

Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.]