Mateo 23:39 - Mixteco del suroeste de Tlaxiaco Oaxaca

³⁹ Chi káchíꞌ ni̱ꞌ nu̱u̱nꞌ rán ya̱ ni nsáꞌ kuniꞌ rán ka̱ꞌ nuꞌuꞌ ne̱ vitan, ne̱kua̱ꞌ kenta tiempúꞌ ya̱ kachiꞌ rán: “¡Na̱ ka̱ꞌ netuꞌ ka̱ꞌ kúvi maáréꞌ ya̱ va̱ji‑i jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ!”, kachiꞌ rán ―nkachiꞌ Jesús.

Mateo 23:39 Referans Kwoze

Mateo 21:9

Jee rá ñɨvɨ ya̱ kuáꞌánꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ kánajíín ráa, jee káchíꞌ ráa: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ¡Na̱ ka̱ꞌ netuꞌ ka̱ꞌ kúvi maáréꞌ ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Sikáku Ndiosíꞌ yó!, chi, ¡na̱ ka̱ꞌ ñáꞌnú ka̱ꞌ Ndiosíꞌ nééꞌ antivɨ́ súkún! ―káchíꞌ rá ñɨvɨ vá.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

Juan 8:56

Jee tátáꞌ jííꞌ rán Abraham nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ya̱ kuniꞌ re̱ꞌ ki̱vɨ̱ꞌ kiji ni̱ꞌ iniꞌ ñɨ̱vɨ́ yaꞌá. Jee niniꞌ re̱ꞌ maa, jee nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ―nkachiꞌ Jesús.

Juan 8:24

Saáva nkachiꞌ ni̱ꞌ ya̱ kuniso i̱i̱ꞌ rán rá kua̱chi rán sáá kuviꞌ rán. Chi retú ntu̱ví jínúꞌ iniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, saáva kuniso i̱i̱ꞌ rán rá kua̱chi rán sáá kuviꞌ rán ―nkachiꞌ Jesús.

Juan 8:21

Saájee tukuni nkachiꞌ Jesús nu̱u̱nꞌ ráa: ―Nuꞌuꞌ chi kɨ̱ꞌɨ̱nꞌ ni̱ꞌ, jee nanukú rán nuꞌuꞌ, soo nsáꞌ naniꞌinꞌ rán nuꞌuꞌ, chi kuniso i̱i̱ꞌ rán kua̱chi sáá kuviꞌ rán. Saáva nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ ―nkachiꞌ Jesús.

Lucas 17:22

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Kiji rá ki̱vɨ̱ꞌ ya̱ ne̱ kuꞌun ñúkúvi iniꞌ rán kune̱ꞌyá rán ɨɨn rá ki̱vɨ̱ꞌ ya̱ nenta ni̱ꞌ ñɨ̱vɨ́ yaꞌá, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ni nsáꞌ kuniꞌ rán maa.

Juan 14:19

Yakuꞌ ni ka̱ꞌ ki̱vɨ̱ꞌ jee nku̱níꞌ ka̱ꞌ rá ñɨvɨ ñɨ̱vɨ́ yaꞌá nuꞌuꞌ, soo ránoꞌó chi kuniꞌ rán nuꞌuꞌ. Chi jie̱ꞌe̱ꞌ tékúꞌ ni̱ꞌ nɨ́ɨ́nkání, jee saáva suni sukuán ránoꞌó ranika̱ꞌ kutekuꞌ rán nɨ́ɨ́nkání jín ni̱ꞌ.

Juan 14:9

Jee nkachiꞌ Jesús nu̱u̱nꞌ re̱ꞌ: ―Ya nku̱kueꞌeꞌ víꞌí tiempúꞌ ya̱ nééꞌ ni̱ꞌ jín rán ví, Felipe, jee, ¿á ni ntiáꞌan kuniꞌ nú né ɨɨn kúvi nuꞌuꞌ résa? Chi ɨɨn ya̱ niniꞌ‑i nuꞌuꞌ, jee suni ya̱ niniꞌ‑i Tátáꞌ ni̱ꞌ. Saájee, ¿na̱ kuvi chi kachiꞌ nú ya̱: “Xinéꞌénꞌ Tátáꞌ nú nu̱u̱nꞌ ránuꞌuꞌ”, résa?