Biblia Todo Logo
Bib sou entènèt

- Piblisite -




Mateo 23:26 - Mixteco del suroeste de Tlaxiaco Oaxaca

26 ’¡Ránoꞌó fariseo, te̱e kuáá ví rán! Xíꞌna ka̱ꞌ íyó saꞌá noo rán ánímaꞌ rán, kuéntáꞌ kua̱ꞌ násánoo iniꞌ ɨɨn vasúꞌ, saájee tu̱vi nijinꞌ ya̱ nno̱noo kua̱íyó rán nu̱u̱nꞌ rá ñɨvɨ.

Gade chapit la Kopi




Mateo 23:26
12 Referans Kwoze  

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!


Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.


Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.


’Chi ɨɨn yutun váꞌa, jee jiáꞌa‑a ya̱ vixíꞌ váꞌa, áxí ɨɨn yutun ne̱ꞌén jee suni jiáꞌa‑a ya̱ vixíꞌ ne̱ꞌén. Jee yukuán jee jíníꞌ‑ó na̱ yutun kúvi‑i jie̱ꞌe̱ꞌ rá vixíꞌ jiáꞌa‑a.


Jee suni sukuán ɨɨn ñɨvɨ va̱ꞌa iniꞌ, jee ne̱ ya̱ váꞌa ñúꞌún iniꞌ ánímaꞌ‑a, jee yukuán kéne tiñu váꞌa sáꞌá‑a, soo ñɨvɨ niváꞌa, jee ne̱ ya̱ níváꞌa ñúꞌún iniꞌ ánímaꞌ‑a, jee yukuán kéne tiñu niváꞌa sáꞌá‑a. Jee maa ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káꞌánꞌ ―nkachiꞌ Jesús.


Soo nsi̱káꞌánꞌ nánáꞌ ña maáña sákachiꞌ ña jee nkachiꞌ ña nu̱u̱nꞌ Herodes: ―Taji nu̱u̱nꞌ ni̱ꞌ yaꞌá ɨɨn iniꞌ ko̱ꞌo̱ꞌ xi̱ni̱ꞌ Juan ya̱ síkuánuté ―nkachiꞌ ña.


Jee sáá níkó ráa ya̱ jiáꞌánꞌ ráa nu̱yáꞌvi, ntu yájíꞌ ráa, retú ntu násánoo ráa maáráa xíꞌna ka̱ꞌ. Jee íyó víꞌí ka̱ꞌ ñujiínꞌ njiáꞌa rá jííꞌ, ya̱ néva̱ꞌa ráa. Íyótúníꞌ sá nakete ráa rá taza, rá ti̱noꞌoꞌ, rá ki̱sɨ ka̱a jín rá i̱to.)


Soo nkachiꞌ I̱toꞌoꞌ‑ó nu̱u̱nꞌ fariseo vá: ―Ránoꞌó fariseo, jee kuéntáꞌ nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ránú ñúchitú máá tu̱ꞌun u̱ꞌvi̱ꞌ iniꞌ jín tu̱ꞌun níváꞌa.


Swiv nou:

Piblisite


Piblisite